Korɛnti1 12:12 - LAWA A BOO SONBORE 2011

¹² Taãn nɛ, *Krita n ka gɔ̀nɔn goon bɛ́ lɔn, gù gigiã ná a ganaa. Sɛnɛ, gù lɛ laanka a gigiãbaa nɛ, a n gɔ̀nɔn goon lɛa.

LAWA A BOO SONBORE

¹² Taãn nɛ, *Krita n ka gɔ̀nɔn goon bɛ́ lɔn, gù gigiã ná a ganaa. Sɛnɛ, gù lɛ laanka a gigiãbaa nɛ, a n gɔ̀nɔn goon lɛa.

Korɛnti1 12:12 ပူးပေါင်းရင်းမြစ်များ

Korɛnti1 10:17

Buuru goon bɛ́ na a tan; wɔ tumaa n kaa-n kun gɔ̀nɔn goon toto lɛa. A giala, wɔ tumaa gii na a din buuru goon kɛ lɛ nɛ.

Korɛnti1 12:20

Bɛ lɛ nɛ gù gigiã tan, sɛnɛ, gɔ̀nɔn goon ne.

Korɛnti1 12:27

A da yaa ka tumaa n Krita gɔ̀nɔn lɛa, kaa didie dɔ na a gù kɔ́n lɛa.

Korɛnti1 12:7

Didie n bǐɛ̃baa ǹ màn lɛ yii, boe Yiri Fu ni, min tumaa a bǐɛ̃ kɔ a lɛa.

Galaasi minin 3:16

Lawa na á lɛ-kɔ ǹ boon da Abrahamu ni ka a tɔrɔ nɛ. A bie á pɛ mà "ka a tɔrɔn nɛ", ka n pɛ mà a n min gigiã ganaa wa. Sɛnɛ, mà "ka a tɔrɔ nɛ". A n min goon toto nyɛɛ, bɛ n ka Krita nɛ.

Efɛɛzi minin 1:23

Lawa a sɔmɔ lɛ n Krita gɔ̀nɔn lɛa, Krita lɛ na á pã a din lɛ nɛ, a lɛ pã kanaa tumaa dɔ nɛ.

Efɛɛzi minin 4:12

A na á zɛnaa miɛ̃, mà ǹ Lawa a zaman minin yɔrɔ bɔ, ǹ nə ǹ Lawa-nyankɔlebaa ǹ dí nya, Lawa a sɔmɔ mɛn bɛ́ Krita gɔ̀nɔn lɛa, ǹ bɛ gole kɔ nɛ goleemali gɔ́ɔ̃ nɛ.

Efɛɛzi minin 4:4

Wɔ tumaa n gɔ̀nɔn goon lɛa. Yiri Fu goon toto n wɔ tumaa nɛ. Wɔ tumaa foo n doa-n màn goon ganaa, ka Lawa bɛ́ wɔ bíi mà wɔ zɛnaa lɔn.

Efɛɛzi minin 5:23

A giala, giĩ na a lɔ mìilandɛnaa lɛa, ka Krita bɛ́ Lawa a sɔmɔ mìilandɛnaa lɛa lɔn. Krita lɛ din nə Lawa a sɔmɔ lɛ kirisibaali lɛa, sɔmɔ mɛn bɛ́ a din gɔ̀nɔn lɛa.

Efɛɛzi minin 5:30

A giala, wɔ na a gɔ̀nɔn lɛ a gùn lɛa.

Kolɔɔsi minin 1:18

A din nə Lawa a sɔmɔ kɛ mìi lɛa, Lawa a sɔmɔ mɛn bɛ́ a din gɔ̀nɔn lɛa. Bɛa gɔ̀nɔn kɛ lɛ nyin nə boe a din ni, a giala, a din nə min bibinaa lɛa, a yii kaa á n bɔ geren bii, a din nə bibinaa lɛa sii din tumaa gɔ́ɔ̃ nɛ.

Kolɔɔsi minin 1:24

Sisia kəni, ma bɛ́ fuun mɛnɛn yii ka a lɛa, ma nə n nyɛnyɛɛ bɛn gɔ́ɔ̃ nɛ. A giala, bɛa yɔrɔ kɛ lɛ la, man fuu yii ma din gɔ̀nɔn nɛ Krita gɔ̀nɔn kɛ a lɛa, bɛ giala, mà Lawa a sɔmɔ a lɛa. Wɔ doamaa bɛ́-n wɔ nɔmaan mɛnɛn wɔ kun ka Krita nɛ, ma dɔ nə n doɛ, ma á bɛn sii ma ganaa ma tá ǹ lɛ piɛ̃.

Kolɔɔsi minin 2:19

ǹ ba goɛ̃ doa-n Krita ganaa wa, Krita mɛn bɛ́ màn din tumaa mìi lɛa. A din mìi kɛ lɛ barka nɛ gɔ̀nɔn lɛ din tumaa lɛ, Lawa a sɔmɔ lɛa, bɛ n goɛ̃ doa-n kɔn, a nə́ n toe, màn mɛn bɛ́ toɛ a gole kɔ a kɔnpɛ ka Lawa din dùũ ni.

Kolɔɔsi minin 3:15

Krita dinsɔɔ̃ n boe la, a toa minin nə goã kun là nyantoro la. Ka n doa ka bɛa là nyantoro kɛ lɛ tamaa ka foo ne, a giala, a na á ka bíi bɛ lɛ a lɛa, ka goã kun ka gɔ̀nɔn goon toto bɛ́ lɔn. Ka toa ka bǐɛ̃ dɔ̃ Lawa nɛ.