Korɛnti1 11:24 - LAWA A BOO SONBORE 2011

²⁴ á barka da Lawa nɛ, á tatala kɔn, á pɛ: «Masɛ din gɔ̀nɔn nə ka kɛ nɛ, ma á koe ka la. Ka dɔn die ka zɛnaa, ka n yiri koa ka masɛ din ni.»

LAWA A BOO SONBORE

²⁴ á barka da Lawa nɛ, á tatala kɔn, á pɛ: «Masɛ din gɔ̀nɔn nə ka kɛ nɛ, ma á koe ka la. Ka dɔn die ka zɛnaa, ka n yiri koa ka masɛ din ni.»

Korɛnti1 11:24 ပူးပေါင်းရင်းမြစ်များ

Loen 111:4

A n giɛ li, mà ǹ nə n yiri koa ka asɛ a nya ǹ dí dadaran kɛn nɛ. Dɛnaa Lawa lɛ á bǐɛ̃ zɛnɛɛ, á makara doɛ̃.

Loen 22:26

Dɛnaa Lawa, n din a bǐɛ̃baa na á toa, ma á n tɔ boe zaman gole kɛ bii. Man lɛ kɔ n la ka wúlu mànan mɛnɛn nɛ, ma á re bɛn koe n la n nyɛ́ɛbaama-n wolen yɔrɔ-a.

Loen 22:29

A giala Dɛnaa Lawa n kii lɛa. A din nə gánan mìi la.

Bɔ bɛ̀rɛbaa nɛ 12:14

Lɛ̀ woo lɛ̀, ka die ka n yiri gisĩ bɛa sii kɛ lɛ nɛ, ka baa zɔ́n gole lɛa, ka masɛ guguru kɔ nɛ. A n sii lɛa, màn mɛn ná a sàabiɛ doo duduu wa.»

Bɔ bɛ̀rɛbaa nɛ 28:12

Bɛa kɔlɔ màn paa kɛ lɛ da dí nya ǹ mɔnaa lɛ a kũ ǹ biɛn kɛn lɛn ganaa. Kɔlɔ màn paa kɛ lɛ n die goɛ̃ yiri gisĩ sii ni ǹ mànan lɛa, Izirayeli nɛnyaanan taman yii. Aarɔn dɔ n die woe ka ǹ tɔn kɛn nɛ Dɛnaa yɔrɔ-a, a mɔnaa kũ ǹ biɛn kɛn ganaa, bɛ n nyɛɛ mà Dɛnaa yiri a re boe ǹ ne duduu wa.

Suusun 9:5

«Ka da màn bii, ka duvɛ̃ mi.

Loe kɔɔ̃n kɔɔ̃n 1:4

Ma kũ n ma da n kio, wɔ baa si. Ma n maa kii lɛa, ma kũ n wo ma nɛ n waa ǹ kion, n wɔ dinin paanan kaa nyɛnyɛɛ li, n wɔ foo kɔɔ̃n kɔ. N kɔn-narɛɛ ke a soɛ duvɛ̃ nɛ. Sonbore tá nɛnɛn lɛn lon, ǹ nə n narɛ.

Loe kɔɔ̃n kɔɔ̃n 5:1

Haya le! Mianɛn, maa nɛniɛ, má daa wɔ maa dù gɔrɔ lɛ nɛ, man die maa *miíri nyɔɔ gìĩ kɔɔ̃nɔn sɔlɛɛ, man die maa zoo nyɔɔ kɔɔ̃n bii, man die maa duvɛ̃ laanka maa bɔ̀nyaa mii. Maa giaáran lɛn, ka màn bii, maa giaáran lɛn, ka màn mi, ka mi, a wɔ ka yii ni.

Izayii 25:6

*Siɔn kele la, Dɛnaa Lawa Pàãyiidɛnaa á re màn-bii zɛnɛɛ tɔrɔn tumaa wɔ lɛa, siĩ nyɔɔnaa n la, ka duvɛ̃ kɔɔ̃n nɛ. Siĩ nyɔɔnaa basiɛ̃ n la ka duvɛ̃ sonbore ne.

Izayii 26:8

Sonbore, Dɛnaa Lawa, n bɛ́ ń zii mɛn nyaa wɔ nɛ, wɔ n koe lɛ, wɔ foo n doa nɛ n din ganaa. Sii mɛn bɛ kɔɔ̃n wɔ ganaa, wɔ n tɔ bɔ, wɔ n taasɛ ka n din ni.

Matiə 26:13

Man pii ka nɛ, sonbore, ka bɛ́ re Boo Tii Kɔɔ̃n pii kanaa paǹ mɛn tumaa nɛ, lɔ kɛ sii mɛn zɛnaa, ǹ tá re bɛ dɔ laakalɛɛ walan, ǹ minin yiri da a zɛnaa ǹ sii ni.»

Korɛnti1 11:23

A giala, Dɛnaa ma daraa màn mɛn ganaa, má ka dɔn daraa a ganaa, bɛ á ke: Ǹ bɛ́ re Dɛnaa Yezu koe tèlò mɛn nɛ, á buuru saa,

Korɛnti1 11:25

A din yii goon ne, ǹ bɛ́ ǹ nə́ màn bii ǹ nə́ nya, á paan saa á pɛ: «Paan ke, masɛ din mà na a nɛ, a n lɛ kɔ kɔn la dii lɛa. Bɛ̀ ka á mii lɔn, ka n yiri koa ka masɛ din ni.»

Zozoe 4:7

Ka pɛ ǹ nɛ kɛnɛn: «Zurdɛ̃ tà a mu na á goã á n na kɔn Dɛnaa Lawa a *lɛ kɔ kɔn la ǹ goo lɛ nyɛɛn lɛlɛ. Ǹ bɛ́ Zurdɛ̃ tà lɛ kuri ni, Zurdɛ̃ tà a mu lɛ na á n na kɔn. Kɔlɔn kɛn lɛn man die Izirayeli minin yiri gisĩ bɛa sii lɛ nɛ yǎa duduu.»