Korɛnti1 11:19 - LAWA A BOO SONBORE 2011

¹⁹ A n siĩn dinin nana-kɔn yɛ ka bii, min mɛnɛn bɛ́ min peperen lɛa, wɔ tɔn boo la wɔ bɛn dɔ̃.

LAWA A BOO SONBORE

¹⁹ A n siĩn dinin nana-kɔn yɛ ka bii, min mɛnɛn bɛ́ min peperen lɛa, wɔ tɔn boo la wɔ bɛn dɔ̃.

Korɛnti1 11:19 ပူးပေါင်းရင်းမြစ်များ

Matiə 18:7

Bɔ̀n gole n ka kɛ nɛ kanaa minin mìi ni! A giala siin tan ǹ nə́ minin kiɛ sii baraa zɛnaa ganaa. Bɛ miã siin kɛn bie sàabiɛ wa, sɛnɛ, bɛ̀ a zɛnaa ǹ giala bɔ min mɛn li, bɔ̀n na á bɛa dɛnaa yɛ!

Luku 17:1

Yezu mà a kialandɛnan ganaa: Sàabaa ba bɛ la wa, siin man die yii, ǹ minin nyanaa ǹ nə ǹ kaa sii baraa zɛnaa ganaa. Sɛnɛ, min mɛn bɛ́ bɛa siin kɛn lɛn lɛ-bɔle lɛa, bɔ̀ndɛnaa n ka bɛ nɛ.

Luku 2:35

Bɛ lɛ gɔ́ɔ̃ nɛ, a n die min gigiã gɔ́ɔ̃gɔ́ɔ̃ ǹ taasiɛ duriin boe, a ǹ kaa wɔlɔ fúlu ganaa. Sɛnɛ nsɛ, busii á die n là paparɛɛ ka gɔya a min fɔ̃ ǹ bǎã bɛ́ lɔn.»

Nya ǹ dín 15:5

Sɛnɛ, Lawa-nyankɔlen lɛn mɛnɛn nə goã *Fariziɛ̃n lɛa lɛlɛ, bɛn kɔnɔn nə́ n lɛ bũ ǹ nə́ pɛ: «Ka doamaa nɛ ka tɔrɔ kɔsɔn lɛn kuru, ka pɛ ǹ nɛ mà ǹ kɔ Muizu a dí-pɛn lɛn lɛ.»

Nya ǹ dín 20:30

Haalɛ ka dinin bii, minin tá re yui, ǹ soɛn bɔbɔ ǹ Lawa-nyankɔlen sã, ǹ nə ǹ kaa ǹ dinin kio.

Nya ǹ dín 24:14

Sɛnɛ, ma bɛ́ lɛ koe màn mɛn ganaa, man n die bɛ pii n ni: Masɛ n wɔ digolon Lawa kɛ guguru koe, á kɔnpii ka zii dii kɛ nɛ, ǹ bɛ́ mà Zii mɛn lɛ n soɛ lɛa. Sɛnɛ, màn mɛn tumaa bɛ́ kiɛ̃ nɛ, Muizu a landa sɛ́wɔ laanka Lawa a boo gii-dalin sɛ́wɔn nɛ, má golee bɛ tumaa li.

Nya ǹ dín 24:5

Wɔsɛn man wɔ́ yɛ wáa giĩ kɛ lɛ n zaman lɔlɔkɔn wole lɛa. Zuifun tá bǎã woo bǎã nɛ, a n boe ǹ li a tá ǹ sɔsɔmɛ. Nazarɛtin giĩ kɛ a zii dii kɛ lɛ a kɔmalɛ wole nyɛɛnaandɛnaa goon ne.

Nya ǹ dín 26:5

Bɛ̀ ǹ tá li ǹ taãn pɛ, ǹ tumaa á doɛ̃ mà man má goã *Fariziɛ̃ lɛa, kun ka wɔa landa sii zɛnaa a laa wolen kɛn nɛ.

Nya ǹ dín 28:22

Wɔsɛn man li n din ni n taasiɛ pɛ wɔsɛn nɛ, a giala, maǹ zia diɛ bǎã din tumaa nɛ n zii dii kɛ lɛ ganaa.»

Nya ǹ dín 5:17

Bɛa siin kɛn lɛn zɛnaa gɔ́ɔ̃ nɛ, Lawa a Kion wúlu-bɔlen kiã foo yoo, kun ka *Sadusɛɛ̃n lɛsɔkɔn minin kɛn tumaa nɛ a tá kun wolen lɛa. Ǹ nə́ pɛ mà yǎa ǹsɛn nə yui ǹ sii zɛnɛɛ.

Korɛnti1 11:20

Bɛ̀ ka á n lɛ soekɔn miɛ̃ kun, Dɛnaa a màn-bii kɛ bie ka á bii wa.

Korɛnti2 12:20

Nyɛ́ɛ n ma ganaa, máa kɔntan ma a re die ka yiɛ, ka ma bɛ́ giɛ li lɔn wa, ka dɔn nə́ ka a re ma yii, ka ka bɛ́ giɛ li lɔn wa. Nyɛ́ɛ n ma ganaa, máa ma nyan da yaa bɛ̀ zian tá ka bii, ka foo wuu-pɛ nɛ, foo-yoo ne, ka miã lɔ zuũbaa nɛ, sɔ-kaa kɔn la nɛ, ka boo giməə da kɔn ganaa nɛ, din-koa nɛ, ka sii-lɔlɔkɔn nɛ.

Galaasi minin 5:20

dì wúlu bɔ nɛ, ka dagòã si ni. Minbuiinin man zɔ́ɔbaa we kɔn ganaa, ǹ nə́ zian diɛ kɔn ganaa, ǹ foo n wuu pii, foo-yoo la ǹ yii ni, ka miã lɔ zuũbaa nɛ. Maǹ nə n niniɛ kɔn tanlɛ tanlɛ, ǹ nə́ kurun lɛa yɔ boe kɔn ganaa.

Timəə dí-pɛn 13:3

Bɛa kaãbaa ǹ sii lɛ á boe la a n zɛnaa, ka a bɛ́ á pɛ lɔn. Sɛnɛ, bɛ̀ ǹ dɛnaa pɛ ka nɛ mà ka daa ka kɔ lawa kɔsɔn kio lɛ ka bɛn guguru kɔ, lawan mɛnɛn dinin nə́ ke ka a ǹ doɛ̃ wa,

Tiitii 3:10

Min mɛn bɛ́ na kɔn-a ǹ dí nyɛɛ, n nə n dan da bɛ nɛ a dɔ gunyin paa, n tɔn yɛ n toa.

Zaã1 2:19

Bɛa minin kɛn lɛn man nə́ soo wɔ dinin li, sɛnɛ ǹ bie ǹ nə́ goã wɔa wɔn lɛa wa. Taãn nɛ, bɛ̀ maǹ nə́ goã wɔa wɔn lɛa, bɛ̀ ǹ nə́ goã kun ka wɔ nɛ. Sɛnɛ, ǹ na a bɔ wɔ ganaa kɛ lɛ na á nyaa foaãnɛ, mà ǹ kɔ́n ba wɔa wɔ lɛa sonbore wa.