Korɛnti1 10:1 - LAWA A BOO SONBORE 2011

¹ Ma dɔɔ̃nɔn lɛn, wɔ digolon nə́ goã tɔ we kun ka Muizu ni. Sii mɛn nə n zɛnaa ǹ nɛ, ma ba li ka yii goã ti bɛ gɔ́ɔ̃-n wa. Labara goã kuə̃ ne ǹ tumaa la, ǹ nə́ yìsi mu gole dɔ kuru ka ǹ gòã-n kun.

LAWA A BOO SONBORE

¹ Ma dɔɔ̃nɔn lɛn, wɔ digolon nə́ goã tɔ we kun ka Muizu ni. Sii mɛn nə n zɛnaa ǹ nɛ, ma ba li ka yii goã ti bɛ gɔ́ɔ̃-n wa. Labara goã kuə̃ ne ǹ tumaa la, ǹ nə́ yìsi mu gole dɔ kuru ka ǹ gòã-n kun.

Korɛnti1 10:1 ပူးပေါင်းရင်းမြစ်များ

Nehemii 9:19

Sɛnɛ, n makara gole lɛ taman yii, n nə ǹ toa walan don lɛ-n wa. Penleen ne, tɛmaa bara lɛ goã n niɛ̃ n boe ǹ ganaa wa, á goã ǹ nyɛɛnaan boe zii lɛ la. Tèlò-n tɛ bara lɛ dɔ goã n niɛ n boe ǹ ganaa wa, ǹ doamaa bɛ́ nɛ ǹ kɔ zii mɛn lɛ, á goã bɛ fúli ǹ ni.

Loen 105:39

Lawa labara kɔ a din a zaman lɛ lɛ wúlu lɛa, á tɛ fúlu bɔ ǹ nɛ tèlò-n.

Loen 66:6

Á tàn mu bii kuru kɔn, minin nə́ kiɛ̃ ǹ geremaa gɔ́ɔ̃ nɛ ka ǹ gòã nɛ. Ka daa wɔ n nyɛnyɛɛ bɛa sii gole kɛa lɛa.

Loen 78:53

Lawa nə́ ǹ nyɛɛnaan bɔ ka là nyantoro ne, sii kɔn ná a nyɛ́ɛ diɛ ǹ ganaa wa. Sɛnɛ, kɔ̀ mu nə́ n kɔ ǹ zɔ́ɔn lɛ.

Bɔ bɛ̀rɛbaa nɛ 14:29

Sɛnɛ, Izirayeli nɛnyaanan man nə́ tɔ wɔ tà gɔ́ɔ̃ gere bii, mu lɛ n soe-n kɔn ka kungɔn bɛ́ lɔn ǹ paǹan paanan li.

Bɔ bɛ̀rɛbaa nɛ 40:34

Tɛmaa bara lɛ daa n kuməə kɔn yɛ ǹ kion lɛ la, Dɛnaa a gugurubaa kion lɛ pã.

Minin nimi 14:14

Ǹ ná a boo laakalaa gána lɛ a minin manɛ. Bɛn dɔn nə́ bɔ a siére-a kəni, mà n din Dɛnaa Lawa tá kun ka zaman kɛ lɛ nɛ, n tá n din nyɛɛ nɛ buə̃buə̃. Ǹ nə́ bɔ a siére-a dɔn, mà n din nə zaman lɛ tamaɛ, a giala, man tɔ we ǹ nyɛɛnɛ lɛawaa li, tɛmaa bara bii, tèlò-n, tɛ bara bii.

Minin nimi 33:8

Ǹ nə́ yoo Ayirɔti yɔrɔ-a, ǹ nə́ yìsi mu kuru ǹ nə́ woo diə gole ne. Ǹ nə́ lɛawaa sɔɔ zii tɔ wɔ Etamu don, ǹ nə́ woo golee Maaraa.

Zaã a sɛ́wɔ 4:20

Wɔsɛn digolo Samarii minin man nə́ Lawa guguru kɔ kele kɛ la, sɛnɛ, kasɛn Zuifun kɛn man a gialaa pii, mà Zeruzalɛmu n Lawa guguru kɔ ǹ bǎã lɛa.»

Rɔmu minin 1:13

Dɔɔ̃nɔn lɛn, masɛ n giɛ li ka dɔ̃, má a lɛn zɔɔ̃ gunyin damata, máa man die ka li, màn mɛn bɛ́ toɛ, mà maa dí bǎã kɔ́n yɛ ka bii, ka ma bɛ́ má yɛ tɔrɔ kɔsɔn bii lɔn. Sɛnɛ, ma tɔn boo la ka pelo yii-n wa.

Rɔmu minin 11:21

A giala, Zuifun mɛnɛn bɛ́ kɔnboe ka da lɛ a gùrù taãnan nɛ, bɛ̀ Lawa bɛn sã toa wa, a n die nsɛ wɔ toɛ lɔn?

Rɔmu minin 4:11

Abrahamu na á kurii lɛ wɔ sii a kɔnboe lɛa. Bɛ n nyɛɛ mà a bɛ́ a tɔn nə n kuru dinin bɔrɔ wa, mà Lawa na á lɛ kɔ a ganaa min pepere lɛa, a goleemali a lɛa. Bɛa yɔrɔ kɛ lɛ la, kurii baãnaan mɛnɛn tumaa bɛ́ golee Lawa li, mà a lɛ kɔ ǹsɛn ganaa min peperen lɛa, Abrahamu na á bɛn tumaa a díi baa.

Korɛnti1 12:1

Yiri Fu a bǐɛ̃baa ǹ mànan wɔ paǹ li, ma dɔɔ̃nɔn lɛn, ma ba li máa ka yii goã tì ǹ sii gɔ́ɔ̃-n wa.

Korɛnti1 14:38

Bɛ̀ min mɛn ba bɛ doɛ̃ wa, Lawa ba ǹ dɛnaa dɔ doɛ̃ wa.

Galaasi minin 3:29

Bɛ̀ ka á Krita wɔn lɛa, bɛ n nyɛɛ kəni, mà ka n Abrahamu tɔrɔn dɔn lɛa. Lawa nə n lɛ kɔ la ka bǐɛ̃n mɛnɛn nɛ, ka dɔn tá re bɛn yii, a kɔnpɛ ka Lawa din a lɛ-kɔ kɛ nɛ.

Timəə dí-pɛn 1:33

A da yaa, ka zii mɛn saa ká n tɔ we la, a din Lawa lɛ na á goã ka nyɛɛnaan boe ka tɛ fúlu ni tèlò-n, ka tɛmaa bara nɛ lɛawaa li, bɛ̀ a ga giã ǹ bǎã li, bɛ̀ a kɔ ka la.

Ebrəə 11:29

Golee Lawa li na á toa, ǹ nə́ sawɛɛ tà kɛ kuru, ka maǹ tɔ we tán gere la, a da yaa Ezipti minin bɛ́ ǹ nə́ daa, ǹ ná a lɛn zɔɔ̃, mu bɛn kũ.

Zozoe 4:23

A giala, Dɛnaa Lawa lɛ, kaa Lawa lɛa, bɛ na á Zurdɛ̃ tà lɛ a mu piɛ̃ á bɔ ka nyɛɛnɛ, yǎa ka kiɛ̃ ka nya. Dɛnaa Lawa lɛ, kaa Lawa lɛa, a na á zɛnaa miɛ̃ Sawɛɛ tà dɔ lɛ-a, á ná a mu piɛ̃ á bɔ ka nyɛɛnɛ, yǎa ka kiɛ̃ ka nya.