Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Korɛnti1 1:14 - LAWA A BOO SONBORE 2011

14 Bɛ̀ á n bɔ Kripuusu ni, ka Gayusu ni, masɛ batɛmu da ka kɔ́n ganaa wa. Ma á bɛa barka diɛ Lawa nɛ.

အခန်းကိုကြည့်ပါ။ ကော်ပီ

LAWA A BOO SONBORE

14 Bɛ̀ á n bɔ Kripuusu ni, ka Gayusu ni, masɛ batɛmu da ka kɔ́n ganaa wa. Ma á bɛa barka diɛ Lawa nɛ.

အခန်းကိုကြည့်ပါ။ ကော်ပီ




Korɛnti1 1:14
14 ပူးပေါင်းရင်းမြစ်များ  

Piɛrɛ zii kɔ, mà ǹ batɛmu da ǹ ganaa ka Yezu *Krita tɔ nɛ. Bɛ kio ǹ nə́ Piɛrɛ nyankɔ, mà a giã kun ka ǹsɛn nɛ lɛawaa paa.


Ǹ bɛ́ ǹ nə́ n too kɔ Pooli lon, Kripuusu mɛn bɛ́ lɛsɔkɔn kion lɛ a goledɛnaa lɛa, bɛ laanka a kion minin tumaa golee Dɛnaa li. Korɛnti kiwi min gigiã dɔ Lawa-nyankɔlen baa, ǹ nə́ lɛ kɔ ǹ nə́ *batɛmu si.


Gayusu mɛn bɛ́ masɛ laanka Lawa a sɔmɔ minin tumaa a zaàtiingiĩ lɛa, bɛ á fòo diɛ ka nɛ. Kiwi lɛ a wɔrɔ-koali Erasti á fòo diɛ ka nɛ, ka wɔ dɔɔ̃n Kartusu dɔ nɛ.


A bɛ miɛ̃, ka kɔ́n ba boe la ka pɛ, mà maǹ nə́ batɛmu da asɛ ganaa ka masɛ tɔ-n wa.


Lawa sii bǐɛ̃ mɛn zɛnaa ka nɛ Yezu Krita pàã ganaa, ma á bɛa barka diɛ-n baraabaraa kaa lɛa.


Masɛ á bɔlɔ soree pii má la ka tumaa nɛ, ma á bɛa barka diɛ Lawa nɛ.


Barka tá Lawa ganaa! A giala, a din nə wɔ kiɛ kun ka Krita a gɔ̀lɔ̀-baalin ni, wɔa tá kun ka Krita-n kɛ pàã ganaa. A n dí nyɛɛ ka wɔ nɛ, ń giɛ ǹ tá Krita doɛ̃ bǎã tumaa nɛ, ń giɛ dɔn Krita boo gìĩ kɔɔ̃n kɛ dɔ kaa bǎã tumaa nɛ.


Ka barka da Díi Lawa nɛ, biikoo tumaa li, sii din tumaa a lɛa, ka wɔa Dɛnaa Yezu Krita tɔ nɛ.


Krita dinsɔɔ̃ n boe la, a toa minin nə goã kun là nyantoro la. Ka n doa ka bɛa là nyantoro kɛ lɛ tamaa ka foo ne, a giala, a na á ka bíi bɛ lɛ a lɛa, ka goã kun ka gɔ̀nɔn goon toto bɛ́ lɔn. Ka toa ka bǐɛ̃ dɔ̃ Lawa nɛ.


Ka bɛ́ boe la ka á boo woo boo diɛ, ka á sii woo sii zɛnɛɛ, ka bɛ tumaa zɛnaa ka wɔa Dɛnaa Yezu tɔ nɛ, bɛ̀ ka n barka diɛ Díi Lawa nɛ, a din lɛ pàã ganaa.


Ka barka da Lawa-n sii din tumaa a lɛa, a giala, Lawa n giɛ li mà ka bɛ lɛ zɛnaa, kaa tá kun Yezu Krita-n gɔ́ɔ̃ nɛ.


Ma á barka diɛ wɔa Dɛnaa Yezu Krita-n parsiini, asɛ mɛn bɛ́ á dí lɛ a nya ǹ pàã kɔ ma la. Ma á barka diɛ nɛ, a giala á ga ma ganaa foo doamaa wole lɛa, á tɔ́n ma saa a dí ni.


Filemɔn, n foo bɛ́ doa-n Dɛnaa Yezu ganaa lɔn, n bɛ́ kɔn-narɛɛ mɛn dɔ nyɛɛ Lawa a minin tumaa nɛ, má bɛn boo ma, bɛ lɛ nɛ, ma á barka diɛ maa Lawa nɛ. Biikoo woo biikoo, bɛ̀ ma á Lawa nyankoe, ma na a nyankoe n lɛa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ