Kiin2 25:14 - LAWA A BOO SONBORE 2011

¹⁴ Kalde minin lɛn nə́ ton kaa ǹ mànan kɛn goa, ka lasanan kɛn nɛ, ka gɔyan nɛ, duvɛ̃ kaa ǹ mànan kɛn nɛ, ka mànan mɛnɛn tumaa goã zan lɛa, ǹ nə́ Lawa a dí nyɛɛ ǹ nɛ.

LAWA A BOO SONBORE

¹⁴ Kalde minin lɛn nə́ ton kaa ǹ mànan kɛn goa, ka lasanan kɛn nɛ, ka gɔyan nɛ, duvɛ̃ kaa ǹ mànan kɛn nɛ, ka mànan mɛnɛn tumaa goã zan lɛa, ǹ nə́ Lawa a dí nyɛɛ ǹ nɛ.

Kiin2 25:14 ပူးပေါင်းရင်းမြစ်များ

Kiin1 7:40

Iraamu tàanan dɔn zɛnaa, ka lasanan laanka mà pɛsɛ̃ ǹ tàanan nɛ. Iraamu doamaa bɛ́ nɛ a dí mɛn nya kii Salomɔn nɛ, Dɛnaa a kion lɛ ganaa, á bɛ yii mìi tã. A mànan mɛnɛn zɛnaa bɛn nə́ ke: Bìbì paa kɛ nɛ, mànan mɛnɛn bɛ́ bìbìn lɛn mìi-n lon nyaǹ lɛa, bɛn màn pooreen kɛn manɛ, ka màn la kekerekaãn kɛn nɛ, màn pooreen lɛn kɔmalɛ ǹ wɔn lɛa. Grenadie da nɛ nyín biɛsii (400) kɛ nɛ, ǹ nə́ nyaǹ mànan kɛn lɛ dɛ nɛ, bìbìn lɛn mìi ni. Wotoro fù kɛ nɛ, Tan fù kɛ nɛ, doo kaaraa kɛ nɛ, dii gɔ̀lɔ̀ fùlupaa kɛ nɛ, doo kaaraa lɛ giala n diɛ nɛ ǹ la. Tàanan kɛn manɛ, ka lasanan kɛn laanka mà pɛsɛ̃ ǹ mànan kɛn nɛ. Bɛa mànan kɛn lɛn tumaa Iraamu nə́ ǹ zɛnaa á ǹ kɔ kii Salomɔn la, Dɛnaa Lawa a kion lɛ wɔn lɛa, ǹ tumaa n zan lɛa zɔnɛɛ nɛ.

Kiin2 25:15

Minin-lɛduə̃lin mìilandɛnaa lɛ da yon gìĩ kɔɔ̃n tã ǹ mànan kɛn goa, ka mà pɛsɛ̃ ǹ tàanan nɛ. Ǹ tumaa n wɔrɔ hinlaa sana lɛa.

KZS2 24:14

Dín lɛn bɛ́ ǹ nə́ nya ǹ mɛn waáraa, dí-nyalin goledɛnan lɛn nə́ daa wɔrɔ gialakun lɛ kɔ kii laanka Zozadaa la. Gɔn dí-nyalin nə́ goã Lawa a kion lɛ a dí nya ǹ mànan zɛnɛɛ nɛ: Dí nya ǹ mànan manɛ, *wúlu màn lɛpiɛ̃ kɔ ǹ mànan nɛ, tàanan nɛ ka mànan nɛ sana laanka wɔrɔ lɛa. Zozadaa a yiikoonaabaa tumaa gɔ́ɔ̃ nɛ, Izirayeli minin man nə́ goã wúlu màn lɛpiɛ̃ koe Lawa a kion kɛ nɛ biikoo yii li.

Bɔ bɛ̀rɛbaa nɛ 25:38

Bolon lɛ bɔ ǹ banbaalanan laanka ton kaa ǹ mànan lɛn dɔn doamaa nɛ ǹ goã sana yoreen yoreen lɛa.

Bɔ bɛ̀rɛbaa nɛ 27:3

N bǎã lɛ a ton kaa ǹ tasanan zɛnaa ka zan tã nɛ, ka a ton goa ǹ lasan nɛ, ka a mà pɛsɛ̃ ǹ tàanan nɛ, a siĩ fɔ̃ ǹ bàlàn nɛ, ka tɛ nàn kaa ǹ mànan nɛ.

Bɔ bɛ̀rɛbaa nɛ 38:3

Á wúlu bɔ ǹ bǎã lɛ a màn bisinin tumaa zɛnaa: ton kaa ǹ tasanan nɛ, ka ton goa ǹ lasan nɛ, mà pɛsɛ̃ ǹ tàanan kɛn nɛ, siĩ fɔ̃ ǹ banbaalanan nɛ ka tɛ nàn kaa ǹ mànan nɛ, bɛa màn bisinin kɛn lɛn, á ǹ zɛnaa ka zan tã nɛ.

Zeremii 52:18

Ǹ goã dí nyɛɛ ka zan mànan mɛnɛn tumaa nɛ Lawa a kion lɛ nɛ, ǹ nə́ bɛn dɔn tumaa goa: ton goa ǹ mànan kɛn manɛ, lasanan nɛ, bolon nimi ǹ mànan kɛn nɛ, mà pɛsɛ̃ ǹ tàanan nɛ ka tàan kɔsɔn nɛ.