Kiin2 25:12 - LAWA A BOO SONBORE 2011

¹² Sɛnɛ, minin-lɛduə̃lin mìilandɛnaa lɛ gána lɛ a doobaan gialakun toa walan, mà ǹ buu-kɔsɔlin baa, ka *rezɛ̃ da dí-nyalin ni.

LAWA A BOO SONBORE

¹² Sɛnɛ, minin-lɛduə̃lin mìilandɛnaa lɛ gána lɛ a doobaan gialakun toa walan, mà ǹ buu-kɔsɔlin baa, ka *rezɛ̃ da dí-nyalin ni.

Kiin2 25:12 ပူးပေါင်းရင်းမြစ်များ

Kiin2 24:14

Baabilonii gána a kii lɛ Zeruzalɛmu kiwi min tumaa goa, kii kiodɛnan tumaa nɛ, pàãman tumaa nɛ, á woo ǹ ne bɛ̀rɛbaa ǹ bǎã nɛ. A wo ka min mɛnɛn nɛ, ǹ tumaa a kaa kun min duu fù (10 000), ka da-sɛlɛlin laanka fuũn ni. A na á n zɔ̃ á goã gána lɛ a doobaan dininsɔɔ̃nɔn li.

Kiin2 24:15

Nebukadenezɔɔrɔ kii Zoakini saa Zeruzalɛmu kiwi, á woo-n bɛ̀rɛbaa ǹ bǎã nɛ, Baabilonii gána nɛ, ka a náa nɛ, ka a lɔn nɛ, a sɔraasi goledɛnan nɛ, ka gána lɛ a nyɛɛnaandɛnan nɛ.

Kiin2 24:16

Zia-baali foo tãnaan kaa kun na á goã min duu sɔbaa (7 000). Da sɛlɛlin laanka fuũn kaa kun na á goã min duu goon (1 000). Sɔraasi kɔsɔn dɔn nə́ goã kunun ǹ ni. Baabilonii gána a kii lɛ woo ka ǹ tumaa nɛ bɛ̀rɛbaa ǹ bǎã nɛ, a gána nɛ.

KZS2 24:14

Dín lɛn bɛ́ ǹ nə́ nya ǹ mɛn waáraa, dí-nyalin goledɛnan lɛn nə́ daa wɔrɔ gialakun lɛ kɔ kii laanka Zozadaa la. Gɔn dí-nyalin nə́ goã Lawa a kion lɛ a dí nya ǹ mànan zɛnɛɛ nɛ: Dí nya ǹ mànan manɛ, *wúlu màn lɛpiɛ̃ kɔ ǹ mànan nɛ, tàanan nɛ ka mànan nɛ sana laanka wɔrɔ lɛa. Zozadaa a yiikoonaabaa tumaa gɔ́ɔ̃ nɛ, Izirayeli minin man nə́ goã wúlu màn lɛpiɛ̃ koe Lawa a kion kɛ nɛ biikoo yii li.

Nehemii 1:2

A ma toa walan, Hananii mɛn nə́ ke ma dɔɔ̃ngiĩ goon lɛa, bɛ́ bɔ Zudaa gána nɛ á daa, kun ka giĩ lɛ dan kɔn nɛ. Zuifun mɛnɛn nə bɔ bɛ̀rɛbaa ǹ bǎã lɛ nɛ ǹ nə́ daa, má nɔ̀n da ǹ la ka bɛn sii ni, ka Zeruzalɛmu dɔ wɔ nɛ.

Izayii 24:6

Bɛ lɛ taman yii, Dɛnaa Lawa lɛn baraa bíi tán li. Bɛ lɛ a dɔlɔ n ke minbuiin nɛn mìi ni. Bɛ lɛ nɛ kanaa minin nə́ papaã, ǹ nə́ kiɛɛrɛ kɔ.

Zeremii 39:10

Sɛnɛ, min mɛnɛn bɛ́ doobaan lɛa màn kɔn ba ǹ lon wa, Nebuzaradan bɛn tɛnɛn toa Zudaa gána nɛ, á wurun gii ǹ ni ka rezɛ̃ wurun ni.

Zeremii 40:7

Zudaa gána nɛ, sɔraasin nə́ goã ǹ tan kɔnlɛ ká sɔraasin nyɛɛnaandɛnan nɛ. Ǹ nə́ ma mà Baabiloniin kii na á Ayikaamu a nɛgiĩ Gedalia bɔ á koa gánadɛnaa lɛa gána lɛ mìi la. Mà a na á koa doobaan mìi la, giĩn ni, lɔn nɛ ka nɛnyaanan nɛ, ǹ bɛ́ ǹ boo la ǹ nə́ ǹ mɛnɛn goa ǹ nə́ woo ǹ ne Baabilonii wa.

Zeremii 52:16

Sɛnɛ, á gána lɛ a doobaan tɛnɛn toa walan màn mɛn bɛ́ toɛ ǹ *rezɛ̃ da wuru laanka wurun kɔsɔ.

Ezekieli 33:24

– Minbuiin a nɛ, ǹ kiwin mɛnɛn lɛn yu, bɛn minin mɛnɛn bɛ́ Izirayeli gána nɛ, bɛn man pii: «A laanɛ wɔ digolo Abrahamu goã a dinsɔɔ̃, á gána lɛ si á baa a wɔ lɛa. Sanparɛ ka wɔsɛn damata kɛ nɛ. Gána lɛ a dɛnaabaa na á n kɔ wɔsɛn dɔn la.»