Kiin2 24:17 - LAWA A BOO SONBORE 2011

¹⁷ Matania mɛn nə́ ke Zoakini lɛ dikoɛ lɛa, Baabilonii gána a kii lɛ bɛ koa kii lɛa Zoakini bǎã nɛ. A na á Matania lɛ tɔ bɔyaa á baa Sedekiasi lɛa.

LAWA A BOO SONBORE

¹⁷ Matania mɛn nə́ ke Zoakini lɛ dikoɛ lɛa, Baabilonii gána a kii lɛ bɛ koa kii lɛa Zoakini bǎã nɛ. A na á Matania lɛ tɔ bɔyaa á baa Sedekiasi lɛa.

Kiin2 24:17 ပူးပေါင်းရင်းမြစ်များ

Kiin2 23:34

Á Zoziasi a nɛgiĩ Eliakimu koa kii lɛa ǹ di Zoziasi lɛ bǎã nɛ, a ná a tɔ bɔyaa á baa Zoakiimu lɛa. A na á goã á Zoakazi sɛ baa kòso nɛ lɛa. Zoakazi lɛ woo Ezipti gána nɛ, á gã walan.

KZS2 36:4

Bɛ kio, Eziptin kii Zoakazi n dɔɔ̃n Eliyakimu bɔ á koa kii lɛa Zeruzalɛmu laanka Zudaa gána mìi la. A ná a tɔ bɔyaa, á Zoakimubaa kɔ a ganaa. Ǹ dɔɔ̃n Zoakazi ke, Nekoo woo ka bɛ nɛ Ezipti gána nɛ.

Zeremii 1:3

Á wusoo á boo da-n doo Zoziasi a nɛgiĩ Zoakimu a kiibaa biikoo li Zudaa mìi la. Á boo da-n miɛ̃ yǎa Zoziasi a nɛgiĩ Sedekiasi a kiibaa lɛ̀ fulugoonbaa ǹ wɔ a mui soorobaa ǹ wɔ giala nyɔmɔɔ waáraa. A din biikoo lɛ nɛ, ǹ nə́ Zeruzalɛmu minin goa ǹ nə́ woo ǹ ne bɛ̀rɛbaa ǹ bǎã nɛ.

Zeremii 21:1

Dɛnaa Lawa boon mɛnɛn da Zeremii ni kii Sedekiasi a paǹ li, ǹ nə́ ke. Kii lɛ na á goã á Malkia a nɛgiĩ Pasewuru laanka Maseya a nɛgiĩ Lawa a wúlu-bɔle Sefania dia Zeremii li mà ǹ wo pɛ-n kɛnɛn:

Zeremii 37:1

Baabiloniin kii Nebukadenezɔɔrɔ na á Zoziasi a nɛgiĩ Sedekiasi koa kii lɛa Zudaa gána mìi la. Sedekiasi na á Zozakimu a nɛgiĩ Konia bǎã saa.

Zeremii 49:34

Dɛnaa Lawa boo da Lawa a boo gii-dali Zeremii ni Elamu minin wɔ paǹ li. Bɛ́ á zoɛ̃ bɛ̀ Sedekiasi a Zudaan kiibaa tɔn belebɔ wa.

Zeremii 52:1

Sedekiasi bɛ́ kii biɛ, bɛ̀ a lɛ̀ fuəwengoon ne. A na á lɛ̀ fulugoon kiibaa zɛnaa Zeruzalɛmu. Ǹ dan tɔ n Amutaali. Libnaa min Irmeya a nɛlɔ nɛ.

Ezekieli 17:13

Á kii tɔrɔ goon kũ á lɛ kɔ kɔn la wɔ ka bɛ nɛ. Á pɛ nɛ, mà yǎa a nə n liɛ, mà asɛ á re goɛ̃ bɔlɔgoondɛnaa lɛa bɛa lɛ kɔ kɔn la lɛ gɔ́ɔ̃ nɛ. Á woo ka gána lɛ a min tɔnaan nɛ,

Ezekieli 17:16

A ma toa ma yii n koo, masɛ Dɛnaa Lawa a da ǹ boo á ke: «Ma kii mɛn lɛ koa pàã la, á re giɛ̃ bɛ lɛ a gána nɛ. A giala, a liɛ mɛn wɔ bɛa kii lɛ nɛ, á n lɛ bɔ, a lɛ kɔ kɔn la mɛn wɔ kun ni, á bɛ ziziɛ̃. A n die giɛ̃ bɛa kii lɛ a gána nɛ Baabilonii.

Ezekieli 23:17

Baabilonii minin lɛn nə́ daa giã kun ni, ǹ ná a gɔgɔrɛ kɔ ka ǹ kɔrɔbaa kɛ nɛ. A bɛ́ á n din ziziɛ̃ kunun ǹ ni, ǹ tìĩ daa á bɔ a nyin ni ka kusikusi.

Danayeli sɛ́wɔ 1:7

Dí-nyalin goledɛnaa lɛ tɔ kɔsɔn wɔ ǹ ganaa: á Danayeli bíi Bɛlsazaara, á Anania bíi Sadraki, á Mikayeli bíi Mesaki, á Azaria bíi Abɛdi-Negoo.