Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Kiin2 21:6 - LAWA A BOO SONBORE 2011

6 A ná a nɛgiĩ baa wúlu màn-tiɛ̃ lɛa. Á boobaa ǹ dí nya, á kɔ́lɔn-baa ǹ siin zɛnaa, wɔ kũ ǹ siin ni ka nyín bíi ǹ dí ni. Siin mɛnɛn bɛ́ baraa Dɛnaa Lawa yii li, Manaasee na á bɛn lɛn dinin zɛnaa á la yii ni, á Dɛnaa Lawa foo yoo.

အခန်းကိုကြည့်ပါ။ ကော်ပီ

LAWA A BOO SONBORE

6 A ná a nɛgiĩ baa wúlu màn-tiɛ̃ lɛa. Á boobaa ǹ dí nya, á kɔ́lɔn-baa ǹ siin zɛnaa, wɔ kũ ǹ siin ni ka nyín bíi ǹ dí ni. Siin mɛnɛn bɛ́ baraa Dɛnaa Lawa yii li, Manaasee na á bɛn lɛn dinin zɛnaa á la yii ni, á Dɛnaa Lawa foo yoo.

အခန်းကိုကြည့်ပါ။ ကော်ပီ




Kiin2 21:6
23 ပူးပေါင်းရင်းမြစ်များ  

Bɛa kiwi lɛ dɔ a minin man nə́ goã we Lawa lon parsiini, ka ǹ zɛnaa ǹ sii babaraan nɛ.


Sɛnɛ a na á Izirayeli kiin tɔ wɔ ǹ gɔn saa. Á wúlu din bɔ ka a nɛgiĩ ni. Dɛnaa Lawa goã á gánan mɛnɛn minin loo á ǹ bɔ ǹ bǎãn nɛ Izirayeli nɛnyaanan lɛn nyɛɛnɛ, bɛn bɛ́ sii bɔbɔnɛɛn mɛnɛn zɛnɛɛ Ahaazi dɔ n koe bɛn lɛn lɛ.


Ǹ nə́ ǹ nɛgiĩn laanka ǹ nɛlɔn tã wúlu mànan lɛa, ǹ nə́ wɔ kũ, ǹ nə́ boobaa ǹ dí nya. Ǹ nə́ ǹ dinin kɔ dí baraa nya la, Dɛnaa Lawa yɔrɔ-a, yǎa ǹ nə́ Dɛnaa Lawa foo yoo.


Min mɛnɛn bɛ́ nyín bíi, ka min mɛnɛn bɛ́ boobaa ǹ dí nyɛɛ, Zoziasi bɛn dɛ, á kion lɛduə̃ ǹ dìn papaã ka dì tɔrɔ kɔsɔn nɛ. Sii bɔbɔnɛɛ mɛn tumaa goã n zɛnɛɛ Zudaa gána laanka Zeruzalɛmu kiwi, Zoziasi bɛn dɔn papaã. A na á baa miɛ̃, màn mɛn bɛ́ toɛ, a dí-pɛn lɛ pã. Bɛa dí-pɛn lɛn man kiɛ̃-n sɛ́wɔ kɛ nɛ, Lawa a wúlu-bɔle Ilkia goã á yɛ Dɛnaa Lawa a kion.


Sayulu lɛ na á gã, a giala a na á bɔlɔgoonbaãdɛnaa baa Dɛnaa Lawa wɔ paǹ li. A na a kɔ Dɛnaa Lawa a dí-pɛn lɛ ka a yɔrɔ-n wa. Á goã dinin á kanbaa Lawa la á woo gere nyin bii á nɔ̀n da la. Bɛ lɛ nɛ Dɛnaa Lawa toa á gã, a ná a kiibaa lɛ saa á kɔ Zesee a nɛgiĩ Davida la.


A n màn gìĩ kɔɔ̃n koe Inɔn a nyankɔrɔ basa kɛ nɛ, a na a nɛnyaanan tiɛ̃ *wúlu màn lɛa ka tɔrɔn kɛn wɔ bɛ́ lɔn, sii bɔbɔnɛɛn zɛnɛɛ, Dɛnaa Lawa nə́ ǹ loo á ǹ bǎã kɔ Izirayeli minin la.


A ná a nɛgiĩ baa wúlu màn-tiɛ̃ lɛa. Á boobaa ǹ dí nya, á kɔ́lɔnbaa ǹ siin zɛnaa, wɔ kũ ǹ siin ni ka nyín bíi ǹ dí ni. Siin mɛnɛn bɛ́ baraa Dɛnaa Lawa yii li, Manaasee na á bɛn lɛn dinin zɛnaa á la yii ni, á Dɛnaa Lawa foo yoo.


Ezipti minin foo á re ziziɛ̃. Ǹ sii yɔrɔ bɔn kɛn, ma á re bɛn lɔloɛkɔn. Ǹ tá re woe n lɛ koɛ dìn li, dagòãdɛnan nɛ, nyín-biilin ni ka wɔ-kulin ni.


Á bǐɛ̃ kɔ, ma dɔ n die koe yɔrɔ boe ǹ wɔ lɛa. Sii mɛn bɛ́ nyɛ́ɛ diɛ ǹ ganaa, man die bɛ lɛ diɛ ǹ la. A giala, má lɛ dia, min kɔn ma lɛ si wa. Má boo da, min kɔn nə n too kɔ wa. Sii mɛn bɛ́ bɔbɔnɛɛ ma yii li, ka sii mɛn bɛ́ a kɔɔ̃n ma ganaa wa, ka ǹ bɛ lɛ zɛnɛɛ.


Min tɛnɛn man pii: «Ka wo nyín-bíilin li, ka wɔ-kũlin ni, ǹ mɛnɛn bɛ́ biɛ̃ ǹ sii nyɛɛ bɛ̀ ǹ boo bisin da ǹ lɛ giulun.» Bɛ̀ ǹ nə́ pɛ ka nɛ mà minin doamaa nɛ ǹ dìn gɔ, ǹ nyínin bíi yiikoonaan lɛa,


A giala, Zudaa minin nə́ n la bɔ ma ganaa. Ǹ dinin lɛa nɛ, bǎã kɛ ba n doɛ̃ doo wa. Bɛa lawa tiin kɛn, ǹ nə́ ǹ ba ǹ doɛ̃ wa, ǹ dinin ni, ǹ digolon ne ka Zudaa kiin ni, maǹ nə́ *wúlu mànan kɔ bɛn la walan. Ǹ nə́ yii tì-an mà kaa walan.


Ǹ nə́ *wúlu bɔ ǹ bǎã dɔ dì *Baali wɔ lɛa. Maǹ nə ǹ nɛnyaanan tiɛ̃ wúlu màn lɛa walan. A da yaa, ma bɛa zii kɔ ǹ la wa, a taasiɛ dɔ bin da ma yiri-n wa.»


Bɛ̀ ǹ nə́ ǹ nɛnyaanan lɛn dɛ dìn ganaa ǹ mɛn pinaa, maǹ wusii bɛ̀ ǹ da wɔ maa kion sonbore kɛ nɛ a din pinaa, bɛ̀ ǹ bɛ dɔ ziziɛ̃. Ǹ sii mɛn zɛnaa maa kion lɛ nɛ, a din lɛ n ka bɛ nɛ.


Min kɔn baran toa a na a nɛ kɔ, ǹ wúlu bɔ nɛ dì Molɛki kɛ ganaa wa. Min kɔn baran toa a Lawa tɔ ziziɛ̃ wa. Masɛ din ni Dɛnaa Lawa lɛa.


Ka baran tɔɔ kɔn a siĩ sɔ̃ ka a mà ná a-n wa. Ka baran wɔ-kũlibaa ǹ sii laanka boobaa ǹ sii zɛnaa wa.


Ka baran boobaa ǹ sii zɛnaa wa, ka baran wo kaa sii ni boon kion wa. Bɛ̀ ka bɛ zɛnaa, bɛ lɛ n *gɔ̀ diɛ ka ganaa. Masɛ din Dɛnaa Lawa n kaa Lawa lɛa.


Dɛnaa Lawa n giɛ sère gɔ̀lɔ̀ duu damata li wúlu màn lɛa? Hinlaa a n giɛ nyɔɔ gigiã li? Ma doamaa-n ma maa nɛgiĩ bibinaa kɔ, maa bɔlɔ-tii kɛa lɛa? Ma doamaa-n ma maa yɛ ǹ nɛ kɔ, maa sii baraan kɛn lɛa?


Ǹ kɔ́n pinaa wɔ bɛ́ woe Lawa nyankɔ ǹ bǎã nɛ, bɛ̀rɛlɔ goon daa n da wɔ lɛ. Nɔ̀ɔnɔn man a ganaa, a n wɔkuĩ. A bɛ́ min mɛnɛn bɛ̀rɛ lɛa, a wɔ-kũ ǹ dí na á goã là gole we bɛn lon.


Izirayeli minin lɛn man nə́ kɔ lawa kɔsɔn lɛ, ǹ nə́ Lawa da miãgoã bɔ ganaa, ǹ dinin man nə́ sii bɔbɔnɛɛ zɛnaa, ǹ ná a foo da yoo ganaa.


Mànan mɛnɛn bɛ́ lawa kooron lɛa, ǹ nə́ ma da kɔn ka bɛn nɛ, ǹ nə́ ma foo yoo ka ǹ màn kokooron kɛn nɛ. Á bǐɛ̃ kɔ! Tɔrɔ mɛn bɛ́ a tɔrɔ lɛa wa, ma dɔ n die ǹ dɔn kiɛ kɔn ka bɛ nɛ. Tɔrɔ mɛn nə́ ke baãnaa lɛa, man die ǹ foo yui ka bɛ nɛ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ