Kiin2 19:37 - LAWA A BOO SONBORE 2011

³⁷ Sɛnɛ, ǹ kɔn pinaa a toa kuməə-n tán a dì kion Nisirɔki giulun, a nɛgiĩ min paa, Adramelɛki laanka Saresɛɛrɛ nɛ, bɛn nə́ dɛ ka gɔya nɛ, ǹ nə́ baa si ǹ nə́ woo Araraa gána nɛ. A nɛgiĩ Asaradɔn na á kii baa a bǎã nɛ.

LAWA A BOO SONBORE

³⁷ Sɛnɛ, ǹ kɔn pinaa a toa kuməə-n tán a dì kion Nisirɔki giulun, a nɛgiĩ min paa, Adramelɛki laanka Saresɛɛrɛ nɛ, bɛn nə́ dɛ ka gɔya nɛ, ǹ nə́ baa si ǹ nə́ woo Araraa gána nɛ. A nɛgiĩ Asaradɔn na á kii baa a bǎã nɛ.

Kiin2 19:37 ပူးပေါင်းရင်းမြစ်များ

Siin Giala 8:4

Mui sɔbaabaa ǹ wɔ a lɛawaa fulusɔbaabaa ǹ wɔ pinaa, goo lɛ golee Araraa kele goon la.

Kiin2 17:31

Abaa minin man nə́ dì Nebazi nyín zɛnaa, ka dì Tartaaki nyín ni, Sefaravayimu minin man nə́ goã tɔn nə ǹ nɛgiĩn tiɛ̃ wúlu mànan lɛa Sefaravayimu kiwi a dìn kɛn ganaa, Adramelɛki laanka Anamelɛki ni.

Kiin2 18:30

Ezekiasi bɛ́ pii mà Dɛnaa Lawa tá re ǹsɛn boe a nɛ a giala yii li, mà kiwi kɛ ba re n we Asiirii gána a kii gɔn wa, ka nyan nə n saa bɛa boo kɛ li, ka n foo doa Dɛnaa Lawa ganaa wa.

Kiin2 18:5

Ezekiasi nə́ n foo doa Izirayeli a Lawa, Dɛnaa Lawa lɛ ganaa. Kii Ezekiasi kio, Zudaa gána a kiin lɛn tumaa bii, kii yɛ ka a bɛ́ lɔn wa. Kiin mɛnɛn dɔn nə goã ǹ nə́ daa a nyɛɛnɛ, ǹ miã goã bɛn dɔn bii wa.

Kiin2 19:10

Asiirii gána a kii lɛ tɔ́n wusoo doo á minin dia Ezekiasi li, á pɛ ǹ nɛ, mà ǹ pɛ Zudaa gána a kii Ezekiasi n kɛnɛn: «N Lawa mɛn bɛ́ n tá n foo doɛ a ganaa, bɛ baran toa a n yiri sã n pɛ mà Zeruzalɛmu ba re n we Asiirii gána a kii gɔn wa.»

Kiin2 19:17

Dɛnaa Lawa, taãn nɛ, Asiirii gána a kiin lɛn nə́ basaã kɔ tɔrɔn manɛ ka ǹ gánan nɛ.

Kiin2 19:31

A giala min mɛnɛn bɛ re goɛ̃, ǹ tá re soe Zeruzalɛmu, Yiikoonaan mɛnɛn bɛ re goɛ̃, ǹ tá re gisĩ *Siɔn kele la. Dɛnaa Lawa a kɔn narɛ gole lɛ n die bɛ zɛnɛɛ.

Kiin2 19:7

Á ke, ma á die taasiɛ we Asiirii gána a kii lɛ yiri ni, á re boo miɛ, a n bɔyaa a wo a gána nɛ, bɛa boo lɛ taman yii. Ma á re toɛ a gɔya gɛ̀ wɔ a din a gána nɛ.»

KZS2 32:14

Ma digolon nə gánan mɛnɛn tumaa ziziɛ̃, lawa kɔn yɛ ǹ lawan bii, a ná a zaman si ma pàã la wa. Ka dɔn kəni, kaa Lawa lɛ á boe la a bɛ zɛnaa?

KZS2 32:19

Maǹ Zeruzalɛmu a Lawa boo diɛ ka ǹ bɛ́ tɔrɔ kɔsɔn lawan boon diɛ lɔn. A da yaa bɛa lawan kɛn lɛn, man màn nyínin lɛa minbuiin nɛ gɔn nə́ ǹ zɛnaa.

KZS2 32:21

Dɛnaa Lawa tɔn lona dia dí-a wole goon dia Siirii minin giã ǹ bǎã lɛ nɛ. Á sɔraasi kakan tumaa dɛ, sɔraasin nyɛɛnaandɛnan nɛ ka gána nyɛɛnaandɛnan nɛ. Sìi nə́ n kɔ Asiiriin kii lɛ, á n bɔyaa á woo a gána nɛ. Ǹ kɔn pinaa á wɔ a dì kion, a nɛgiĩn nə́ dɛ walan.

Ɛsidrasi 4:2

ǹ nə́ n zɔ̃ ǹ nə́ dɔ Zorobabeli laanka a kɛdɛnan li, ǹ nə́ pɛ ǹ nɛ kɛnɛn: «Wɔsɛn man giɛ li wɔ kion lɛ dɔ kun ka nɛ. Sonbore, wɔsɛn man giɛ Lawa li, ka dinin Lawa lɛ, ka ka dɔn bɛ́ giɛ li lɔn. A kũ Asiirii gána a kii Asaradɔn a biikoo ganaa, kɛ lɛ á daa ka wɔsɛn nɛ kànaa, wɔsɛn man wúlu-mànan koe ka dinin Lawa lɛ la.»

Zeremii 51:27

Ka màn zumu sii a kɔnboe lɛa gána lɛ nɛ, ka bɛn pɛ tɔrɔn tumaa bii! Ka tɔrɔn sɔkɔn a ganaa, Araraa minin ni, Minii minin ni ka Askenaazi minin ni. Ka sɔraasin nyɛɛnaandɛnan bɔ ǹ wo zia baa a ganaa. Ka sùin dia ǹ wo ziabaa a ganaa, ká bisin kuru bɛ́ lɔn.

Timəə dí-pɛn 32:31

A giala, màn mɛn bɛ́ wɔa zɔ́ɔn lɛn tamaɛ, bɛ pàã dɔ wɔsɛn tamaali Lawa kɛ wɔ li wa. Ǹ dininmaan tá bɛ doɛ̃.