Kiin2 18:24 - LAWA A BOO SONBORE 2011

²⁴ Ma n siɛ lɔn n tɔn boo la n masɛ a dɛnaagiĩ a pàãdɛnaa goon kooro da wusooma kio-n ganaa? Haalɛ, ta ǹ dɛnaa din ni maa dɛnaagiĩ a dí-nyalin lɛn kiɛɛrɛ lɛa. Ma n nə́ n foo doɛ Ezipti gána ganaa, ziabaa ǹ wotoron laanka sùidɛnan taman yii?

LAWA A BOO SONBORE

²⁴ Ma n siɛ lɔn n tɔn boo la n masɛ a dɛnaagiĩ a pàãdɛnaa goon kooro da wusooma kio-n ganaa? Haalɛ, ta ǹ dɛnaa din ni maa dɛnaagiĩ a dí-nyalin lɛn kiɛɛrɛ lɛa. Ma n nə́ n foo doɛ Ezipti gána ganaa, ziabaa ǹ wotoron laanka sùidɛnan taman yii?

Kiin2 18:24 ပူးပေါင်းရင်းမြစ်များ

Siin Giala 50:9

Wotoron dinin nə́ woo kun ni, ka sùidɛnan nɛ. Zaman mɛn woo, zaman gole ne.

Kiin1 20:10

Bɛn-Adaadi tɔ́n minin dia pii Akaabu ni: «Min mɛnɛn bɛ́ re koe masɛ lɛ ǹ da Samarii kiwi, bɛ̀ Samarii kiwi lɛ a yu ǹ tii bɛn gɔnɔn pã, dìn die ǹ dɔlɔ babaraa bɔ ma ganaa.»

Kiin2 18:21

Á ke, ma n nə n foo doa Ezipti gána a dɔmalɛ ganaa, bɛa bàlà yiɛ kɛ lɛ, a doamaa wole tumaa gɔn foɛ̃ kiɛ̃ li. Min mɛnɛn tumaa bɛ́ n foo doɛ Ezipti gána a kii *Faarahɔn lɛ ganaa, a nə n biɛ kɛnɛn lɛn ǹ ganaa.»

Kiin2 18:23

Kanna kəni, bǐɛ̃ kɔ n yoo n da maa dɛnaagiĩ, Asiirii gána a kii lɛ li. Ma á sùi duu paa (2 000) koe n la, bɛ̀ n din tá re minin yii ǹ dii ǹ la!

Kiin2 18:25

Dinin kanaa, man die bǎã kɛ lɛ gialaa, má n die a bɔ̀n biɛ, Dɛnaa Lawa ná a lɛ dɔ kɔ wa? Dɛnaa Lawa din na á pɛ ma-n kɛnɛn: «Da gána kɛ lɛ gialaa n na a bɔ̀n baa.»

Izayii 10:8

A n pii: Maa sɔraasi nyɛɛnaadɛnan dinin man ka kiin bɛ́ lɔn.

Izayii 30:1

Dɛnaa Lawa a da ǹ boo á ke: Nɛnyaan piã wolen lɛn, kaa wɔ n ka koe ne. Ka ǹ siin lɛ boe, ǹ nə́ ǹ ba boe masɛ li wa. Ka ǹ lɛ kɔ we, masɛ bɛ́ ma ba ǹ mɛn li wa. Ka ǹ sii baraan kiɛ kɔn la.

Izayii 31:1

Min mɛnɛn bɛ́ woe giɛ dɔmalɛ li Ezipti gána nɛ, bɛn wɔ n ka koe ne. Ǹ yiri nə ǹ sùin ganaa, ǹ foo n doa nɛ ǹ ziabaa ǹ wotoro damatan kɛn ganaa, ka ǹ sùi dabaa wolen ne a giala maǹ tá kaka. Sɛnɛ, ǹ nə n yɔrɔ bɔyaa ǹ nə́ dia Izirayeli a Lawa sonbore kɛ la wa, ǹ ba giɛ Dɛnaa Lawa li wa!

Izayii 31:3

Ezipti minin man minbuiin nɛn lɛa, ǹ bie Lawa lɛa wa. Ǹ sùin man tɔɔ kooron lɛa, ǹ bie màn kɔsɔn lɛa wa. Bɛ̀ Dɛnaa Lawa nə́ n gɔn saa ǹ li lɔn, min mɛn bɛ́ dɔmalɛ we, bɛ n mɛnɛɛ. Min mɛn bɛ́ nɔ̀n diɛ ka dɔmalɛ nɛ, bɛ n yalɛɛ. Ǹ dinin tumaa n giɛ̃ kun.

Izayii 36:6

Á ke, ma nə n foo doɛ Ezipti ganaa, bɛa làpaa yɔyɔrɛɛ ke, min gɔn foɛ̃ bɛ̀ n nə́ n gɔn da a ganaa. Die nə n foo doɛ bɛ ganaa. *Faarahɔn, Eziptin kii lɛ n ka làpaa yɔyɔrɛɛ bɛ́ lɔn a foo doama-a wolen tumaa gɔn, foo na a ba n doɛ a ganaa wa.

Izayii 36:9

N ba boe la dinin, n maa dɛnaagiĩ a dí-nyali dadaran kɛn kiɛɛrɛdɛnaa goon din da wusoo a kio-n ganaa wa, ma nə n foo doɛ Eziptin kii ganaa, màn mɛn bɛ́ toɛ n ziabaa ǹ wotoron yɛ ka sùin ni!

Zeremii 37:7

– Dɛnaa Lawa Pàãyiidɛnaa, Izirayeli a Lawa n kɛ pii: «Zudaan kii mɛn nə ka dia ma li, ka wo pɛ-n kɛnɛn: Faarahɔn a sɔraasin mɛnɛn nə soo mà man die n doe ka lɛ, ǹ nə́ n bɔyaa ǹ nə́ woo Ezipti gána nɛ.

Ezekieli 17:15

Sɛnɛ, á n gòãn doa kɔn ka Baabiloniin kii lɛ nɛ, á minin dia Ezipti gána nɛ, mà bɛn nə n dɔ asɛ lɛ, ka sùin laanka sɔraasi gigiã nɛ. Min mɛn bɛa siin kɛn lɛn tɔrɔ zɛnaa, á re bǐɛ̃ koe a gɔn? Á re n boe a nɛ? A bɛ́ á lɛ kɔ kɔn la lɛ ziziɛ̃, á re n boe a-n sonbore?

Ezekieli 17:17

Bɛ̀ Baabilonii minin kɛn nə́ bèlèn dɔ ǹ nə́ nyankɔrɔn fɔfɔ̃ ǹ mɛn waáraa, màn mɛn bɛ́ toɛ ǹ min gigiã dɛ, Eziptin kii kɛ a re boe la a n dɔ lɛ ka sii kɔn nɛ bɛa zia lɛ gɔ́ɔ̃-n wa. Haalɛ ta Eziptin kii lɛ nə́ n dɔ lɛ ka sɔraasi gigiã nɛ, haalɛ ta á zaman gigiã paã.

Ezekieli 29:6

Ezipti minin tumaa á re doɛ̃ kəni, mà ma din nə Dɛnaa Lawa lɛa. Izirayeli tɔrɔn lɛn man nə́ n foo doa ka dinin ganaa, sɛnɛ, ka soɛ kɔ buruu-n wa.

Danayeli sɛ́wɔ 4:22

Ǹ tá re n lui ǹ nə n bɔ minbuiinin bii, n tá re giɛ̃ kun ka don mànan nɛ. N tá re buu soɛ̃ ka dii bɛ́ lɔn, pele á re goɛ̃ bɛ̀ a n gɔ̀nɔn basã. N tá re goɛ̃ bɛ gɔ́ɔ̃ nɛ lɛ̀ sɔbaa, yǎa n doɛ̃, mà Lawa mɛn bɛ́ lon sɔsɔɔ lɛ-n, minbuiinin kiibaa mìi la, a bɛ́ li a kɔ min mɛn la, a n koe bɛ la.

Timəə dí-pɛn 17:16

Sɛnɛ, kii lɛ a sùin doamaa bie ǹ goã gigiã wa. A doamaa dɔ bie a zaman lɛ lɛ goa a dia Ezipti, mà ǹ wo sùin pii ǹ da ǹ nɛ, màn mɛn bɛ́ toɛ, asɛ a sùin nə mɔnaa wa. A giala, Dɛnaa Lawa pɛ ka nɛ mà ka nyan toa ka n bɔyaa ka kɔ zii kɛ lɛ doo wa.