Kiin2 15:29 - LAWA A BOO SONBORE 2011

²⁹ Izirayeli gána a kii Pekaa a biikoo li, Asiirii gána a kii Teglati-Falasaara daa Iyɔn kiwi kũ á si, ka Abeli-Bɛti-Maakaa kiwi ni ka Yanoa kiwi ni, ka Kedɛsi kiwi ni, ka Asɔɔrɔ kiwi ni, ka Galaati gána nɛ, ka Galilee gána nɛ, ka Nɛfutalii gána tumaa nɛ. Teglati-Falasaara bɛa bǎãn kɛn lɛn minin goa á kiɛ̃ ǹ nɛ Asiirii gána nɛ.

LAWA A BOO SONBORE

²⁹ Izirayeli gána a kii Pekaa a biikoo li, Asiirii gána a kii Teglati-Falasaara daa Iyɔn kiwi kũ á si, ka Abeli-Bɛti-Maakaa kiwi ni ka Yanoa kiwi ni, ka Kedɛsi kiwi ni, ka Asɔɔrɔ kiwi ni, ka Galaati gána nɛ, ka Galilee gána nɛ, ka Nɛfutalii gána tumaa nɛ. Teglati-Falasaara bɛa bǎãn kɛn lɛn minin goa á kiɛ̃ ǹ nɛ Asiirii gána nɛ.

Kiin2 15:29 ပူးပေါင်းရင်းမြစ်များ

Kiin1 14:15

Dɛnaa Lawa tá re dɔlɔ boe Izirayeli gána ganaa, a tá re bìn diɛ ka kɔ̀buu bɛ́ bìn diɛ lɔn. Dɛnaa Lawa n die tán sonbore kɛ kuĩ a si Izirayeli minin la, tán mɛn lɛ bɛ́ á kɔ ǹ digolon la. A tá re ǹ sawɛɛ a ǹ kaa Efrati tà kɛ kio, a giala, ǹ nə́ dì gɔnɔn zɛnaa guguru kɔ ǹ mànan lɛa, ǹ nə́ wɔ Dɛnaa Lawa lon.

Kiin1 15:20

Bɛn-Adaadi lɛ lɛ kɔ kii Azaa a boo lɛ ganaa. Á ná a sɔraasin nyɛɛnaadɛnan dia woe Izirayeli gána a kiwin gialaa. Ǹ nə́ Iyɔn kiwi kũ, Dan kiwi ni, Abeli-Bɛti-Maakaa kiwi ni, Kinerɛti bǎã tumaa nɛ, ka Nɛfutalii gána kuturu ni.

Kiin1 9:11

A laadoo bɛ́ á goã sana mɛn tumaa ganaa, ka *sɛdrə gɔn laanka siprɛsi gɔn mɛn nɛ, dí lɛ a nya ǹ wɔ lɛa, Tiiri gána a kii Iraamu na á bɛn kɔ la. Dí lɛ a nya kio, Kii Salomɔn Iraamu gɔ ka Galilee gána a kiwi fuə ne.

Kiin2 15:19

Asiirii gána a kii Puli daa gána lɛ si á n kɔ lɛ, sɛnɛ Menaahɛmu wɔrɔ kilo duu pɔsɔɔwensii (34 000) kɔ Puli lɛ la, màn mɛn bɛ́ toɛ a n dɔ lɛ pàã lɛ gòãn nə boo la ǹ wɔ tán a gɔn.

Kiin2 15:20

Izirayeli gána a min mɛnɛn tumaa bɛ́ màndɛnan lɛa, Menaahɛmu na á wɔrɔ lɛ si bɛn la, á kɔ Asiirii gána a kii lɛ la. Ǹ min gogoonmaa wɔ n wɔrɔ we posooro á saraa. Bɛ kio, Asiirii gána a kii lɛ nə́ n bɔyaa á woo, a golee gána lɛ-n wa.

Kiin2 15:28

Sii mɛn bɛ́ baraa Dɛnaa Lawa yii li, á bɛ zɛnaa. Nebaati a nɛgiĩ Zeroboamu goã á Izirayeli minin kaa sii baraan mɛnɛn zɛnaa ganaa, Pekaa nə n bɔ bɛn wɔlɔ li wa.

Kiin2 15:30

Elaa a nɛgiĩ Oze ga Remaliawu a nɛgiĩ Pekaa bɔ a daa ǹ gɔn li, á dɛ á gã, á kii baa a bǎã nɛ, bɛ̀ Oziasi a nɛgiĩ Zoatamu a kiibaa lɛ̀ fuəbaa ǹ wɔ nɛ.

Kiin2 16:10

Kii Ahaazi lɛ woo Damaasi, mà a n woe Asiirii gána a kii Tiglati-Falasaara li walan. *Wúlu bɔ ǹ bǎã mɛn goã Damaasi kiwi, Ahaazi yii bɛ yɛ. Ahaazi bɛa wúlu bɔ ǹ bǎã lɛ nyín zɛnaa, ka a dɔ ǹ gɔn nɛ, á dia Lawa a wúlu-bɔle Uria la.

Kiin2 16:7

Ahaazi minin dia woe pii Asiirii gána a kii Tiglati-Falasaara-n kɛnɛn: «Masɛ nə n dí-nyali lɛa, ma nə n nɛ lɛa. Siirii gána a kii laanka Izirayeli gána kii ke, ǹ nə́ yoo masɛ gialaa, da ma si ǹ la.»

Kiin2 17:20

Dɛnaa Lawa Izirayeli tɔrɔn lɛn tumaa tii. Á sìi da ǹ ganaa, á ǹ wɔ basaã-kɔlen gɔn, á tɔ́n nɔmaa á ǹ loo, á ǹ bɔ a yɔrɔ-a ka sɔɔsɔɔ.

Kiin2 17:23

yǎa Dɛnaa Lawa nə́ ǹ zɔ̃ á ǹ bɔ a yɔrɔ-a ka sɔɔsɔɔ, ka a goã á ná a dí-nyalin, a boo gii-dalin lɛn tumaa kaa a boo diɛ ganaa lɔn. Ǹ nə́ Izirayeli minin lɛn goa ǹ nə́ woo ǹ ne ka sɔɔsɔɔ ǹ gána ganaa, Asiirii gána nɛ. Haalɛ pelo, ǹ tá tɔn walan.

Kiin2 17:6

Ozee a kiibaa lɛ̀ manangɔrɔbaa ǹ wɔ, Asiirii gána a kii lɛ Samarii kiwi si á nɔmɔ a ganaa. Á Izirayeli minin goa á kiɛ̃ ǹ nɛ Asiirii gána nɛ. Á ǹ kaa giã ganaa Halaa kiwi, Habɔɔrɔ tà lɛ-a nɛ, Goozan gána nɛ, ka Mɛdi gána a kiwin ni.

Kiin2 18:11

Asiirii gána a kii lɛ tɔ́n Izirayeli minin goa á kiɛ̃ ǹ nɛ Asiirii gána nɛ, á woo ǹ ne Halaa kiwi, ka Habɔɔrɔ tà lɛ-a nɛ, Goozan gána nɛ, ka Mɛdi gána a kiwi dadaran nɛ.

Kiin2 19:11

Á ke, Asiirii gána a kiin lɛn nə sii mɛn zɛnaa gánan tumaa nɛ, n dinmaa lɛ tá bɛ doɛ̃, ǹ nə́ ǹ ziziɛ̃ lenlen. Sɛnɛ, nsɛ n die n boe a nɛ?

Kiin2 8:11

Lawa a min lɛ nə́ n yiin doa Azayeli la, á ga a ganaa á belebɔ nɛ, bɛ kio á n daa wuu la.

KZS1 5:22

Ǹ nə́ goã ǹ nə́ zɔ́ɔn lɛn min didi dɔ dɛ. Bɛ na á goã á n zɛnaa, a giala bɛa zia lɛ na á goã boe Lawa li. Bɛ kio, ǹ nə́ giã Agaara tɔrɔn lɛn bǎã nɛ, ǹ nə́ goã walan yǎa wo bɛ̀rɛbaa ǹ bǎã-n kɛa biikoo li.

KZS1 5:6

ka Beeraa nɛ. Beeraa lɛ sɛ na á goã Urubɛn tɔrɔn goledɛnaa goon lɛa, Asiirii gána a kii Teglati-Falasaara kɛ goã á saa á woo ne bɛ̀rɛbaa ǹ bǎã nɛ.

KZS2 16:4

Bɛn-Hadaadi zɛnaa ka Azaa bɛ́ á nɔ̀n da la lɔn. A ná a sɔraasin nyɛɛnaandɛnan dia woe zia biɛ Izirayeli a kiwin ganaa: Ǹ nə́ Yoni kũ, Dan nɛ, Abeli-Mayimu ni, ka Nɛfutalii a kiwin tumaa nɛ màn-bii tɔrɔ tumaa n tamaa nɛ ǹ nɛ.

Nehemii 9:32

Sisia kəni, wɔa Lawa gole, pàã tá n lon, n tá nyɛ́ɛ diɛ, nsɛ mɛn bɛ́ n lɛ kɔ kɔn la lɛpiɛ̃, ń bǐɛ̃ zɛnɛɛ, a kũ Asiirii gána a kiin biikoo ganaa a da pelo yaa, nɔmaa mɛn tumaa wɔ yɛ, kɔnlɛ ka wɔa kiin ni, wɔa nyɛɛnaandɛnan nɛ, wɔa Lawa a wúlu-bɔlen ne, wɔa Lawa a boo gii-dalin ni, wɔ digolon ne, ka zaman lɛ tumaa nɛ, n baran ga bɛ ganaa sii kiɛɛrɛ lɛa wa.

Izayii 1:7

Kaa gána n kɛbɔlɔ lɛa. Tɛ kaa kiwin kũ. Tiin man kaa wurun ziziɛ̃ ka dinin yii ni. Kaa wurun man ka kɛbɔlɔ bɛ́ lɔn, ká kaa zɔ́ɔn man nə́ bɔ ǹ nɛ.

Izayii 37:18

Dɛnaa Lawa, taãn nɛ, Asiirii kiin lɛn nə́ tɔrɔn tumaa lɛ naa, ǹ nə́ ǹ gánan ziziɛ̃.

Izayii 7:16

Nɛnyaan lɛ laan bɛ̀ a n sii baraa laanka sii sonbore bɔkɔnlɛ doɛ̃, kii màn paan kɛn lɛn nyɛ́ɛ diɛ n ganaa, ǹ zaman tá re ǹ gánan toɛ walan.

Izayii 7:20

Bɛa pinaa kɛ nɛ, Dɛnaa n die kùn dɔnbii Efrati tà paǹ goon minin kɛn la. Bɛ n ka Asiiriin kii ni. Á re ka ka tumaa koɛ̃, ka mìi ka nɛ, ka ka lɛtoro ka dɔ din ni.

Ezekieli 23:9

Bɛ lɛ nɛ, má toa a tɔntɔraa Asiirii minin lɛn gɔn, kɛn lɛn ǹ sii goã a ganaa.

Lawa a wúlu-bɔlen 26:32

Masɛ dinmaa n die ka lui lenlen ma ka bɔ gána lɛ nɛ. Kaa zɔ́ɔn mɛnɛn bɛ́ re die giɛ̃ a nɛ, bɛn dinin tá re n kaãbiɛ.

Amɔɔsi 1:13

Dɛnaa Lawa na á pɛ kɛnɛn: Amɔn tɔrɔn kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la. A giala, Galaati lɔn mɛnɛn bɛ́ nɔ̀ nɛ, ǹ nə́ bɛn nɔ̀ wɔsɔ, màn mɛn bɛ́ toɛ, ǹsɛn gána gole kɔ. Bɛ lɛ n ke, ma á ǹ zɛ̀rɛ biɛ, ma a re wusii maa da ǹ boo dɔ kio wa.

Amɔɔsi 1:3

Dɛnaa Lawa na á pɛ kɛnɛn: Damaasi minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la: A giala ǹ nə́ boo Galaati minin kɛn la ka fɔlɔ mànan nɛ, ǹ nə́ ǹ kakã. Bɛ lɛ nɛ, ma á ǹ zɛ̀rɛ biɛ, ma a re wusii maa da ǹ boo dɔ kio wa.

Amɔɔsi 5:27

Bɛ lɛ nɛ, ma bɛ́ re woe ka nɛ bɛ̀rɛbaa ǹ bǎã mɛn nɛ, ka á re Damaasi kiwi kɛ niɛ̃. Dɛnaa Lawa n bɛ lɛ pii. A tɔ mà Lawa Pàãyiidɛnaa.

Amɔɔsi 6:14

Bɛ lɛ nɛ, pàã tumaa a Dɛnaa Lawa tɔ́n pɛ kɛnɛn: Izirayeli tɔrɔn lɛn, man die tɔrɔ kɔsɔ diɛ ka-a. Bɛ á re boe ka yii ni, a saa Lebo-Amaati kiwi lɛkoro ganaa gɔsɛ a lɛ̀gɔn la, a wo yǎa nyankɔrɔ lɛ kɛ nɛ tà kɛ lɛkoro-a gusin a lɛ̀gɔn la.

Minin nimi 32:1

Urubɛn tɔrɔn laanka Gaadi tɔrɔn tɔɔn man nə́ goã mɔnaa-n taãn-taãnɛ. Ǹ nə́ tɔ́n yɛ, mà Yazɛɛrɛ bǎã laanka Galaati gána tá tɔɔn sii.

Minin nimi 32:40

Muizu tɔ́n Galaati gána lɛ kɔ Manaasee a nɛgiĩ Makiiri la, á giã a nɛ.

Timəə dí-pɛn 28:25

Dɛnaa Lawa á re toɛ kaa zɔ́ɔn nə boo ka la. Ka á re soe ka kɔ zii goon lɛ ka wo ǹ gialaa. Sɛnɛ, ka á re sasawɛɛ ka zii sɔbaa saa, bɛ̀ ka ń baa sii ǹ nyɛɛnɛ. Sii mɛn bɛ́ re ka yii, bɛ á re nyɛ́ɛ diɛ kanaa minin tumaa ganaa.

Timəə dí-pɛn 3:15

Má Galaati gána kɛ kɔ Makiiri tɔrɔn la.

Zozoe 11:1

Asɔɔrɔn kii Zabɛn bɛ ma lɔn, á minin dia Madɔn kii Zobabu li, ka Simurɔn wɔ laanka Aksafun wɔ nɛ.

Zozoe 11:10

A din waáraa lɛ nɛ, Zozoe nə́ n bɔyaa, á daa Asɔɔrɔ kiwi kũ, á ǹ kii dɛ. Sonbore ne, Asɔɔrɔ na á goã bɛa gánan lɛn tumaa a kiwi gole lɛa lɛlɛ.

Zozoe 11:13

Sɛnɛ, kiwin mɛnɛn tumaa goã tenten la, Izirayeli minin lɛn nə tɛ da bɛ kɔn ganaa wa, bɛ̀ á n bɔ Asɔɔrɔ kiwi kɛ dinsɔɔ̃ nɛ Zozoe tɛ da a ganaa.

Zozoe 12:19

Madɔn, Asɔɔrɔ

Zozoe 16:6

Ǹ gèlè lɛ n soe walan, a wo n doa kɔ̀ gole kɛ ganaa lɛ̀nyɛɛnɛ, Mikmetaati kiwi a gɔsɛ a lɛ̀gɔn la. A nə n pɛnɛ a da bɔ Taanati-Siiloo kiwi a lɛ̀giala gɔn la, a kiɛ̃ a wo Anaaki kiwi.

Zozoe 19:35

Ǹ kiwin mɛnɛn lɛnpɛnɛ ka kungɔn nɛ, bɛn man ka kɛn nɛ: Sidimu, Sɛɛrɛ, Amaati, Rakaati, Kenerɛti,

Zozoe 19:37

Kedɛsi, Edreyii, Ɛn-Asɔɔrɔ,

Zozoe 20:7

Izirayeli minin lɛn nə́ Kedɛsi kiwi bɔ ǹ nə́ koa Galilee gána nɛ, Nɛfutalii a kele yii bǎã kɛ nɛ. Ǹ nə́ Sisɛmu bɔ ǹ nə́ koa Efrayimu a kele yii bǎã kɛ nɛ. Kiriyati-Arabaa mɛn bɛ́ ǹ tá bíi Ebrɔn, ǹ nə́ bɛ bɔ ǹ nə́ koa Zudaa tɔrɔn kele yii bǎã kɛ nɛ.

Sii yɔrɔ-bɔlen 18:30

Dan tɔrɔ lɛn nə́ Miikaa a dì lɛ doa. Gɛrsɛmu a nɛgiĩ Zonatan mɛn bɛ́ Muizu a nɔ̀ɔn lɛa, bɛ́ Dan tɔrɔn lɛn wúlu-bɔle baa. Bɛa dì lɛ na á goã Zonatan tɔrɔn gɔn miɛ̃, yǎa á daa dɔ gána lɛ a minin goa ganaa, ǹ nə́ woo ǹ ne bǎã kɔsɔ nɛ.

Sii yɔrɔ-bɔlen 4:2

Bɛ lɛ nɛ, Dɛnaa Lawa nə́ ǹ wɔ Kanaan kii Zabɛn kɛ gɔn, giã-n Asɔɔrɔ kiwi. A zia-baalin goledɛnaa na á goã ka Sizeraa nɛ. Bɛ na á goã giã-n Arosɛti-Goyimu.