Kiin2 14:27 - LAWA A BOO SONBORE 2011

²⁷ Sɛnɛ Dɛnaa Lawa bɛ́ a bie á pɛ mà asɛ á die Izirayeli gána tɔ tuturi a bɔ kanaa wa, bɛ lɛ nɛ, á toa Zoasi a nɛgiĩ Zeroboamu gána lɛ bɔ sii ni.

LAWA A BOO SONBORE

²⁷ Sɛnɛ Dɛnaa Lawa bɛ́ a bie á pɛ mà asɛ á die Izirayeli gána tɔ tuturi a bɔ kanaa wa, bɛ lɛ nɛ, á toa Zoasi a nɛgiĩ Zeroboamu gána lɛ bɔ sii ni.

Kiin2 14:27 ပူးပေါင်းရင်းမြစ်များ

Kiin2 13:23

Sɛnɛ Dɛnaa Lawa bǐɛ̃ kɔ Izirayeli minin lɛn ganaa, a ná a makara doɛ̃ nyaa ǹ nɛ, á n bɔyaa á n yɔrɔ bǐɛ̃ da ǹ la, a lɛ kɔ kɔn la kɛ taman yii, ǹ mɛn bɛ́ a bii ni ka Abrahamu ni, ka Izaaki laanka Zakɔba nɛ. Dɛnaa Lawa lɛ kɔ, á ǹ bɔ̀n baa wa, haalɛ tɔn pelo, Dɛnaa Lawa tɔn nə ǹ wɔlɔ lui a din-a wa.

Kiin2 13:5

Dɛnaa Lawa bɔ sii-n wole kɔ Izirayeli minin lɛn la, bɛa bɔ sii-n wole lɛ nə́ ǹ si Siirii minin lɛn la. Bɛ kio, ǹ nə́ tɔ́n giã ǹ mɔnaa kionən ne, ka lɛlɛ bɛ́ lɔn.

Kiin2 5:1

Siirii gána a kii a sɔraasin goledɛnaa n ka Naaman nɛ. Barka goã a sii ni kii lɛ gɔn parsiini. Kii lɛ goã sàn koe ka a sii-n wa. A giala, Naaman lɛ din ni, Dɛnaa Lawa goã á gɔ̀lɔ̀baa kɔ Siirii minin la a gɔn. Sɛnɛ, Naaman lɛ, bɛa zia-baali sonbore kɛ lɛ, gɔ̀nɔn ki busu babaraa na á goã a ganaa.

Loen 69:28

Ǹ sãn lɛn tumaa nimi ǹ ni, n baran toa n sii sonbore kɔn dɔ ǹ ganaa doo wa.

Timəə dí-pɛn 25:19

Bɛ lɛ nɛ, kaa zɔ́ɔn mɛnɛn tumaa bɛ́ ka lɛnpɛnɛ, bɛ̀ kaa Lawa, Dɛnaa Lawa ka kanbaa bɛn tumaa ganaa ǹ mɛn waáraa, a bɛ́ re gána mɛn lɛ koe ka la mà a kaa wɔ baa, ka Amalɛki tɔrɔn kɛn dɛ lenlen, ka ǹ bɔ walan. Ka nyan toa ka yiri bɔ wa dɛ!

Timəə dí-pɛn 29:20

Dɛnaa Lawa á re niɛ a bɔ Izirayeli minin lɛn tumaa ganaa, a dɔlɔ bɔ a ganaa, a kɔnpɛ ka lɛ kɔ kɔn la lɛ a dɔlɔ tumaa nɛ, ǹ mɛnɛn boo bɛ́ kiɛ̃ nɛ dí-pɛn sɛ́wɔ kɛ nɛ.

Timəə dí-pɛn 9:14

Toa ma ǹ dɛ ma ǹ nya, ma ǹ tɔ tuturu ma bɔ kanaa. Ma á re toɛ n din tɔrɔn nə mɔnaa, pàã nə́ ǹ lon á la kɛn manɛ.»

Sii-nyaan 3:5

Min mɛn bɛ́ re gɔ̀lɔ̀ biɛ, ǹ tá re mɔnaa fufun we miɛ̃. Ma a re ǹ tɔ tuturi ma bɔ yiikoonaa baa ǹ sɛ́wɔ kɛ-n wa. Ma á re pii maa Díi yɔrɔ-a, ka a lon a dia dí-a wolen ne, máa ma din wɔn manɛ.

Samayeli1 12:22

Dɛnaa Lawa tɔ golebaa lɛ taman yii, a ba re a zaman lɛ toɛ walan wa. A giala, Lawa na á bɔ a din ni, á ka baa a zaman lɛa.