Kiin2 14:25 - LAWA A BOO SONBORE 2011

²⁵ Bǎãn mɛnɛn tumaa goã Izirayeli wɔ lɛa lɛlɛ, ǹ nə́ ǹ ba a wɔ lɛa doo wa, a kũ Lebo-Amaati ganaa a wo yǎa yìsi mu kɔsɛ kɔsɛ kɛ li, Zeroboamu lɛ din na á wusoo á bɛa bǎãn lɛn tumaa si. Bɛ na á n zɛnaa á kɔnpɛ ka boo kɛ nɛ, Izirayeli a Lawa, Dɛnaa Lawa lɛ goã a ná a dí-nyali Zonaasi da a pɛ ganaa, Amitayii a nɛgiĩ Zonaasi mɛn lɛ á ke Lawa a boo gii-dali lɛa boe Gaati-Efɛɛri.

LAWA A BOO SONBORE

²⁵ Bǎãn mɛnɛn tumaa goã Izirayeli wɔ lɛa lɛlɛ, ǹ nə́ ǹ ba a wɔ lɛa doo wa, a kũ Lebo-Amaati ganaa a wo yǎa yìsi mu kɔsɛ kɔsɛ kɛ li, Zeroboamu lɛ din na á wusoo á bɛa bǎãn lɛn tumaa si. Bɛ na á n zɛnaa á kɔnpɛ ka boo kɛ nɛ, Izirayeli a Lawa, Dɛnaa Lawa lɛ goã a ná a dí-nyali Zonaasi da a pɛ ganaa, Amitayii a nɛgiĩ Zonaasi mɛn lɛ á ke Lawa a boo gii-dali lɛa boe Gaati-Efɛɛri.

Kiin2 14:25 ပူးပေါင်းရင်းမြစ်များ

Siin Giala 14:3

Ma kiin mɛnɛn pɛ sisia, bɛn tumaa doamaa nɛ ǹ wo kɔn yǎa nyankɔrɔ basa kɛ nɛ Sidimu. Yìsi mu kɔ̀ kɛ lɛ a baa sii wa, bɛ lɛ n walan sisia.

Kiin1 8:65

Salomɔn laanka Izirayeli minin tumaa bɛa zɔ́n lɛ zɛnaa kun bɛa biikoo lɛ li. Ǹ nə́ goã zaman gole lɛa, ǹ nə́ bɔ gána lɛ paǹ tumaa ganaa, ǹ nə́ daa n sɔkɔn. A n siɛ Lebo-Amaati kiwi ganaa, gɔsɛ a lɛ̀gɔn la a da Ezipti a lɛ̀ giala gɔn la tà kɛ yaa, gusin a lɛ̀gɔn la. Ǹ nə́ zɔ́n lɛ zɛnaa Dɛnaa Lawa yɔrɔ-a lɛawaa fúlusii: Lɛawaa sɔbaa bɔrɔ bɛ kio doo lɛawaa sɔbaa.

Kiin2 10:32

Bɛa biikoo lɛ li, Dɛnaa Lawa ná a giala kɔ, á màn bɔ Izirayeli gána a golebaa lɛ. Azayeli zia da Izirayeli minin lɛn ganaa, á boo ǹ la Izirayeli gána gèlèn tumaa la.

Kiin2 13:25

Azayeli a nɛgiĩ Bɛn-Adaadi goã á kiwin mɛnɛn si Zoaasi ǹ di Zoakazi la, a nɛgiĩ Zoasi lɛ wusoo á bɛn si Azayeli a nɛgiĩ Bɛn-Adaadi la. Zoasi na á zia da Bɛn-Adaadi ganaa á boo la gunyin sɔɔ, á wusoo á Izirayeli gána a kiwin lɛn si.

Kiin2 13:5

Dɛnaa Lawa bɔ sii-n wole kɔ Izirayeli minin lɛn la, bɛa bɔ sii-n wole lɛ nə́ ǹ si Siirii minin lɛn la. Bɛ kio, ǹ nə́ tɔ́n giã ǹ mɔnaa kionən ne, ka lɛlɛ bɛ́ lɔn.

Kiin2 14:24

Sii mɛn bɛ́ baraa Dɛnaa Lawa yii li, a na á bɛ zɛnaa. Nebaati a nɛgiĩ Zeroboamu goã á Izirayeli minin kaa sii baraan mɛnɛn zɛnaa ganaa, a n bɔ bɛ kɔn wɔlɔ li wa.

Ezekieli 11:10

Ka á re giɛ̃ zia la. Man die maa dɔlɔ lɛ boe ka ganaa Izirayeli gána din ni. Ka á re doɛ̃ kəni, mà ma din nə Dɛnaa Lawa lɛa.

Amɔɔsi 6:14

Bɛ lɛ nɛ, pàã tumaa a Dɛnaa Lawa tɔ́n pɛ kɛnɛn: Izirayeli tɔrɔn lɛn, man die tɔrɔ kɔsɔ diɛ ka-a. Bɛ á re boe ka yii ni, a saa Lebo-Amaati kiwi lɛkoro ganaa gɔsɛ a lɛ̀gɔn la, a wo yǎa nyankɔrɔ lɛ kɛ nɛ tà kɛ lɛkoro-a gusin a lɛ̀gɔn la.

Zonaasi 1:1

Ǹ kɔn pinaa, Dɛnaa Lawa boo da Amitayii a nɛgiĩ Zonaasi ni, á pɛ nɛ:

Minin nimi 13:21

Bɛ kio, ga bǎã ganaa wolen lɛn nə́ woo. Ǹ nə́ gána lɛ a gama a saa tán Sinin diə gole kɛ nɛ yǎa Rewɔbu kiwi, kunu Lebo-Amaati kiwi ganaa.

Matiə 16:4

Pelo min babaraan, Lawa bɔlɔ tii wolen kɛn ka n giɛ kaãbaa ǹ sii li! Kaãbaa ǹ sii kɔ́n ba re n nyɛɛ ka nɛ, a kiɛ̃ Lawa a boo gii-dali Zonaasi wɔ kɛ la wa. Bɛ kio, á kiɛ̃ á ǹ toa walan.»

Timəə dí-pɛn 3:17

A lɛ̀nyɛɛn gèlè n boe Zurdɛ̃ tà a nyankɔrɔ lɛ kɛ nɛ, Zenezarɛti tà laanka yìsi mu kɔsɛ kɔsɛ kɛ bii, a wo n doa Pisigaa kele gòã lɛ ganaa lɛ̀giala-n.

Zozoe 19:13

A nə n toɛ walan a wo lɛ̀giala gɔ́ɔ̃ li, Gati-Hefɛɛrɛ laanka Ita-Kasini kiwi, a da soo Rimɔn kiwi, a wo yǎa Neya kiwi.