Kiin1 8:1 - LAWA A BOO SONBORE 2011

¹ Bɛa biikoo li, kii Salomɔn Izirayeli tɔrɔn min golen lɛ sɔkɔn ka ǹ nyɛɛnaandɛnan laanka ǹ kɛdɛnan nɛ, a din li Zeruzalɛmu, màn mɛn bɛ́ toɛ ǹ Dɛnaa Lawa a *lɛ kɔ kɔn la ǹ goo lɛ saa ǹ bɔ "Davida a kiwi", kiwi mɛn lɛ á ke ǹ tá bíi *Siɔn.

LAWA A BOO SONBORE

¹ Bɛa biikoo li, kii Salomɔn Izirayeli tɔrɔn min golen lɛ sɔkɔn ka ǹ nyɛɛnaandɛnan laanka ǹ kɛdɛnan nɛ, a din li Zeruzalɛmu, màn mɛn bɛ́ toɛ ǹ Dɛnaa Lawa a *lɛ kɔ kɔn la ǹ goo lɛ saa ǹ bɔ "Davida a kiwi", kiwi mɛn lɛ á ke ǹ tá bíi *Siɔn.

Kiin1 8:1 ပူးပေါင်းရင်းမြစ်များ

Samayeli2 6:6

Ǹ bɛ́ ǹ nə́ dɔ Nakɔn a diə fúlu kɛ nɛ, diin lɛn man nə́ baa re Lawa a lɛ kɔ kɔn la ǹ goo lɛ boe daɛ. Uzaa nə́ n gɔn dia mà a n kuĩ.

Kiin1 2:10

Bɛ kio, Davida woo ǹ digolon li. Ǹ bɛ́ kiwi mɛn bíi "Davida a kiwi" ǹ nə́ bĩ walan.

Kiin1 3:15

Salomɔn yii kaa, á dɔ̃ mà narɛɛ nɛ. Salomɔn nə́ n bɔyaa á woo Zeruzalɛmu, á giã Dɛnaa Lawa a *lɛ kɔ kɔn la ǹ goo lɛ yɔrɔ-a. Á wúlu màn tiɛ̃n laanka zɔɔ da Lawa nɛ ǹ wúlu mànan bɔ, á màn-bii zɛnaa á kɔ a dí-nyalin tumaa la.

KZS1 11:7

Davida giã duru ǹ bǎã kaka lɛ nɛ; bɛ lɛn ke ǹ nə́ bíi mà "Davida a kiwi".

KZS1 15:25

Foo kɔɔ̃nbaa gɔ́ɔ̃ nɛ, Davida nɛ, Izirayeli a min golen ne, ka sɔraasin goledɛnaan nɛ, ǹ nə́ woo Dɛnaa Lawa a *lɛ kɔ kɔn la ǹ goo lɛ saa yǎa Obɛdi-Edɔmu a piɛ.

KZS1 15:29

Dɛnaa Lawa a lɛ kɔ kɔn la ǹ goo lɛ bɛ́ á dɔ "Davida a kiwi", Sooli a nɛlɔ Mikaali nə n yii kɔ fenɛtərə ni, a yii kii Davida yɛ parɛ a n bɛ biɛ, a tìĩ bɔ a nyin ni ka a foo tumaa nɛ.

KZS1 15:3

Bǎã mɛn nə n bɔ á n koa Dɛnaa Lawa a goo lɛ wɔ lɛa, Davida Izirayeli tumaa sɔkɔn Zeruzalɛmu, màn mɛn bɛ́ toɛ ǹ wo goo lɛ-n walan.

KZS1 28:1

Kii Davida Izirayeli a goledɛnan tumaa sɔkɔn, tɔrɔn kiãn nɛ, sɔraasin kurun goledɛnan mɛnɛn bɛ́ dí nyɛɛ kii ni, sɔraasi duu goon nyɛɛnaandɛnan ka a paabiɛ wɔn nɛ. Min mɛnɛn bɛ́ kii gɔn mànan mìi la, á bɛn dɔn sɔkɔn, a tɔɔn mìilandɛnan nɛ, nɛnyaan-doroolin ni, kii a sumu dí-nyalin mìilandɛnan nɛ, zia-baali foo kaka-a n nɛ, ka min yii guguru-an nɛ.

KZS2 30:1

Bɛa lɛ̀ kɛ lɛ-a, *kiɛ̃mala ǹ zɔ́n nə n zɛnaa a biikoo li wa. A giala Lawa a wúlu-bɔle gigiã nə n din *yoreen kɔ wa, zaman lɛ dɔ nə n sɔkɔn Zeruzalɛmu wa. Bɛ lɛ nɛ, kii Ezekiasi ni ka zaman nyɛɛnaandɛnan nɛ, Zeruzalɛmu a zaman tumaa nɛ, ǹ nə́ n sɔkɔn ǹ nə́ nyaa mà maǹ die kiɛ̃mala ǹ zɔ́n zɛnɛɛ lɛ̀ a mui a paabaa ǹ wɔ li. Bɛa sii lɛ goã siĩni kii yii li ka zaman lɛ nɛ. Ǹ nə́ golee li maǹ Izirayeli minin tumaa bii wɔ, a saa Bɛɛr-Sebaa ganaa gusin a lɛ̀gɔn la, a wo Dan yaa gɔsɛ a lɛ̀gɔn la, mà ǹ da Dɛnaa Lawa, Izirayeli a Lawa a kiɛ̃mala ǹ zɔ́n kɛ zɛnaa Zeruzalɛmu. Taãnɛ, min mɛnɛn bɛ́ tɔn zɛnɛɛ a zii li, ka a bɛ́ kiɛ-n lɔn, ǹ ba tɛ doo wa. Kii lɛ minin dia Izirayeli laanka Zudaa gána tumaa nɛ. Á sɛ́wɔ kiɛ̃ á dia Efrayimu laanka Manaasee tɔrɔn la, á lɛ dia min tumaa la mà ǹ da kiɛ̃mala ǹ zɔ́n zɛnaa Lawa a kion Zeruzalɛmu.

Ɛsidrasi 3:1

Lɛ̀ a mui sɔbaabaa ǹ wɔ daa á dɔ, Izirayeli nɛnyaanan lɛn nə́ goã ǹ kiwin ni. Zaman lɛ tumaa tɔ́n na a wɔ baa goon, ǹ nə́ n sɔkɔn Zeruzalɛmu.

Loen 102:21

Á n too kɔ nɔmaa-wɔlen ginii li, a n die yii da gɛ̀ la wolen nyin sii.

Loen 9:11

Min mɛnɛn bɛ́ n tɔ kɛ doɛ̃, bɛn die ǹ nə n foo doa n ganaa. A giala min mɛnɛn bɛ́ giɛ n li, Dɛnaa Lawa, n ba re bɛn toɛ walan wa.

Izayii 28:16

Bɛ lɛ nɛ, Dɛnaa Lawa a boo á pii: «Man kion gòã daa ǹ kɔlɔ diɛ tán *Siɔn. Kɔlɔ barkadɛnaa nɛ, doa-n tán kaka. Min woo min nə́ n tiləə a ganaa, bɛa dɛnaa a re bìn diɛ wa.

Izayii 46:13

Man die ka maa peperebaa nɛ, a wɔlɔ a sɔsɔɔ doo wa. Kirisibaa diri foɛɛ̃ nɛ. Ma dinmaa n die ne *Siɔn. Man die maa siĩnbaa kɛ koe Izirayeli la.

Minin nimi 1:4

Ka tɔrɔ gogoonmaa a giĩ goon kũ, giĩ mɛn nə́ ke kɛdɛnaa lɛa, ka ti ka dinin ganaa.

Zozoe 23:2

á Izirayeli minin lɛn tumaa bíi ǹ kɔn pinaa, ǹ min golen ne, ǹ nyɛɛnaandɛnan nɛ, ǹ sii yɔrɔ-bɔlen laanka ǹ landa sii-daraalin ni, á pɛ ǹ nɛ: «Á ke, má zizi kɔ taãn-taãnɛ.

Zozoe 24:1

Ǹ kɔn pinaa, Zozoe Izirayeli minin lɛn tumaa lɛ sɔkɔn Sisɛmu. Á lɛ dia ǹ min golen la, ǹ nyɛɛnaandɛnan nɛ, ǹ sii yɔrɔ-bɔlen ne ka ǹ landa sii-daraalin ni. Ǹ nə́ daa golee Lawa yɔrɔ-a.

Piɛrɛ1 2:6

A giala, Lawa a boo n pii: «Bɛ lɛ nɛ man kion gòã daa ǹ kɔlɔ diɛ tán *Siɔn. Kɔlɔ barkadɛnaa nɛ, doa-n tán kaka. Min woo min nə́ n foo doa a ganaa, bɛa dɛnaa a re bìn diɛ wa.»