Kiin1 15:4 - LAWA A BOO SONBORE 2011

⁴ Sɛnɛ Davida lɛ taman yii, Abiyamu a Lawa, Dɛnaa Lawa lɛ nɛginin kɔ la, mà bɛ̀ a banban wa, mà bɛ die a na a kíɛ̃-saali baa Zeruzalɛmu, màn mɛn bɛ́ toɛ Zeruzalɛmu kiwi lɛ goã.

LAWA A BOO SONBORE

⁴ Sɛnɛ Davida lɛ taman yii, Abiyamu a Lawa, Dɛnaa Lawa lɛ nɛginin kɔ la, mà bɛ̀ a banban wa, mà bɛ die a na a kíɛ̃-saali baa Zeruzalɛmu, màn mɛn bɛ́ toɛ Zeruzalɛmu kiwi lɛ goã.

Kiin1 15:4 ပူးပေါင်းရင်းမြစ်များ

Siin Giala 12:2

Ma á re n tɔrɔ mɔnɛɛ. Ma á re barka we n ne, ma n tɔ bɔ. Min kɔsɔn wɔ á re bǐɛ̃ koe n wɔ gɔ́ɔ̃ nɛ.

Siin Giala 19:29

Lawa bɛ́ bǎã lɛ a kiwin lɛn bɔ̀n biɛ ǹ mɛn waáraa, á n yiri koa Abrahamu li, á Lɔti bɔ á bɔ koe lɛ bii. Lɔti goã giã-n bǎã mɛn nɛ, á bɛa kiwin lɛn tã.

Siin Giala 26:5

A giala, Abrahamu masɛ bɔlɔ si, á kɔ maa boo lɛ, á maa dí-pɛn tamaa, a kiɛ̃ maa boo la wa.

Samayeli2 21:17

Sɛnɛ, Seruzaa a nɛgiĩ Abisayii daa n dɔ Davida lɛ, á Filisiti min lɛ dɛ á gã. Bɛ kio, Davida a zia-baalin nə́ n liɛ nɛ ǹ nə́ pɛ nɛ mà a ba woe ziabaa ǹ bǎã-n kun ka ǹsɛn nɛ doo, n Izirayeli minin yaa kiɛ̃ goɛ̃ kii wɛɛ̃ nɛ ǹ kɔn pinaa wa.

Kiin1 11:12

Sɛnɛ n di Davida lɛ taman yii, ma ba re kiibaa lɛ sii n la n yiikoonaabaa biikoo li wa. Sɛnɛ ma á re sii n nɛ la.

Kiin1 11:32

Sɛnɛ tɔrɔn lɛn goon tá re goɛ̃ Salomɔn gɔn, maa a dí-nyali Davida lɛ a lɛa, ka Zeruzalɛmu kiwi kɛ nɛ, má a yii gɔgɔɔ̃ Izirayeli a bǎã tumaa bii.

Kiin1 11:36

Sɛnɛ ma á die tɔrɔn lɛn goon toɛ Salomɔn a nɛgiĩ gɔn, màn mɛn bɛ́ toɛ, maa dí-nyali Davida lɛ tɔrɔ die a goã kiibaa la miɛ̃, ma yɔrɔ-a Zeruzalɛmu kiwi kɛ nɛ, má bɔ má n tɔ da la.

KZS2 21:7

Sɛnɛ, Dɛnaa Lawa ba li a Davida a kion yu wa, a goã á lɛ kɔ kɔn la mɛn wɔ nɛ, bɛ lɛ taman yii. Taãnɛ, a lɛ kɔ Davida la ka sii mɛn nɛ, á ke: «N tɔrɔn tá re goɛ̃ kiibaa lɛ la miɛ̃ duduu.»

Loen 132:17

Ma á re Davida tɔrɔ koɛ kii lɛa walan, pàã ná a lon. Ma kii mɛn bɔ má koa, ma á re a kio koɛ. Man die biɛ ka bólon bɛ́ lɔn, kuĩ miɛ̃.

Loen 18:28

Ǹ bɛ́ koe boe min mɛnɛn ganaa, n din nə bɛn kirisibiɛ. Min mɛnɛn bɛ́ n dinin gole koe, n din nə bɛn gisĩ.

Loen 87:5

Sonbore, maǹ pii Siɔn wɔ paǹ li, mà gánan kɛn lɛn tumaa a minin dikion taãn nə ka kiwi kɛ nɛ. Lon a Lawa gole dinmaa na á ná a giala wɔ.

Izayii 14:32

Wɔ n die Filisiti minin dia dí-a wolen kɛn lɛ sii lɔn? Wɔ n die pii: Dɛnaa Lawa din na á *Siɔn kiwi koa, a zaman lɛ a doobaan tá re mìi duru ǹ bǎã yii walan.

Izayii 37:35

Man kiwi kɛ tamɛɛ, ma a kirisibaa. Man bɛ zɛnɛɛ ma din a lɛa ka maa dí-nyali Davida nɛ.

Izayii 62:7

Ka nyan toa a susui yɛ wa, yǎa a Zeruzalɛmu zɛnɛɛ a nyɛɛ, yǎa a tɔ boe tán tumaa la.»

Izayii 9:7

Dɛnaa boo da Zakɔba tɔrɔn ganaa, bɛa boo lɛ mɛ Izirayeli gána la.

Zeremii 33:2

«Dɛnaa Lawa n kɛ pii asɛ mɛn bɛ́ màn tumaa a zɛnaali lɛa, á ǹ yɔrɔ boe, á ǹ koɛ. A tɔ n Dɛnaa Lawa.

Matiə 16:18

Bɛ lɛ taman yii, man pii n dɔ Piɛrɛ nɛ: «Ma n Piɛrɛ lɛa (bɛ giala mà gɛ̀taã). Masɛ n die maa sɔmɔ giala koɛ bɛa gɛtaã lɛ la. Haalɛ gɛ̀ din ba re màn kɔ́n zɛnɛɛ a minin man wa.

Luku 2:32

A n die wɔlɔ fúlu boe tɔrɔn tumaa nɛ, a n gugurubaa koe n din a tɔrɔ boe kɛ la, bɛ mɛn bɛ́ ka Izirayeli ni.»

Zaã a sɛ́wɔ 8:12

Yezu wusoo doo á boo giməə kɔsɔ da zaman lɛ nɛ, á pɛ: «Masɛ n kanaa a wɔlɔ fúlu lɛa. Bɛ̀ min mɛn tá koe masɛ kio lɛ, bɛa dɛnaa a die tɔ we wɔlɔ tì li wa. Wɔlɔ fúlu mɛn bɛ́ toɛ min yiikoonaabaa yɛ, bɛa dɛnaa á die bɛ yii.»

Rɔmu minin 11:28

Ǹ piã ka Lawa a boo tii kɔɔ̃n kɛ lɛ taman yii ni, Zuifun tá Lawa a zɔ́ɔn lɛa. Bɛ na á n zɛnaa kasɛn tɔrɔ kɔsɔn kɛn bǐɛ̃ a lɛa. Sɛnɛ, Lawa din a minin bɔ kɛ wɔ gɔn la, Lawa tá ǹ narɛ ǹ digolon lɛ-a.

Timəə dí-pɛn 4:37

A giala, á goã ka digolon lɛn narɛ. Bɛ lɛ nɛ, á tɔ́n kasɛn bɔ ǹ tɔrɔn lɛa ǹ kio, a din ka waa, á ka bɔ Ezipti gána nɛ, ka a pàã nɛ.

Sii-nyaan 22:16

Ma din Yezu má lon a dia dí-a wole dia máa a da bɛ lɛ tumaa pɛ Lawa a sɔmɔn minin manɛ. Masɛ n Davida tɔrɔ lɛa, ma ń baayɛlɛ a leere tɛ-pɛle lɛa.