Zɔbu 1:3 - LAWA A BOO SONBORE 2011

³ Tɔɔn nə́ goã a lon giãgiã: Sère duu sɔbaa (7 000), nyɔɔmaa duu sɔɔ (3 000), buu-kɔsɔ ǹ dii duu goon (1 000) ka dundun dan biɛsooro (500). A dí-nyalin dɔn nə́ goã mɔnaa-n parsiini. A din lɛ tɔ na á bɔ lɛ̀giala gána minin tumaa bii.

LAWA A BOO SONBORE

³ Tɔɔn nə́ goã a lon giãgiã: Sère duu sɔbaa (7 000), nyɔɔmaa duu sɔɔ (3 000), buu-kɔsɔ ǹ dii duu goon (1 000) ka dundun dan biɛsooro (500). A dí-nyalin dɔn nə́ goã mɔnaa-n parsiini. A din lɛ tɔ na á bɔ lɛ̀giala gána minin tumaa bii.

Zɔbu 1:3 ပူးပေါင်းရင်းမြစ်များ

Siin Giala 12:16

A din lɛ taman yii, kii lɛ Abramu kũ doɛ̃. Á bòen laanka sèren kɔ la, ka diin ni, ka dundun sàn laanka ǹ daanan nɛ, ka nyɔɔmaan nɛ, ka bɛ̀rɛgiĩn laanka bɛ̀rɛlɔn nɛ.

Siin Giala 12:5

A ná a lɔ Sarayii kũ, ka ǹ dɔɔ̃ngiĩ a nɛ Lɔti ni, ǹ gɔn màn mɛn tumaa yɛ Kaaran, ǹ bɛ̀rɛn mɛnɛn pii, ǹ nə́ yoo ka bɛ tumaa nɛ. Ǹ nə́ soo ǹ nə́ Kanaan gána zii saa.

Siin Giala 13:6

Minbuiinin lɛn laanka tɔɔn lɛn mɔnaa taman yii, bǎã lɛ nə ǹ bɔ, ǹ tumaa boo la ǹ nə́ giã kɔn li wa.

Siin Giala 24:35

Dɛnaa barka wɔ maa dɛnaagiĩ lɛ nɛ, á paãma gole baa. Á sèren kɔ la, ka bòen laanka diin ni, wɔrɔ laanka sana nɛ, bɛ̀rɛlɔn laanka bɛ̀rɛgiĩn ni, ka nyɔɔmaan laanka dundunun ni.

Siin Giala 25:6

Sɛnɛ, Abrahamu yii bɛ́ tɔn koo ǹ mɛn waáraa, a ná a bɛ̀rɛlɔn nɛgiĩn lɛn dɔn gɔ ka màn nɛ, bɛ kio, á tɔn nə ǹ na, á ǹ bɔ a nɛgiĩ Izaaki ganaa, á ǹ dia gána kɔ́n nɛ lɛ̀giala-n.

Siin Giala 29:1

Zakɔba yoo á mɛ zii la, á woo gána goon ne lɛ̀giala-n.

Siin Giala 32:14

Zakɔba waa bɛa bǎã lɛ nɛ tèlò lɛ nɛ. Tɔɔn mɛnɛn bɛ́ Zakɔba lon, á tɔɔn kɔnɔn bɔ bɛn lɛn bii, mà á die ǹ gologiĩ Ezawu lɛ goe ne:

Siin Giala 34:23

Ǹ tɔɔn laanka ǹ gɔn mànan tumaa á die wɔa wɔn biɛ. Yǎa wɔ lɛ kɔ, ǹ giã kun wɔ nɛ.»

Samayeli2 12:2

Sèren laanka dii gigiã goã pàãma lɛ sɛ lon.

Kiin2 15:20

Izirayeli gána a min mɛnɛn tumaa bɛ́ màndɛnan lɛa, Menaahɛmu na á wɔrɔ lɛ si bɛn la, á kɔ Asiirii gána a kii lɛ la. Ǹ min gogoonmaa wɔ n wɔrɔ we posooro á saraa. Bɛ kio, Asiirii gána a kii lɛ nə́ n bɔyaa á woo, a golee gána lɛ-n wa.

Kiin2 3:4

Moabu gána a kii Mesia na á goã tɔɔn toe. A na á goã sère ten duu paabiɛ (100 000) laanka sère gɔ̀lɔ̀ gusugə duu paabiɛ koe Izirayeli gána a kii lɛ la, nyin giɔ̀mɔ lɛa lɛ̀ woo lɛ̀.

KZS1 27:30

Isimayeli tɔrɔ Obili n nyɔɔmaan mìi la. Meronɔti min Yedia n dundun daãnan mìi la.

KZS2 26:10

Á gɔnda ǹ kionən dɔ diə gole gánan kɛn dɔn nɛ. Á mu kurəə ǹ yala gigiã fɔ̃, a giala, a tɔɔn man mɔnaa nɛ *Sefelaa a nyankɔrɔ lɛ kɛ nɛ, ka yìsi mu lɛ a bǎãn kɛn nɛ. A Buu-kɔsɔlen tan, a duvɛ̃ wuru dí-nyalin tan dí nyɛɛ tenenən mìi ni ka Karmɛli kele ne, a giala, tán dí n kɔɔ̃n a ganaa.

KZS2 32:29

Á kiwin dinin do. A tɔɔ dadaran ka a bisinin tá mɔnaa nɛ. Taãnɛ Lawa gɔn màn damata kɔ la.

Zɔbu 1:10

N din bɛ́ n nə n kɔ Zɔbu paǹ tumaa lɛ, bɛ lɛ bie wa? A din ni, a kion ne, ka a gɔn màn tumaa nɛ, n bɛ́ ń bɛ tamaa, bɛ lɛ a lɛa bie wa? N din ni ń barka da a nya ǹ dí ganaa. A tɔɔn nə́ ke wɔlɔ yii-n sababa gána lɛ gɔ́ɔ̃ nɛ.

Zɔbu 1:4

A nɛgiĩn lɛn man nə́ goã zɔ́n zɛnɛɛ, bɛ̀ ǹ kɔn bíi, bɛ̀ ǹ wo màn bii kɔn a piɛ. Maǹ goɛ̃ bɛ̀ ǹ lɛ dia ǹ miãnɛn min sɔɔ lɛ dɔ la, bɛ̀ ǹ màn bii kun.

Zɔbu 21:28

A giala, ka n pii: «Pàãmaa lɛ a kion lɛ á maa kəni? Min baraan lɛn giã ǹ bǎã lɛ na á n baa lɔn?»

Zɔbu 29:25

Man má goã ǹ mìi la, má n zii nyɛɛ ǹ nɛ. Má giã ǹ bii ka kii bɛ́ a sɔraasin bii lɔn, ka foo-ziziɛ̃ wolen foo-basãli bɛ́ lɔn.

Zɔbu 31:25

Ma bin nə n nyɛnyɛɛ maa màn a mɔnaabaa kɛ taman yii wa. Ma bin nə n nyɛnyɛɛ ma gɔn màn a gigiãbaa kɛ taman yii wa.

Zɔbu 31:37

Ma á die maa gòã saa ǹ gɔn tumaa yɔrɔ pii ni. Man die tɔ we ka kii bɛ́ lɔn, ma wo golee a yɔrɔ-a.

Zɔbu 42:10

Zɔbu bɛ́ á Lawa nyankɔ a giaáran lɛn lɛa, Dɛnaa Lawa wusoo á Zɔbu saa á da lon. Á gɔn màn kɔ la, bɛ́ la lɛlɛ ǹ wɔ kɛ-n gunyin paa.

Zɔbu 42:12

Dɛnaa Lawa wusoo á barka da Zɔbu ganaa bɛ kio, á la a lɛlɛ ǹ nɛ. A sèren man duu fulu sii (14 000), nyɔɔmaa duu sɔrɔ (6 000), buu kɔsɔ ǹ dii duu paa (2 000), ka dundun dan duu goon (1 000).

Suusun 10:22

Dɛnaa Lawa a barka da ma-a n min biɛ pàãma lɛa. Gɔ́ɔ̃ bii a màn kɔn diɛ li wa.

Zeremii 49:28

Kebaara Larabun wɔ paǹ li kɔnlɛ ka Asɔɔrɔ gánan nɛ, kɛn Baabiloniin kii Nebukadenezɔɔrɔ boo ǹ la. Dɛnaa Lawa pɛ: Ka yoo, ka wo Kedaara gialaa! Ka diə gole minin kɛn màn tumaa ziziɛ̃!

Minin nimi 23:7

Balaamu tɔ́n bɔ boon kɛn nɛ kɛnɛn á ǹ pɛ: Balaaki na á minin dia die ma kuĩ Siirii gána nɛ, Moabun kii na á min dia die lɛ diɛ ma la, lɛ̀giala a kelen kɛn bǎã nɛ, á pɛ ma nɛ: Da lɛn baraa bii Zakɔba tɔrɔn kɛn li, maa lɛa. Da dɔlɔ da Izirayeli minin kɛn mìi ni.

Sii yɔrɔ-bɔlen 6:3

Bɛ̀ Izirayeli minin nə́ màn da ǹ wuru-n lɔn, Madiã minin man die ǹ gialaa, kun ka Amalɛki tɔrɔn nɛ, ka lɛ̀giala minin kɛn nɛ.

Sii yɔrɔ-bɔlen 6:5

Sonbore, maǹ nə́ goã yui ka ǹ mɔnaa kionən ne, ǹ dinin laanka ǹ tɔɔn nɛ, gigiã ka bisinin bɛ́ lɔn, bɛ̀ ǹ da Izirayeli minin lɛn gialaa. Ǹ laanka ǹ nyɔɔmaan kɛn man nə́ goã gigiã, min ba boe la a tá ǹ nimii wa. Maǹ nə́ goã die we gána lɛ nɛ, bɛ̀ ǹ basaã kɔ nɛ.

Sii yɔrɔ-bɔlen 7:12

Á ke, Madiã minin ni, Amalɛki tɔrɔn laanka lɛ̀giala gána minin kɛn tumaa na á goã nyɔmaa-n tán diə fúlu lɛ nɛ, gigiã ka bisinin manɛ. Ǹ nyɔɔmaan kɛn, min ba boe la á bɛn nimii wa. Maǹ gigiã ka nyɔɔsɔ bɛ́ lɔn yìsi mu lɛ-a.

Sii yɔrɔ-bɔlen 8:10

Zebaa laanka Salmunaa na á goã Karkɔɔrɔ kiwi kun ka ǹ zia-baalin ni. Maǹ nə́ goã min duu fulusooro kɛ miã. Lɛ̀giala gána minin lɛn zia-baalin tumaa a gialakun yii n ka bɛ nɛ. A giala, ǹ nə́ goã ǹ nə́ zia-baalin lɛn min duu paabiɛ ka fuə (120 000) dɛ, ǹ mɛnɛn bɛ́ boe zia baa la.

Samayeli1 25:2

Giĩ goon na á goã, a tɔ n Naabaali a lɔ tɔ n Abigayili, a n boe Maahɔ̃ kiwi, Kalɛbu a tanlɛ min ni. Dí nya ǹ bǎã goã a lon Karmɛli kiwi. A na á goã pàãma lɛa taãn-taãnɛ. Sère duu sɔɔ (3 000) na á goã a lon ka bòe duu goon (1 000) ne.

Samayeli1 27:9

Davida na á goã pipiri zaman lɛ ganaa a tá ǹ dii. A giĩ toɛ a yii n koo wa, a lɔ dɔ toɛ a yii n koo wa. Tɔɔ dadaran nɛ a bisinin ni, dundunun ni, nyɔɔmaan nɛ, a na á goã bɛn lui bɛ̀ a kiɛ̃ ǹ nɛ, bɛ̀ a mɔnaan dɔn goa. Bɛ̀ Davida nə́ n bɔyaa, a n woe Akiisi li.