Zaã a sɛ́wɔ 9:39 - LAWA A BOO SONBORE 2011

³⁹ Yezu tɔ́n pɛ kəni: «Man má daa kanaa kɛ lɛ gɔ́ɔ̃ nɛ kiri wɔ a lɛa, màn mɛn bɛ́ toɛ, min mɛnɛn bɛ́ yii tere-an lɛa, bɛn yii wɔlɔ yɛ, min mɛnɛn bɛ́ yii wɔlɔ yɛlen lɛa, bɛn yii tã.»

LAWA A BOO SONBORE

³⁹ Yezu tɔ́n pɛ kəni: «Man má daa kanaa kɛ lɛ gɔ́ɔ̃ nɛ kiri wɔ a lɛa, màn mɛn bɛ́ toɛ, min mɛnɛn bɛ́ yii tere-an lɛa, bɛn yii wɔlɔ yɛ, min mɛnɛn bɛ́ yii wɔlɔ yɛlen lɛa, bɛn yii tã.»

Zaã a sɛ́wɔ 9:39 ပူးပေါင်းရင်းမြစ်များ

Izayii 29:10

A giala, Dɛnaa Lawa ka yiri tã, á kaa Lawa a boo gii-dalin sàabaa sii-yɛn ganaa, á màn kɔ kaa gɔn-nɔɔlin yɔrɔ lɛ.

Izayii 44:18

Bɛa minin kɛn ba màn kɔn doɛ̃ wa. Ǹ ba sii kɔn giala miɛ wa. A giala, ǹ yii na á tã màn mɛn bɛ́ toɛ ǹ baran wɔlɔ yɛ wa, ǹ yiri na á tã màn mɛn bɛ́ toɛ ǹ baran boo giala ma wa.

Izayii 6:9

Á tɔ́n pɛ ma nɛ: – Wo pɛ tɔrɔ kɛ-n kɛnɛn: «Ka nə n too koe sɔnbɔraa nɛ, sɛnɛ, ka a màn kɔn miɛ wa. Ka n giɛ sɔnbɔraa nɛ, sɛnɛ, ka yii á màn kɔn yii wa.»

Ezekieli 12:2

«Nsɛ minbuiin a nɛ, n bɛ́ giã-n tɔrɔn mɛnɛn bii, piã-wɔlen manɛ. Yiin tá ǹ lon, sɛnɛ, maǹ nə n piɛ̃, ǹ ba giɛ ǹ nɛ wa. Toon tá ǹ lon, sɛnɛ maǹ nə n piɛ̃, ǹ ba n too koe wa. A giala, piã-wɔle din taãn-taãnɛn manɛ.

Matiə 11:5

Yii tere-an yii n wɔlɔ yii, bɔlɔkan man tɔ we, gɔ̀nɔn busu babaraa dɛnan busu n nyɛɛ, too tere-an man boo miɛ, geren yii n kiɛ, Boo Tii Kɔɔ̃n nə n pii doobaan manɛ.

Matiə 15:14

Ka ǹ toa walan. Maǹ yii tere-an lɛa yii tere-an bàlà kuĩ! Bɛ̀ yii tere-a nə́ ǹ miã yii tere-a a bàlà kũ, ǹ dinin paanan tá re boe ǹ kaa nyankɔrɔ nɛ.»

Matiə 6:23

Sɛnɛ, bɛ̀ min yii nàn ba siĩn wa, a gɔ̀nɔn din tumaa n wɔlɔ tì li. Bólon mɛn bɛ́ n ganaa, bɛ̀ bɛa wɔlɔ fúli wa, ma n wɔlɔ tì gole li.

Luku 1:79

Min mɛnɛn bɛ́ wɔlɔ tì li, ǹ nə́ nyɛ́ɛ biɛ gɛ̀ nɛ, a n wɔlɔ fúlu kiɛ bɛn ganaa. A n là nyantoro zii nyɛɛ wɔ nɛ.»

Luku 13:30

Bɛa yɔrɔ kɛ lɛ la, pelo a kiodɛnan tɛnɛn tá re nyɛɛnaandɛnan biɛ biɛ̃, pelo a nyɛɛnaandɛnan tɛnɛn tá re kiodɛnan biɛ biɛ̃.

Luku 2:34

Bɛ kio, Simiɔn ná a nyankɔ Lawa lon, mà á barka wɔ ǹ nɛ, á tɔ́n pɛ nɛ lɛ dan Mariya nɛ: «Lawa na á nɛ kɛ lɛ bɔ á dia, á n die Izirayeli min gigiã a mɛnaa a bɔ̀n baa ǹ gòã biɛ, a gigiã dɔ a yoo a kirisibaa ǹ gòã baa. Nɛ lɛ n die Lawa foo dí-nyaali biɛ, sɛnɛ, minin man die n piɛ̃ nɛ, ǹ boo baraa dɔ a ganaa.

Luku 4:18

Dɛnaa Yiri n ma la. Hiĩ, a na á ma bɔ á ma koa, mà ma boo tii kɔɔ̃n pɛ doobaan manɛ,

Luku 7:21

A din biikoo lɛ gɔ́ɔ̃ nɛ Yezu min gigiã a busu nya, á bɔlɔkan kaka kɔ, á nɔ̀ɔn baraan loo, á yii tere-a gigiã yii bũ.

Zaã a sɛ́wɔ 12:31

Lawa n die kiri kuri kanaa lɛ la sisia. Sisia kəni, kanaa lɛ a mìilandɛnaa a bɔ a daa biikoo n ke.

Zaã a sɛ́wɔ 12:46

Man má daa kanaa kɛ gɔ́ɔ̃ nɛ, ka wɔlɔ fúlu bɛ́ lɔn, màn mɛn bɛ́ toɛ, bɛ̀ min mɛn golee masɛ li, bɛa dɛnaa baran goã wɔlɔ tì li doo wa.

Zaã a sɛ́wɔ 3:17

Lawa bie a ná a Nɛgiĩ lɛ dia kanaa gɔ́ɔ̃ nɛ, mà a da kiri wɔ kanaa minin ganaa wa, sɛnɛ, a na á dia mà a da ǹ kirisibaa.

Zaã a sɛ́wɔ 3:19

Kiri lɛ a wɔ ǹ mìi á ke: Wɔlɔ fúlu daa kanaa gɔ́ɔ̃ nɛ, sɛnɛ, wɔlɔ tì kɔɔ̃n kɔ minbuiinin ganaa á la wɔlɔ fúlu ni, a giala ǹ zɛnaa ǹ siin ba siĩn-n wa.

Zaã a sɛ́wɔ 8:12

Yezu wusoo doo á boo giməə kɔsɔ da zaman lɛ nɛ, á pɛ: «Masɛ n kanaa a wɔlɔ fúlu lɛa. Bɛ̀ min mɛn tá koe masɛ kio lɛ, bɛa dɛnaa a die tɔ we wɔlɔ tì li wa. Wɔlɔ fúlu mɛn bɛ́ toɛ min yiikoonaabaa yɛ, bɛa dɛnaa á die bɛ yii.»

Zaã a sɛ́wɔ 8:15

Ka n kiri we ka minbuiin nɛbaa nɛ; masɛ a kiri we min kɔ́n ganaa wa.

Zaã a sɛ́wɔ 9:25

Giĩ lɛ tɔ́n pɛ ǹ nɛ: «Bɛ̀ sii baraa-zɛnaali ni, masɛ a doɛ̃ sɛn wa. Sɛnɛ, masɛ n sii goon doɛ̃: Masɛ n má goã yii tere-a lɛa, sɛnɛ, ma yii á wɔlɔ yii sisia.»

Nya ǹ dín 26:18

Man die n diɛ ǹ li n nə ǹ yii bũ, ǹ soo ǹ nə n bɔ wɔlɔ tì li, ǹ da wɔlɔ fúlu ganaa, ǹ nə n bɔ *Sɛtaan a pàã giulun ǹ da Lawa ganaa, màn mɛn bɛ́ toɛ, bɛ̀ ǹ nə́ golee masɛ li, Lawa nə n sii baraan toa ǹ nɛ, ǹ dɔn nə bǎã yɛ kun ka Lawa wɔn nɛ.»

Korɛnti2 2:16

Papaã wolen yii li, gìĩ kɛ lɛ n gɛ̀ gìĩ lɛa, a n gɛ̀ dii; kirisibaalin yii li, a n yiikoonaabaa gìĩ lɛa, a n yiikoonaabaa koe. Die n boe la a bɛa dí kɛ miã nya?

Efɛɛzi minin 5:14

A giala, sii mɛn dɔ bɛ́ á n nyaa foaãnɛ, bɛ n wɔlɔ fúlu biɛ. Bɛ lɛ nɛ, á n pɛ: «Nsɛ mɛn bɛ́ nyuù we, n yii kaa, nsɛ mɛn bɛ́ geren li, yoo lon, Krita á re fúlu kiɛ n ganaa.»

Tesaloniki2 2:10

Min mɛnɛn bɛ́ re bɔ̀n biɛ, á re baraabaa zɛnɛɛ a yɔrɔ din tumaa li, a bɛn yiri sã nɛ. Maǹ die bɔ̀n biɛ, a giala, sonbore mɛn bɛ́ ǹ kirisibiɛ, ǹ lɛ kɔ bɛ lɛ ganaa lɛlɛ ǹ nə́ narɛ wa.

Piɛrɛ1 2:9

Sɛnɛ, kasɛn man Lawa a tɔrɔ boe lɛa, tɔrɔ mɛn bɛ́ Kii Lawa a wúlu-bɔlen lɛa. Kasɛn man tɔrɔ lɛa, Lawa koa a gɔrɔn a din wɔ lɛa, tɔrɔ mɛn a minin bɛ́ Lawa wɔn lɛa. A na á ka bíi á ka bɔ wɔlɔ tì li, á daa ka nɛ a din a wɔlɔ fúlu sonbore kɛ li, mà ka a din a sii sonboren kɛn laakalaa.

Zaã1 2:11

Sɛnɛ, bɛ̀ min mɛn dɔɔ̃n tìĩ á boe-n a nyin ni, bɛ n tɔn wɔlɔ tì li, a n tɔ we wɔlɔ tì li. A bɛ́ woe bǎã mɛn nɛ, a bɛ doɛ̃ wa, a giala, wɔlɔ tì na á baa yii tere-a lɛa.