Zaã a sɛ́wɔ 9:24 - LAWA A BOO SONBORE 2011

²⁴ Fariziɛ̃n nə́ yii tere-a zizi lɛ bíi doo ka a paabaa ǹ wɔ nɛ, ǹ nə́ pɛ nɛ: «Nyɛ́ɛ baa Lawa yii ni, n sonbore pɛ dɛ! Wɔsɛn tá doɛ̃ wáa giĩ kɛ lɛ n sii baraa-zɛnaali lɛa.»

LAWA A BOO SONBORE

²⁴ Fariziɛ̃n nə́ yii tere-a zizi lɛ bíi doo ka a paabaa ǹ wɔ nɛ, ǹ nə́ pɛ nɛ: «Nyɛ́ɛ baa Lawa yii ni, n sonbore pɛ dɛ! Wɔsɛn tá doɛ̃ wáa giĩ kɛ lɛ n sii baraa-zɛnaali lɛa.»

Zaã a sɛ́wɔ 9:24 ပူးပေါင်းရင်းမြစ်များ

Ɛsidrasi 10:11

Sisia, ka n zɛ̀rɛ si, ka digolon Lawa, Dɛnaa Lawa lɛ la, ka a foo sii zɛnaa. Ka n na ka n bɔ gána lɛ a minin lɛn ganaa, ka tɔrɔ kɔsɔn kɛn nɛ, kaa lɔn lɛa.»

Izayii 66:5

Ka n too kɔ Dɛnaa Lawa a boon li, kasɛn mɛnɛn bɛ́ nyɛ́ɛ biɛ a yii ni. Ka dɔɔ̃nɔn man ka biɛ zɔ́ɔ, ǹ tá ka lui masɛ taman yii. Maǹ pii: «Dɛnaa Lawa na a gugurubaa lɛ nyaa kəni, ka bɛ nɛ, wɔ á re kaa foo kɔɔ̃nbaa yii.» Sɛnɛ, sìi n die ǹ dinin kuĩ.

Marki 15:27

Ǹ nə́ mɛnaa minin la wole min paa dɔ dere gɔnɔn ganaa Yezu li, goon ná a gusin, goon ná a gɔsɛ. [

Luku 15:2

*Fariziɛ̃n laanka landa sii-daraalin nə́ goã zùzùũ sii. Maǹ nə́ goã pii: Giĩ kɛ n lɛ koe sii baraa-zɛnaalin-a, a n màn dɔ din bii kunun ǹ ni.

Luku 19:7

Minin mɛnɛn tumaa bɛ yɛ, bɛn nə́ goã zùzùũ sii, ǹ nə́ pii mà giĩ kɛ na á woo n yu sii baraa-zɛnaali la.

Luku 7:39

Fariziɛ̃n giĩ lɛ á Yezu bíi màn bii-a, a bɛ́ á sii kɛ yɛ, á pɛ a din gɔ́ɔ̃-n kɛnɛn: «Bɛ̀ giĩ kɛ n Lawa a boo gii-dali lɛa sonbore, lɔ ke n gɔn diɛ a ganaa, bɛ̀ á dɔ̃ a bɛ́ màn mɛn lɛa, bɛa lɔ kɔrɔ kɛ lɛɛ!»

Zaã a sɛ́wɔ 14:30

Ma a die boo gigiã diɛ ka nɛ kɛ kio doo wa, a giala, kanaa lɛ a mìilandɛnaa lɛ á die. A wɔlɔ yii masɛ wɔ ganaa wa,

Zaã a sɛ́wɔ 16:2

Ǹ tá re ka lui ǹ ka bɔ lɛsɔkɔn kionən ne. Biikoo kɔ́n tá re die dinin, min mɛnɛn bɛ́ ka dii ka gã, bɛa minin lɛn tá re taasɛ, mà ǹsɛn man dí nyɛɛ Lawa nɛ bɛa yɔrɔ kɛ lɛ la.

Zaã a sɛ́wɔ 18:30

Ǹ ná a lɛ si, ǹ nə́ pɛ mà bɛ̀ giĩ kɛ lɛ bie sii baraa-zɛnaali lɛa wa, mà bɛ̀ ǹsɛn tá re kuĩ ǹ da kɔ la?

Zaã a sɛ́wɔ 19:6

Sɛnɛ, wúlu-bɔlen goledɛnan lɛn laanka garadin lɛn nə yɛ lɔn, ǹ nə́ kaa lɛ-dɛ nɛ ǹ nə́ pii: «A dere gɔn ganaa! A dere gɔn ganaa!» Pilati tɔ́n pɛ ǹ nɛ mà ǹ dininmaan nə kũ ǹ dere gɔn ganaa. Mà asɛ zɛ̀rɛbaa ǹ sii yɛ a wɔ paǹ li sɛn wa.

Zaã a sɛ́wɔ 5:23

màn mɛn bɛ́ toɛ, min tumaa Nɛgiĩ lɛ guguru kɔ, ka ǹ bɛ́ a Díi guguru koe lɔn. Bɛ̀ min mɛn ba Nɛgiĩ lɛ guguru koe wa, a Díi mɛn dia, bɛa dɛnaa na a ba bɛ dɔ guguru koe wa.

Zaã a sɛ́wɔ 8:46

Die n ka bii, bɛ́ n boe la a masɛ Yezu a sii baraa zɛnaa nyaa? Bɛ̀ masɛ á sonbore pii, wàa dɔ na á baa ka a golee ma li wa?

Zaã a sɛ́wɔ 8:49

Yezu nə́ n lɛ si á pɛ ǹ nɛ: «Aba, mànan bie masɛ ganaa wa. Man maa Díi guguru koe, sɛnɛ, kasɛn man masɛ dɔ puusə koe!

Zaã a sɛ́wɔ 9:16

Bɛ lɛ nɛ, Fariziɛ̃n lɛn tɛnɛn nə́ goã pii mà Lawa din bie á kɛa giĩ kɛ dia wa, a giala, mà a ba susu ǹ pii tamaɛ wa. Sɛnɛ, ǹ tɛn dɔ na á goã pii mà bɛ̀ sii baraa-zɛnaali ni, mà á n siɛ lɔn a boo la a kaãbaa ǹ siin kɛn miãn zɛnaa? Ǹ lɛ kaa kɔn para-a.

Zaã a sɛ́wɔ 9:25

Giĩ lɛ tɔ́n pɛ ǹ nɛ: «Bɛ̀ sii baraa-zɛnaali ni, masɛ a doɛ̃ sɛn wa. Sɛnɛ, masɛ n sii goon doɛ̃: Masɛ n má goã yii tere-a lɛa, sɛnɛ, ma yii á wɔlɔ yii sisia.»

Rɔmu minin 8:3

Wɔa Lawa a dí-pɛn doɛ̃ kɛ bie toɛ wɔ n si sii baraa la wa, a giala, wɔ boo la wɔ bɛa dí-pɛn kɛn lɛn bɔlɔ si wa. Sɛnɛ, Lawa na á dí kɔsɔ nya wɔa kirisibaa ǹ wɔ lɛa. Sii baraa mɛn bɛ́ dùũ sii babaraan nɛ, á bɛ pàã nya. A na á ná a Nɛgiĩ dia bɛ lɛ zɛnɛɛ. Yezu lɛ dɔ na á daa ka minbuiin nɛ dùũ siin ni a lon. Asɛ a gɛ̀ barka nɛ, Lawa na á kiri kuru sii baraa la dùũ siin kɛn lɛn nɛ.

Korɛnti2 5:21

Sii baraa kɔ́n goã Krita li wa, sɛnɛ, Lawa na á wɔa sii baraan guĩ da a din lɛ mìi ni, ń giɛ, wɔ á min peperen biɛ asɛ din yɔrɔ-a Krita pàã ganaa.

Zozoe 7:19

Zozoe tɔ́n pɛ Aakan nɛ: «Maa nɛgiĩ, bǐɛ̃ kɔ n taãn pɛ Dɛnaa Lawa yɔrɔ-a, Izirayeli minin Lawa lɛ. N sii mɛn zɛnaa, bǐɛ̃ kɔ n pɛ ma-n kɛnɛn kɛnɛn, n nyan toa n pɛ mà ma nə n duri masɛ la wa.»

Sii-nyaan 11:13

A din biikoo goon kɛ lɛ li, tán bìn-diɛ bɔbɔnɛɛ goon nə́ n zɛnaa. Á kiwi lɛ a talakɔn fùbaa ǹ wɔ dɛ á kaa. Min duu sɔbaa dɔ́ gã bɛa tán bìn-diɛ kɛ lɛ gɔ́ɔ̃ nɛ. Min mɛnɛn nə n bɔ a nɛ, nyɛ́ɛ gole bɛn kũ, ǹ nə́ lon a Lawa tɔ guguru kɔ.