Zaã a sɛ́wɔ 9:16 - LAWA A BOO SONBORE 2011

¹⁶ Bɛ lɛ nɛ, Fariziɛ̃n lɛn tɛnɛn nə́ goã pii mà Lawa din bie á kɛa giĩ kɛ dia wa, a giala, mà a ba susu ǹ pii tamaɛ wa. Sɛnɛ, ǹ tɛn dɔ na á goã pii mà bɛ̀ sii baraa-zɛnaali ni, mà á n siɛ lɔn a boo la a kaãbaa ǹ siin kɛn miãn zɛnaa? Ǹ lɛ kaa kɔn para-a.

LAWA A BOO SONBORE

¹⁶ Bɛ lɛ nɛ, Fariziɛ̃n lɛn tɛnɛn nə́ goã pii mà Lawa din bie á kɛa giĩ kɛ dia wa, a giala, mà a ba susu ǹ pii tamaɛ wa. Sɛnɛ, ǹ tɛn dɔ na á goã pii mà bɛ̀ sii baraa-zɛnaali ni, mà á n siɛ lɔn a boo la a kaãbaa ǹ siin kɛn miãn zɛnaa? Ǹ lɛ kaa kɔn para-a.

Zaã a sɛ́wɔ 9:16 ပူးပေါင်းရင်းမြစ်များ

Matiə 12:10

Giĩ gɔn goon gere-a kɔ́n na á goã walan. Minin mɛnɛn bɛ́ walan, bɛn nə́ nɔ̀n da Yezu la ǹ nə́ pɛ: «Wɔa landa tá lɛ koe wɔ busulə kaka kɔ susu ǹ pii pinaa?» Maǹ nə́ bɛ pɛ ǹ nə́ giɛ a zɛ̀rɛbaa ǹ gɔn li.

Matiə 12:2

*Fariziɛ̃n bɛ́ ǹ nə́ bɛ yɛ, ǹ nə́ pɛ Yezu ni: «Ga, wɔsɛn landa bɛ́ a ba lɛ koe dí mɛn nə n nya susu ǹ pii pinaa wa, n kialandɛnan lɛn nə́ ke bɛ gialaa nyɛɛ!»

Luku 13:14

Lɛsɔkɔn kion lɛ a goledɛnaa yɔrɔ kɔsɛ, a giala Yezu na á busulə kaka kɔ susu ǹ pii pinaa. Á boo saa á pɛ zaman nɛ: «Lɛawaa sɔrɔ tumaa tan dí nya ǹ piin lɛa. Haya, ka da bɛa piin kɛn lɛn li, màn mɛn bɛ́ toɛ, ǹ kaa busun nya, ka baran da susu ǹ pii pinaa bɛ ganaa wa.»

Zaã a sɛ́wɔ 10:19

Bɛa boon lɛn man nə́ toa, Zuifun lɛn lɛ wusoo á kaa kɔn para-a.

Zaã a sɛ́wɔ 14:11

Ka waa masɛ la, masɛ n kun ka maa Díi ni, maa Díi dɔ n kun ka masɛ nɛ. Bɛ̀ ka a wɛɛ masɛ a boo la wa, zɛnaa ǹ siin kɛn lɛn sɛn taman yii, ka waa la mà Lawa á kun ka masɛ nɛ.

Zaã a sɛ́wɔ 15:24

Siin mɛnɛn bɛ́ min kɔ́n din ná a tɔn nə ǹ miã zɛnaa duduu wa, bɛ̀ ma bie má bɛn zɛnaa ǹ bii kɛnɛn wa, bɛ̀ sii baraa ba ǹ mìi-n wa. Sɛnɛ, sisia, a laanɛ ǹ nə́ bɛa siin lɛn yɛ, maǹ wusii n tiɛ̃ la ǹ tá masɛ laanka maa Díi biɛ zɔ́ɔ.

Zaã a sɛ́wɔ 2:11

Bɛ lɛ na á n baa Yezu a kaãbaa ǹ sii bibinaa lɛa, á zɛnaa Kaanaa kiwi, Galilee gána nɛ, a ná a gugurubaa nyaa nɛ. Bɛ lɛ na á toa a kialandɛnan nə́ golee li.

Zaã a sɛ́wɔ 3:2

Ǹ kɔ́n pinaa tèlò-n, á daa Yezu li á pɛ nɛ: «Mìinaa, wɔsɛn tá doɛ̃, wáa Lawa na á n dia mà n da wɔ daraa. A giala, n bɛ́ kaãbaa ǹ siin mɛnɛn zɛnɛɛ, min kɔ́n ba boe la a bɛn zɛnaa, bɛ̀ Lawa ná a kun ka ǹ dɛnaa-n wa.»

Zaã a sɛ́wɔ 5:10

Bɛ lɛ nɛ, Yezu giĩ mɛn lɛ a busu nya, Zuifun goledɛnan nə́ tɔ́n pɛ bɛ lɛ nɛ kɛnɛn: «Susu ǹ pii n pelo, n doamaa bie n nə n piì saa n gũ wa.»

Zaã a sɛ́wɔ 5:36

Sɛnɛ, masɛ a siérebaa ǹ sii kɔsɔ tan, bɛ n golee á la Zaã a siérebaa ǹ boo kɛ nɛ: Maa Díi nya ǹ dín mɛnɛn kɔ masɛ la má ǹ nya, bɛa dín kɛn lɛn masɛ tá ǹ nyɛɛ, bɛn lɛn man siére biɛ masɛ wɔ gɔn la, ǹ nə́ nyɛɛ mà masɛ a Díi na á ma dia.

Zaã a sɛ́wɔ 6:52

Bɛa boo lɛ taman yii, Zuifun nə́ bɔ ǹ nə́ mɛ la ǹ nə́ liere bibiɛ kɔ kɔn bii n ni, ǹ nə́ goã nɔ̀n didiɛ kɔn la mà bɛa giĩ kɛ nə n gɔ̀nɔn siĩ koe ǹsɛn la lɔn ǹsɛn nə sɔ̃?

Zaã a sɛ́wɔ 7:12

Zaman lɛ bii, minin man nə́ goã kɔn liere koe parsiini a wɔ gɔn la. Ǹ tɛn na á goã pii mà min sonbore ne, ǹ tɛn dɔ mà Aba, mà a n minin yiri siɛ̃.

Zaã a sɛ́wɔ 7:23

Bɛ̀ ka tá boe la ka nɛginin kuru susu ǹ pii pinaa, màn mɛn bɛ́ toɛ, Muizu dí mɛn pɛ kurii wɔ gɔn la ka baran bɛ ziziɛ̃ wa, wàa na á baa ka foo á yui masɛ li, a giala, masɛ n má minbuiin nɛ tumu a busu nya má bɔ a ganaa susu ǹ pii pinaa?

Zaã a sɛ́wɔ 7:43

Zaman lɛ na á n tala kɔn miɛ̃ Yezu taman yii.

Zaã a sɛ́wɔ 9:24

Fariziɛ̃n nə́ yii tere-a zizi lɛ bíi doo ka a paabaa ǹ wɔ nɛ, ǹ nə́ pɛ nɛ: «Nyɛ́ɛ baa Lawa yii ni, n sonbore pɛ dɛ! Wɔsɛn tá doɛ̃ wáa giĩ kɛ lɛ n sii baraa-zɛnaali lɛa.»

Nya ǹ dín 14:4

Kiwi lɛ a minin nə́ n talakɔn: Ǹ tɛnɛn man kun ka Zuifun ni, gialakunun man kun ka dia dí-a wolen kɛn nɛ.