Zaã a sɛ́wɔ 8:58 - LAWA A BOO SONBORE 2011

⁵⁸ Yezu tɔ́n pɛ ǹ nɛ: «Man taãn pii ka nɛ, Abrahamu laan bɛ̀ a yɛ, bɛ̀ masɛ tan.»

LAWA A BOO SONBORE

⁵⁸ Yezu tɔ́n pɛ ǹ nɛ: «Man taãn pii ka nɛ, Abrahamu laan bɛ̀ a yɛ, bɛ̀ masɛ tan.»

Zaã a sɛ́wɔ 8:58 ပူးပေါင်းရင်းမြစ်များ

Bɔ bɛ̀rɛbaa nɛ 3:14

Lawa pɛ Muizu-n kɛnɛn: – Ma tɔ n "Ma Tan". A pɛ Izirayeli nɛnyaanan lɛn manɛ, mà "Ma Tan" na á n dia ǹ li.

Izayii 43:13

Man ma tan Lawa lɛa duduu, Min kɔn ba boe la a min si ma gɔn wa. Bɛ̀ má sii mɛn zɛnaa, min kɔn ba boe la a bɔyaa wa.»

Izayii 44:6

Dɛnaa Lawa, Izirayeli a kii, Izirayeli a si sii la wole, Dɛnaa Lawa Pàãyiidɛnaa n kɛ pii: Ma din nə sii tumaa a giala-kɔ lɛa, ma din ni sii tumaa a giala-nyɔmɔɔ lɛa. Bɛ̀ á n bɔ ma din ni, Lawa kɔsɔ banban.

Izayii 44:8

Kasɛn maa zaman, nyɛ́ɛ nyan ka kũ wa. Ka gɔ̀nɔn nyan bìn da wa. Má a boo da ka nɛ, má pɛ ka nɛ a biikoo ná a kànaa wa. Ka ǹ maa siéren lɛa. Lawa kɔsɔ tan masɛ kio? Haayii! Ma din ni kaa gɛ̀fu kaka lɛa. Ma a kɔsɔ doɛ̃ wa.

Izayii 46:9

Ka n yiri kɔ ka sii bibinaan kɛn nɛ, ǹ mɛnɛn nə n zɛnaa lɛlɛ. Ma din ni Lawa lɛa, kɔsɔ banban. Ma din ni Dɛnaa Lawa lɛa, min kɔn ba ká masɛ bɛ́ lɔn wa.

Izayii 48:12

Dɛnaa Lawa pɛ: «N too kɔ ma lon, Zakɔba, nsɛ Izirayeli mɛn bɛ́ má n bíi. Ma bɛ́ yɔrɔ mɛn la, man miɛ̃ duduu. Man sii tumaa a giala kɔ lɛa, man sii tumaa giala nyɔmiɛ lɛa.

Izayii 9:6

A kiibaa n die gole koe. Là nyantoro mɛn bɛ́ duduu wɔ lɛa, a n die bɛ koe a zaman la. A n die giɛ̃ Davida a kii dankan la, a giã a gána mìi la. A kũ sisia ganaa yǎa duduu, a n die pàã we a gána nɛ, a kaka kɔ, peperebaa laanka sonborebaa barka nɛ. Dɛnaa Lawa Pàãyiidɛnaa a miãgoã-bɔ kɛ n diɛ bɛ a zɛnɛɛ ganaa.

Misee 5:2

Bɛ lɛ na á toa, Lawa á re n gɔn boe a zaman ganaa, yǎa nɔnaa kɛ nɛ yii. Bɛa biikoo li, ǹ dɔɔ̃nɔn lɛn mɛnɛn bɛ́ re n sɔlɛɛ a nɛ, bɛn tá re die kiɛ kun ka Izirayeli minin gialakunun kɛn nɛ.

Zaã a sɛ́wɔ 10:25

Yezu tɔ́n pɛ ǹ nɛ: «Ma bɛ́ má pɛ ka-n lɛlɛ, ka bɛ́ ka a golee ma li wa. Ma bɛ́ dín mɛnɛn nyɛɛ ka maa Díi tɔ-n ke, bɛn lɛn man siérebaa ǹ siin lɛa maa wɔ gɔn la.

Zaã a sɛ́wɔ 17:24

Maa Díi, n min mɛnɛn kɔ masɛ la, ma din bɛ́ re goɛ̃ bǎã mɛn nɛ, man giɛ li, ǹ dɔn nə goã walan kun ka masɛ nɛ. N din gugurubaa mɛn kɔ masɛ la, ǹ bɛ yɛ, a giala, ń masɛ narɛ, haalɛ bɛ̀ kanaa tɔn nə n zɛnaa wa.

Zaã a sɛ́wɔ 17:5

Maa Díi, sisia kəni, gugurubaa mɛn goã ma lon n din li, bɛ̀ kanaa bɛ́ a tɔn nə n giala kɔ wa, wusoo n bɛ lɛ kɔ ma la n din li.

Zaã a sɛ́wɔ 8:24

Bɛ lɛ na á toa, má pɛ ka nɛ, máa ka tá re giɛ̃ ka kaa sii baraan nɛ ka mìi ni. Masɛ bɛ́ min mɛn lɛa, bɛ̀ ka a ma doɛ̃ bɛ lɛa wa, ka á re giɛ̃ ka kaa sii baraan nɛ ka mìi ni.»

Zaã a sɛ́wɔ 8:28

Yezu tɔ́n pɛ ǹ nɛ: «Bɛ̀ ká Min a Nɛgiĩ dere gɔn ganaa lon ǹ mɛn waáraa, ma bɛ́ min mɛn lɛa, ka á re doɛ̃ mà man bɛ lɛa. Ka á re doɛ̃ dɔn mà ma ba sii kɔ́n zɛnɛɛ ma din gɔn wìi a lɛa wa. Maa Díi ma daraa màn mɛn ganaa, man bɛ lɛ pii.

Zaã a sɛ́wɔ 8:34

Yezu tɔ́n pɛ ǹ nɛ: «Man taãn pii ka nɛ, min mɛn bɛ́ sii baraa zɛnɛɛ, bɛa dɛnaa n sii baraa a bɛ̀rɛ lɛa.

Zaã a sɛ́wɔ 8:51

Man taãn pii ka nɛ, bɛ̀ min mɛn masɛ a boo si, bɛa dɛnaa a giɛ̃ duduu wa.»

Kolɔɔsi minin 1:17

Krita bɛ́ a tan, bɛ̀ màn kɔ́n banban. Màn tumaa dɔ a doa kɔn ka a din ni lɛ n toɛ, ǹ gogoonmaa tá a bǎã nɛ.

Ebrəə 13:8

Yezu *Krita bɛ́ lɔn gunun, a n miɛ̃ pelo, a n die goɛ̃ miɛ̃ yǎa duduu.

Sii-nyaan 1:11

Á goã pii: «N yii bɛ́ sii mɛn ganaa, a kiɛ̃ sɛ́wɔ nɛ, n dia Lawa a sɔmɔ sɔbaa kɛ la kiwin kɛn nɛ: Efɛɛzi kiwi ni ka Simirni kiwi ni, Pɛrgamu ni, Tiatiiri ni, Sardə ne, Filadɛlfii ni ka Lawodisee ne.»

Sii-nyaan 1:8

Wɔa Dɛnaa Lawa mɛn bɛ́ á goã a tan, a na a tan, a n die die, a n Pàãyiidɛnaa lɛa, bɛ́ pɛ: «Ma din nə bibinaa lɛa, ma din nə giala-nyɔmɔɔ dɔ lɛa.»

Sii-nyaan 2:8

Sɛ́wɔ kɛ kiɛ̃ n dia Simirnin Lawa a sɔmɔ a lon a dia dí-a wole la: Masɛ mɛn bɛ́ bibinaa lɛa, má n giala-nyɔmɔɔ dɔ lɛa, má goã má gã, sɛnɛ, má wusoo má yiikoonaabaa yɛ, man pii ka nɛ: