Zaã a sɛ́wɔ 8:51 - LAWA A BOO SONBORE 2011

⁵¹ Man taãn pii ka nɛ, bɛ̀ min mɛn masɛ a boo si, bɛa dɛnaa a giɛ̃ duduu wa.»

LAWA A BOO SONBORE

⁵¹ Man taãn pii ka nɛ, bɛ̀ min mɛn masɛ a boo si, bɛa dɛnaa a giɛ̃ duduu wa.»

Zaã a sɛ́wɔ 8:51 ပူးပေါင်းရင်းမြစ်များ

Loen 89:48

N yiri koa ma nɛ. Minbuiin nɛ nyin lɛ á kunu, á la yii ni. Ka n pɛ, mà ma nə n zɛnaa papaã taman yii!

Matiə 16:28

Masɛ n pii ka nɛ, sonbore, kasɛn mɛnɛn bɛ́ kànaa, ka tɛnɛn yii á die Min a Nɛgiĩ yii die kii lɛa ka tɔn gã.»

Luku 2:26

a na á goã á nyaa nɛ mà Dɛnaa Lawa bɛ́ á nyin-sili mɛn boo da, mà a die giɛ̃ bɛ̀ a yii ná a bɛ yɛ wa.

Zaã a sɛ́wɔ 14:23

Yezu pɛ nɛ: – Bɛ̀ min mɛn tá masɛ narɛ, bɛa dɛnaa tá re masɛ a boo sii. Maa Díi dɔ á re bɛa dɛnaa narɛ, ma laanka maa Díi á re die bɛa dɛnaa li, wɔ giã a li.

Zaã a sɛ́wɔ 15:20

Ma boo mɛn pɛ ka nɛ, ka n yiri koa a nɛ: «Bɛ̀rɛ a gole á la a dɛnaagiĩ-n wa.» Bɛ̀ ǹ nə́ fuu nyaa masɛ nɛ, maǹ die fuu nyɛɛ ka dɔn man miɛ̃; bɛ̀ maǹ maa boo sii, bɛ̀ ǹ tá re ka dɔn wɔ sii miɛ̃.

Zaã a sɛ́wɔ 17:6

N min mɛnɛn bɔ kanaa lɛ gɔ́ɔ̃ nɛ, n nə́ ǹ kɔ masɛ la, má n tɔ nyaa bɛn manɛ. Maǹ nə́ goã n din wɔn lɛa, sɛnɛ, ma n nə́ ǹ kɔ masɛ la. Ǹ nə́ n boo si,

Zaã a sɛ́wɔ 5:24

Man taãn pii ka nɛ, bɛ̀ min mɛn nə́ n too kɔ masɛ a boo ganaa, á golee maa dia wole li, nyin nyabaã n bɛa dɛnaa wɔ lɛa. Kiri ba bɛa dɛnaa-a wa, sɛnɛ, bɛa dɛnaa na á soo gɛ̀ nɛ á wɔ yiikoonaabaa nɛ.

Zaã a sɛ́wɔ 6:50

Buuru mɛn bɛ́ n toɛ lon gisĩ tán, bɛ n buuru lɛa, bɛ̀ min mɛn bɛ sɔ̃, ǹ dɛnaa a giɛ̃ wa.

Zaã a sɛ́wɔ 8:12

Yezu wusoo doo á boo giməə kɔsɔ da zaman lɛ nɛ, á pɛ: «Masɛ n kanaa a wɔlɔ fúlu lɛa. Bɛ̀ min mɛn tá koe masɛ kio lɛ, bɛa dɛnaa a die tɔ we wɔlɔ tì li wa. Wɔlɔ fúlu mɛn bɛ́ toɛ min yiikoonaabaa yɛ, bɛa dɛnaa á die bɛ yii.»

Zaã a sɛ́wɔ 8:52

Zuifun nə́ tɔ́n pɛ nɛ: «Sisia kəni, wɔ́ dɔ̃ wáa mànan manə n ganaa! Abrahamu gã, Lawa a boo gii-dalin dɔn nə́ gã, nsɛ dɔ nə́ n daa ń tá pii mà bɛ̀ min mɛn nə́ nsɛ a boo si, mà bɛa dɛnaa a giɛ̃ duduu wa.

Ebrəə 11:5

Golee Lawa li na á toa, Lawa Enɔɔki saa, a ná a gã wa. Min yii yɛ doo wa, a giala, Lawa na á saa. Lawa laan bɛ̀ a n siɛ, Lawa a boo siére pɛ a wɔ gɔn la, mà á kɔɔ̃n kɔ Lawa ganaa.

Ebrəə 2:9

Sɛnɛ, wɔ yii n kɛ ganaa Yezu lɛ wɔ paǹ li: «Biikoo boɛɛn gɔ́ɔ̃ nɛ, Lawa ná a kiɛɛrɛ kɔ, á la lon a dia dí-a wolen manɛ,» màn mɛn bɛ́ toɛ, Lawa a bǐɛ̃baa barka nɛ, a gã minbuiin nɛ tumaa a lɛa. Sɛnɛ kanna, wɔ yii na a ganaa doo, wáa Lawa «gugurubaa laanka zín kɔ la» a gɛ̀-wɔ lɛ a lɛa.