Zaã a sɛ́wɔ 8:31 - LAWA A BOO SONBORE 2011

³¹ Zuifun mɛnɛn nə golee Yezu li, á tɔ́n pɛ bɛn lɛn manɛ: «Bɛ̀ ka lɛ kɔ ka masɛ a boo si, ka ǹ maa kialandɛnan lɛa taãn-taãnɛ.

LAWA A BOO SONBORE

³¹ Zuifun mɛnɛn nə golee Yezu li, á tɔ́n pɛ bɛn lɛn manɛ: «Bɛ̀ ka lɛ kɔ ka masɛ a boo si, ka ǹ maa kialandɛnan lɛa taãn-taãnɛ.

Zaã a sɛ́wɔ 8:31 ပူးပေါင်းရင်းမြစ်များ

Matiə 24:13

Sɛnɛ, bɛ̀ min mɛn si a ganaa yǎa a woo kaa a giala-nyɔmiɛ̃ lɛ, bɛa dɛnaa á die kirisibiɛ.

Zaã a sɛ́wɔ 1:47

Yezu ga Natanayeli ganaa die a li, á tɔ́n pɛ a wɔ gɔn la: «Izirayeli min taãn goon nə́ ke, kɔkɔrɔbaa ná a ba a wɔlɔ li wa.»

Zaã a sɛ́wɔ 2:2

ǹ nə́ lɛ dia Yezu dɔ laanka a kialandɛnan la, mà ǹ da kɔn-wɔ lɛ ganaa.

Zaã a sɛ́wɔ 6:55

A giala, masɛ gɔ̀nɔn siĩ lɛ n màn-bii taãn lɛa, ma mà lɛ n mi ǹ màn taãn lɛa.

Zaã a sɛ́wɔ 8:36

Bɛ̀ masɛ Lawa a Nɛgiĩ ka si ma ka kaa, ka á re goɛ̃ tá ma din gɔn wìi a lɛa wole taãnan lɛa.

Nya ǹ dín 13:43

Lɛsɔkɔn lɛ kio, Zuifun ni ka tɔrɔ kɔsɔn mɛnɛn nə wɔ Zuifubaa nɛ, bɛn gigiã kɔ Pooli laanka Barnabaasi lɛ. Ǹ bɛ́ sùn biɛ kunun ǹ ni, Pooli laanka Barnabaasi nə́ ǹ foo taã, mà ǹ goã golee Lawa li kɛ gɔ́ɔ̃ nɛ, Lawa din nə ǹ mɛn kɔ ka a bǐɛ̃baa barka nɛ.

Nya ǹ dín 14:22

Ǹ nə́ Lawa-nyankɔlen foo taã bɛa kiwin lɛn nɛ, ǹ nə́ ǹ nyankɔ mà ǹ nə n doa ǹ wo nyɛɛnɛ golee Lawa li gɔ́ɔ̃ nɛ. Ǹ nə́ pɛ ǹ nɛ, mà ǹsɛn doamaa nɛ ǹ nɔmaa gigiã bii wɔsɔ ǹ kiɛ̃, ǹ tɔn wɔ Lawa kiibaa ǹ bǎã lɛ nɛ.

Nya ǹ dín 26:22

Sɛnɛ, Lawa a dɔmalɛ barka nɛ, ma yii goã koo á daa dɔ pelo ganaa, man siére biɛ pàãdɛnaa dadaran laanka a bɔnboɛɛnɛn yɔrɔ-a. Lawa a boo gii-dalin nə goã ǹ nə́ màn mɛn pɛ lɛlɛ-lɛlɛ, mà á re n zɛnɛɛ, ma bie kɔsɔ pii á kiɛ̃ bɛ lɛ la wa.

Rɔmu minin 11:22

N yiri kɔ sii màn paa kɛ li: Lawa a bǐɛ̃baa kɛ laanka a kakaarɛbaa kɛ nɛ. A n kakaarɛ a piãman wolen ganaa, a n bǐɛ̃ zɛnɛɛ nsɛ dɔ nɛ. Sɛnɛ, yǎa n goɛ̃ bɛa bǐɛ̃ kɛ lɛ nɛ, bɛ bie wa, á re n dɔ kuri a n daa.

Rɔmu minin 2:7

A n die nyin nyabaã koe ǹ tɛnɛn la, min mɛnɛn bɛ́, ǹ nə́ n dinin kɔ sii bǐɛ̃ zɛnaa la biikoo tumaa waáraa, mà Lawa gugurubaa laanka tɔ sonbore kɔ ǹsɛn la, ǹ yii goã koo miɛ̃ yǎa duduu.

Kolɔɔsi minin 1:23

Sii goon dinsɔɔ̃ n ke, ka doamaa-n ka goã doa-n golee Lawa li gɔ́ɔ̃ nɛ, ka baran toa min ka na, a ka bɔ kaa foo-doa kɛ ganaa wa, ka foo-doa mɛn lɛ yɛ Boo Tii Kɔɔ̃n kɛ a miɛ gɔ́ɔ̃ nɛ. Bɛa Boo Tii Kɔɔ̃n kɛ lɛ, á n pɛ kanaa min din tumaa nɛ, Lawa na á masɛ Pooli dia bɛ lɛ nyɛɛ.

Timote1 2:15

Sɛnɛ, a nɛn danbaa taman yii, lɔ á die kirisibiɛ, bɛ̀ á sii si a ganaa á goã goleemali gɔ́ɔ̃ nɛ, ka kɔn-narɛɛ laanka *yoreenbaa nɛ, ka din-gisiĩ ni.

Timote1 4:16

N yiri kɔ n din laanka n minin daraa li. Sii si n ganaa a gɔ́ɔ̃ nɛ. Bɛ̀ n zɛnaa miɛ̃, n tá re n dinmaa kirisibiɛ. Min mɛnɛn dɔn bɛ́ n too koe n lon, n tá re bɛn dɔn kirisibiɛ.

Timote2 3:14

Sɛnɛ nsɛ, n bɛ́ n nə́ n daraa màn mɛn ganaa, ń si taãn lɛa, toa n bɛ kũ doɛ̃. Min mɛnɛn nə n daraa a ganaa, n tá ǹ dɛnan doɛ̃.

Ebrəə 3:14

Sonbore ne, wɔ ǹ wɔ́ n baa Krita a koakun wolen lɛa, wɔ goleemali mɛn wɔ a giala-koe li, bɛ̀ wɔ́ bɛ tamaa yǎa á woo kaa a giala-nyɔmiɛ lɛ.

Ebrəə 8:9

Bɛa lɛ kɔ kɔn la dii kɛ lɛ a re goɛ̃ ka a zizi kɛ bɛ́ lɔn wa, ma a zizi mɛn wɔ ka ǹ digolon ne, bɛ̀ ma bɛ́ má soo ǹ ne, má ǹ bɔ bɛ̀rɛbaa nɛ Ezipti gána nɛ. Ǹ dinin man nə́ maa lɛ kɔ kɔn la kɛ lɛ ziziɛ̃, bɛ lɛ nɛ, ma dɔ́ tɔ́n nə ǹ toa walan.

Zaaki 1:25

Sɛnɛ, bɛ̀ min mɛn nə́ n yii wɔ Lawa a minin doroo ǹ boo lɛ piɛ̃ kɛ-n taãn-taãnɛ, bɛ mɛn bɛ́ wɔ boe sii ni, bɛ̀ n dɛnaa nə́ n doa a ganaa ka a parsiini, a bɛ́ boo mɛn miɛ, bɛ̀ a yiri á goɛ̃ bɛ nɛ, á n tɔ we á kɔnpii ni, Lawa á die barka we bɛa dɛnaa nɛ a nya ǹ dín gɔ́ɔ̃ nɛ.

Zaã1 2:19

Bɛa minin kɛn lɛn man nə́ soo wɔ dinin li, sɛnɛ ǹ bie ǹ nə́ goã wɔa wɔn lɛa wa. Taãn nɛ, bɛ̀ maǹ nə́ goã wɔa wɔn lɛa, bɛ̀ ǹ nə́ goã kun ka wɔ nɛ. Sɛnɛ, ǹ na a bɔ wɔ ganaa kɛ lɛ na á nyaa foaãnɛ, mà ǹ kɔ́n ba wɔa wɔ lɛa sonbore wa.

Zaã1 2:24

Kasɛn wɔ paǹ li, a saa giala-kɔ waáraa ganaa, boo mɛn nə n da, ká ma, ka toa bɛ goã ka foo ne. Boo mɛn nə n da, ká ma a saa giala-kɔ waáraa ganaa, bɛ̀ bɛ́ goã ka foo ne, ka dɔn tá re goɛ̃ kun ka Nɛgiĩ laanka Díi ni.

Zaã2 1:9

Daraa mɛn bɛ́ n we Krita wɔ gɔn la, bɛ̀ min woo min soo á n bɔ bɛ nɛ, á woo para li, Lawa a kun ni wa. Min mɛn bɛ́ goɛ̃ bɛa daraa kɛ gɔ́ɔ̃ nɛ, Díi Lawa laanka a Nɛgiĩ tá kun ka bɛa dɛnaa nɛ.

Samayeli1 12:14

Bɛ̀ ka tá nyɛ́ɛ biɛ Dɛnaa Lawa yii ni, ka tá a guguru koe, ka tá n too koe a lon, ka n ka a n piɛ̃ ka a boo-n wa, bɛ n die toɛ, ka dinin ni, ka kii mɛn bɛ́ ka mìi la, ka kɔn wɔ ma ka kaa Lawa, Dɛnaa Lawa lɛ nɛ.