Zaã a sɛ́wɔ 7:37 - LAWA A BOO SONBORE 2011

³⁷ Zɔ́n lɛ a nya pinaa, a din pinaa lɛ dɔ n zɔ́n lɛ a kɔɔ̃nbaa pinaa lɛa, Yezu yoo á golee lon á pɛ ka lɛn gole-n kɛnɛn: «Bɛ̀ mu boro tá min mɛn ganaa, ǹ dɛnaa da masɛ li a mu mi.

LAWA A BOO SONBORE

³⁷ Zɔ́n lɛ a nya pinaa, a din pinaa lɛ dɔ n zɔ́n lɛ a kɔɔ̃nbaa pinaa lɛa, Yezu yoo á golee lon á pɛ ka lɛn gole-n kɛnɛn: «Bɛ̀ mu boro tá min mɛn ganaa, ǹ dɛnaa da masɛ li a mu mi.

Zaã a sɛ́wɔ 7:37 ပူးပေါင်းရင်းမြစ်များ

Nehemii 8:18

A saa zɔ́n lɛ a giala-kɔ pinaa ganaa, Lawa dí-pɛn sɛ́wɔ lɛ na á goã n pii, baraabaraa yǎa zɔ́n lɛ a nya pinaa. Maǹ nə́ zɔ́n lɛ zɛnaa lɛawaa sɔbaa, a lɛawaa kiwisibaa ǹ wɔ pinaa, a kɔnpɛ ka a yɔrɔ bɔ ǹ gɔn nɛ, ǹ nə́ n sɔkɔn ǹ nə́ zɔ́n lɛ a zɛnaa gɔn nyɔmɔ.

Loen 143:6

Ma gɔn nə n din la, ma tá n nyankoe. N sii n ma ganaa, ka mu boro bɛ́ tán gere kuĩ lɔn. *Doa

Loen 42:2

Ee Lawa, mu boro bɛ́ yuùn kuĩ lɔn, n dɔ sii n masɛ kuĩ miɛ̃.

Loen 63:1

Davida a loe, bɛ̀ a bɛ́ don sabii Zudaa gána nɛ.

Suusun 1:20

Sii-dɔ̃li nə n lɛ dii zii la. Bǎã dadaran nɛ, a n boo diɛ ka lɛn gole ne.

Suusun 8:1

Sii-doɛ̃ n lɛ dia we, yiridɛnaabaa nə n lɛn siɛ lɔn. Ka a miɛ̃ wa?

Suusun 8:17

Min mɛnɛn bɛ́ ma narɛɛ, ma dɔ n bɛn narɛ. Min mɛnɛn bɛ́ giɛ ma li, ǹ ba foɛ̃ ma li wa.

Suusun 8:3

A nə n lɛ dii kunu kiɛnlɛn ganaa, kiwi lɛ a wɔ ǹ bǎãn nɛ, ka kiɛ̃ ǹ bǎãn nɛ.

Suusun 9:3

A ná a lɔ dí-nyalin dia woe lɛ diɛ kiwi lɛ a bǎã dadaran nɛ. Maǹ parɛɛ ǹ nə́ pii:

Loe kɔɔ̃n kɔɔ̃n 5:1

Haya le! Mianɛn, maa nɛniɛ, má daa wɔ maa dù gɔrɔ lɛ nɛ, man die maa *miíri nyɔɔ gìĩ kɔɔ̃nɔn sɔlɛɛ, man die maa zoo nyɔɔ kɔɔ̃n bii, man die maa duvɛ̃ laanka maa bɔ̀nyaa mii. Maa giaáran lɛn, ka màn bii, maa giaáran lɛn, ka màn mi, ka mi, a wɔ ka yii ni.

Izayii 12:3

Ka á re mu sii ka foo kɔɔ̃nbaa nɛ kirisibaa ǹ mu yalan lɛ-a.

Izayii 40:2

Ka Zeruzalɛmu foo taã, ka pɛ nɛ ka lɛn gole ne, mà a bɛ̀rɛbaa ǹ dí lɛ nya, mà a siɛ̃n lɛn dɔlɔ nya. A giala Dɛnaa Lawa da a sii baraan lɛn tumaa a dɔlɔ saraa ganaa.

Izayii 40:6

Min goon pɛ: «N lɛ dɛ!» Min kɔsɔ nɔ̀n da: «Man lɛ dɛ ka wàa n nɛ?» Á ma lɛ si: «Minbuiin nɛn man ka buu bɛ́ lɔn. Ǹ ba kaka ǹ nə́ la wuru gɔ́ɔ̃ nɛ ǹ buu-n wa.

Izayii 44:3

Taãn nɛ, mu boro bɛ́ tán mɛn ganaa, ma á re toɛ mu baa si bɛ la, tà baa si tán gere la. Ma á re ma yiri gisĩ n nɛnyaanan la, ma barka da n nɔ̀ɔ fulupaa ganaa.

Izayii 55:1

«Mu boro bɛ́ kasɛn mɛnɛn tumaa ganaa, ka daa! Mu á ke! Ka daa, ta wɔrɔ ba ka lon wa! Ka màn-bii pii ka bii, kooro ne! Ka daa, ta wɔrɔ ba ka lon wa, ka duvɛ̃ laanka bɔ̀nyaa pii!

Izayii 55:3

Ka n too da, ka da ma li. Ka n too kɔ, ka yii á re goɛ̃ koo.» Dɛnaa Lawa pɛ: «Ma á re lɛ kɔ kɔn la we ka ka nɛ yǎa duduu, man lɛ kɔ ka ǹ mɛn lɛ nɛ Davida la, maa bɔlɔgoondɛnaabaa gɔ́ɔ̃ nɛ.

Izayii 58:1

Dɛnaa Lawa pɛ: Paraa ka lɛn gole ne, n nyan nə n lɛ tã wa. Toa n lɛn nə bɔ ka bɛn wɔ bɛ́ lɔn! Maa zaman lɛ a sii baraan pɛ ǹ nɛ, n Zakɔba tɔrɔn siɛ̃n pɛ ǹ nɛ.

Zeremii 16:19

Dɛnaa Lawa, n din nə ma pàã lɛa. N nə n ma tamɛɛ ka n pàã gole kɛ nɛ. Koe biikoo li, n din nə maa duru ǹ bǎã lɛa. Tɔrɔn tá re boe kanaa lɛ dan ganaa, ǹ da n li, ǹ pɛ: «Wɔ digolon man nə́ soɛ dinsɔɔ̃ ma, sii kooron mɛnɛn bɛ́ là ba ǹ ganaa wa.

Zeremii 2:2

Wo pɛ Zeruzalɛmu ni: Dɛnaa Lawa a boo á ke: Ma yiri tá n tenmaa waáraa kɛ nɛ. N nə́ n goã doa-n ma-a. N goã ma narɛ san wɔ baa nɛ. N goã koe ma lɛ diə gole ne, bǎã mɛn bɛ́ màn kɔn ná a boe a-n wa.

Ezekieli 47:9

Bɛa biikoo li, màn yiikoonaa mɛn tumaa bɛ́ bìn diɛ, mu lɛ bɛ́ re kiɛ bǎã woo bǎã nɛ, bɛn tá re ǹ yiikoonaabaa zɛnɛɛ walan. Bɛ̀ á n baa miɛ̃, zɔ̀ á re mɔnɛɛ parsiini, a giala, mu lɛ bɛ́ re kiɛ yìsi mu lɛ li, a n die bɔyɛɛ a baa mu sonbore lɛa. Mu lɛ bɛ́ re doe bǎã woo bǎã nɛ, yiikoonaabaa á yii walan.

Lawa a wúlu-bɔlen 23:36

Lɛawaa sɔbaa lɛ gɔ́ɔ̃ nɛ, ka wúlu mànan tã masɛ Dɛnaa Lawa wɔ lɛa babaraa. A lɛawaa kiwisibaa ǹ wɔ pinaa, ka n lɛ sɔkɔn ka masɛ guguru kɔ, ka wusoo ka wúlu mànan tã masɛ wɔ lɛa doo. Zɔ́n lɛ a nya pinaa n ka bɛ nɛ. Ka bɛ́ dín mɛnɛn nyɛɛ babaraa, ka nyan toa ka bɛ kɔn nya bɛa pinaa wa.

Lawa a wúlu-bɔlen 23:39

Mui sɔbaabaa ǹ wɔ a lɛawaa fulusoorobaa ǹ wɔ pinaa, bɛ á die yiɛ, bɛ̀ ǹ nə́ kaa piɛ. Ka a giala kɔ bɛ lɛ a pinaa, ka zɔ́n zɛnaa ka masɛ tɔ bɔ nɛ, yǎa lɛawaa sɔbaa. A lɛawaa bibinaa laanka a kiwisibaa ǹ wɔ kɛ n susui pinaa lɛa.

Misee 6:9

Dɛnaa Lawa lɛ á boe kiwi lɛ gialaa. Min mɛnɛn bɛ́ nyɛ́ɛ biɛ nɛ, á die bɛn kirisibiɛ. Dɔlɔ mɛn nə n da ka mìi ni, ka n yii da bɛ la. Min mɛn dɔ da ka mìi ni, ka n too kɔ bɛ lon.

Zakarii 9:15

Dɛnaa Lawa Pàãyiidɛnaa á re a zaman tamɛɛ. Ǹ tá re boe ǹ zɔ́ɔn la, ǹ nə ǹ baragii kɔlɔn yɔyɔrɛ. Ǹ tá re màn mii, ǹ bìn diɛ gole wɔ ka yɔ bɛ min yii ganaa lɔn. Ǹ tá re piɛ̃ ka *wúlu màn mà bɛ́ lɔn paan nɛ, hinlaa ka mà mɛn bɛ́ ǹ kaa *wúlu bɔ ǹ bǎã karan ganaa.

Minin nimi 29:35

Zɔ́n lɛ a lɛawaa kiwisibaa ǹ wɔ pinaa nə n biɛ a nya lɛa, ka baran n gɔn da dí kaka kɔn ganaa wa.

Matiə 11:28

Ka mɛnɛn tumaa bɛ́ nɔmaa nɛ guĩ giulun, ka da ma li, ma á die susui koe ka la.

Matiə 3:3

Lawa a boo gii-dali Izayii boo da min mɛn wɔ gɔn la, Zaã din ni. A na á pɛ: «Min a lɛ-dia bɔ diə gɔ́ɔ̃ nɛ á pɛ: Ka Dɛnaa a zii zɛnaa. Ka zii telee sonboren zɛnaa nɛ!»

Matiə 5:6

Min mɛnɛn bɛ́ peperebaa boro laanka bòo nə́ ǹ ganaa Lawa á re barka diɛ bɛa dɛnan ganaa, a giala Lawa á die toɛ ǹ kã.

Zaã a sɛ́wɔ 1:23

Zaã tɔ́n pɛ ǹ nɛ: «Min mɛn bɛ́ n lɛ dii diə gole ne mà ǹ zii pepere zɛnaa ǹ koa wɔa Dɛnaa nɛ, ka Lawa a boo gii-dali Izayii bɛ́ á pɛ lɔn, masɛ din ni.»

Zaã a sɛ́wɔ 14:6

Yezu pɛ nɛ: «Masɛ din nə zii lɛa, sonbore lɛa, yiikoonaabaa lɛa. Min kɔ́n ba woe Díi Lawa li, bɛ̀ a ná a kɔ masɛ lɛ wa.

Zaã a sɛ́wɔ 4:10

Yezu tɔ́n pɛ nɛ: «Bɛ̀ ma n Lawa a minin gɔ ǹ màn kɛ doɛ̃, ka masɛ mɛn dɔ bɛ́ má pɛ n nɛ máa n mu kɔ ma mi, bɛ̀ n din kɛ lɛ n die nɔ̀n diɛ masɛ la ka mu ni; bɛ̀ man die mu koe n la n mi, mu mɛn bɛ́ yiikoonaabaa koe min la.»

Zaã a sɛ́wɔ 4:11

Lɔ lɛ tɔ́n pɛ Yezu ni: «Dɛnaa, biɛ ba ma gɔn wa, tù lɛ dɔ n zuzulu; ma n die boe ka bɛa yiikoonaabaa ǹ mu lɛ-n maa?

Zaã a sɛ́wɔ 4:14

sɛnɛ, masɛ bɛ́ re mu koe min mɛn la a mi, mu boro a bɛa dɛnaa kuĩ doo duduu wa. Ma bɛ́ re mu mɛn koe la a mi, bɛ lɛ n die n biɛ ka mu yala bɛ́ lɔn, nyin nyabaã n boe a nɛ.»

Zaã a sɛ́wɔ 5:40

sɛnɛ, ka a lɛ koe dɔn ka n die masɛ li, màn mɛn bɛ́ toɛ, ka nyin nyabaã yɛ wa.

Zaã a sɛ́wɔ 6:35

Yezu mà ǹ ganaa: «Masɛ din nə yiikoonaabaa kɔ ǹ buuru lɛa. Bɛ̀ min mɛn daa masɛ li, bòo ba re bɛa dɛnaa kuĩ duduu wa, bɛ̀ min mɛn golee masɛ li, mu boro a re bɛa dɛnaa kuĩ doo duduu wa.

Zaã a sɛ́wɔ 6:37

Maa Díi bɛ́ min mɛn tumaa koe masɛ la, bɛn tá re die ma li, bɛ̀ min mɛn dɔ daa ma li, ma a re bɛ kɔ́n lui wa.

Zaã a sɛ́wɔ 6:55

A giala, masɛ gɔ̀nɔn siĩ lɛ n màn-bii taãn lɛa, ma mà lɛ n mi ǹ màn taãn lɛa.

Zaã a sɛ́wɔ 7:28

Yezu bɛ́ minin darɛɛ Lawa a kion, á n lɛn saa lon á pɛ: «Táa ka tá masɛ doɛ̃! Táa ka tá maa bɔ ǹ bǎã doɛ̃! Masɛ bie má daa ma din li wa. Sɛnɛ, min mɛn masɛ dia, sonbore-pɛle ne, ǹ mɛn lɛ bɛ́ ka a doɛ̃ wa.

Korɛnti1 10:21

Ka a boe la ka màn mi ka Dɛnaa a paan nɛ, ka wusoo ka màn mi yiri baraan paan nɛ wa. Ka a boe la ka màn bii Dɛnaa a kùnu ni, ka wusoo ka màn bii yiri baraan dɔn kùnu-n wa.

Korɛnti1 10:4

mu mɛn dɔ bɔ Lawa li, ǹ tumaa bɛ dɔ mi kun. A giala, kɔlɔ na á bɔ Lawa li, a nə́ ǹ diɛ zii, ǹ nə́ mu mii a nɛ. Bɛa kɔlɔ kɛ lɛ, *Krita nɛ.

Korɛnti1 11:25

A din yii goon ne, ǹ bɛ́ ǹ nə́ màn bii ǹ nə́ nya, á paan saa á pɛ: «Paan ke, masɛ din mà na a nɛ, a n lɛ kɔ kɔn la dii lɛa. Bɛ̀ ka á mii lɔn, ka n yiri koa ka masɛ din ni.»

Korɛnti1 12:13

A giala, *batɛmu na á n da wɔ tumaa ganaa ka Yiri Fu goon ne. Bɛ na á toa wɔ́ tɔ́n gɔ̀nɔn goon baa, ta Zuifu ni, ta Grɛki ni, ta bɛ̀rɛ nɛ, ta tá ma din gɔn wìi a lɛa wole ne. Wɔ tumaa-n wɔ́ wɔa wɔ gii yɛ a din Yiri Fu goon kɛ lɛ nɛ.

Efɛɛzi minin 5:18

Ka baran duvɛ̃ mi a yoo ka yii-a wa, bɛ á re toɛ ka sii lɔlɔkɔn. Sɛnɛ, ka toa ka pã ka Yiri Fu ni.

Sii-nyaan 21:6

Á tɔ́n pɛ doo kəni: «Màn tumaa nə́ n zɛnaa. Masɛ din nə bibinaa lɛa, masɛ din nə giala-nyɔmɔɔ dɔ lɛa, giala-kɔ nɛ ká a nya ǹ bǎã nɛ. Bɛ̀ mu boro tá min mɛn ganaa, mu mɛn bɛ́ yiikoonaabaa ǹ mu yala-n, masɛ á re bɛ koe la a mi kooro.

Sii-nyaan 22:1

Lon a dia dí-a wole lɛ tɔn yiikoonaabaa ǹ tà mu lɛ nyaa ma nɛ, tɛ pii ka gɛ̀fu mɛn bɛ́ yii n wɔlɔ yii a nɛ. Bɛa mu lɛ na á goã soe Lawa laanka Sère Nɛ a kii dankan paǹ li.

Sii-nyaan 22:17

Yiri Fu ni ka Lawa a sɔmɔ minin ni bɛn man pii: «Daa.» Min mɛn dɔ too bɛ́ á ma, a dɔ́ pɛ: «Daa.» Mu boro bɛ́ min mɛnɛn ganaa ǹ dɔn nə daa, bɛ̀ ǹ mɛn tá giɛ yiikoonaabaa ǹ mu li, a yɛ kooro.