Zaã a sɛ́wɔ 7:33 - LAWA A BOO SONBORE 2011

³³ Yezu tɔ́n pɛ: «Masɛ n kun ka nɛ biikoo boɛɛn gɔ́ɔ̃ nɛ, bɛ kio, min mɛn ma dia, ma á die wusii ma wo bɛ li.

LAWA A BOO SONBORE

³³ Yezu tɔ́n pɛ: «Masɛ n kun ka nɛ biikoo boɛɛn gɔ́ɔ̃ nɛ, bɛ kio, min mɛn ma dia, ma á die wusii ma wo bɛ li.

Zaã a sɛ́wɔ 7:33 ပူးပေါင်းရင်းမြစ်များ

Marki 16:19

Wɔa Dɛnaa Yezu bɛ́ á boo da á nya ǹ mɛn waáraa, Lawa saa á woo-n lon ne, á woo giã a din gusin.

Zaã a sɛ́wɔ 13:1

*Kiɛ̃mala ǹ zɔ́n laan bɛ̀ á dɔ, Yezu dɔ̃ mà asɛ a biikoo dɔ, a n bɔ kanaa kɛ gɔ́ɔ̃ nɛ, a wo ǹ Di Lawa li. A goã a wɔn mɛnɛn lɛn narɛ kanaa lɛ gɔ́ɔ̃ nɛ biikoo tumaa waáraa, á wusoo á bɛn narɛ doo yǎa a dan ganaa.

Zaã a sɛ́wɔ 13:3

Yezu dinmaa lɛ á doɛ̃ sɛn, mà asɛ a Díi na á sii din tumaa a pàã kɔ asɛ la. Á doɛ̃ mà asɛ na á bɔ Lawa li á daa, mà asɛ n wusii á woe Lawa li.

Zaã a sɛ́wɔ 13:33

Maa wɔn lɛn, man kun ka nɛ biikoo boɛɛn dinsɔɔ̃ gɔ́ɔ̃ nɛ. Ka tá re giɛ masɛ li; sɛnɛ, ma màn mɛn pɛ Zuifun manɛ, man bɛ lɛ pii ka dɔn man sisia: Ma bɛ́ woe bǎã mɛn nɛ, ka a boe la ka wo walan wa.

Zaã a sɛ́wɔ 14:12

Man taãn pii ka nɛ, bɛ̀ min mɛn nə́ golee masɛ li, ma bɛ́ siin mɛnɛn zɛnɛɛ, ǹ dɛnaa dɔ á die bɛn miãn zɛnɛɛ. A tá re mànan dinin zɛnɛɛ ǹ la bɛn manɛ, a giala, masɛ n woe maa Díi li.

Zaã a sɛ́wɔ 14:19

Kànaa ka boɛɛn, kanaa minin ba re masɛ yii doo wa, sɛnɛ, kasɛn tá re ma yii ma yii n koo, ka dɔn yii á re goɛ̃ koo.

Zaã a sɛ́wɔ 14:28

Ma bɛ́ má pɛ ka nɛ máa man woe, ma wusoo man bɔyaa ma da ka li, ka bɛ́ ka ma. Bɛ̀ ka tá ma narɛ, ka tá re n nyɛnyɛɛ masɛ a wo maa Díi li lɛ taman yii, a giala, maa Díi á gole á la masɛ nɛ.

Zaã a sɛ́wɔ 16:10

Á peperebaa nyɛɛ ǹ nɛ, a giala, masɛ n woe maa Díi li, ka a re ma yii doo wa.

Zaã a sɛ́wɔ 16:28

Man má bɔ maa Díi li má daa kanaa gɔ́ɔ̃ nɛ. Sisia, ma nə n boe kanaa gɔ́ɔ̃ nɛ ma á woe maa Díi li.»

Zaã a sɛ́wɔ 16:5

Sɛnɛ, sisia, min mɛn ma dia, man wusii ma á woe bɛ lɛ li. Ka kɔ́n dɔ a nɔ̀n diɛ ma la mà man woe maa wa.

Zaã a sɛ́wɔ 17:11

Kɛ kio, masɛ a re goɛ̃ kanaa kɛ-n doo wa; ǹsɛn tá re goɛ̃ kanaa lɛ nɛ, sɛnɛ, man woe n din li. Maa Díi Sonbore, n din pàã mɛn kɔ masɛ la, ǹ tamaa ka bɛ lɛ nɛ, màn mɛn bɛ́ toɛ, ǹ dɔn nə goã goon ka wɔsɛn bɛ́ goon lɔn.

Zaã a sɛ́wɔ 17:13

Sisia, man woe n din li. Ma bɛ́ kanaa bɔrɔ, man boon kɛn pii ǹ ni, màn mɛn bɛ́ toɛ, nyɛnyɛɛ mɛn bɛ́ masɛ lon, bɛ lɛ-piɛ̃ yɛ ǹ dɔn lon.

Zaã a sɛ́wɔ 20:17

Yezu tɔ́n pɛ nɛ: «N baran n gɔn paraa masɛ ganaa wa! A giala, ma bie zii la woe maa Díi li bɔrɔ wa. Sɛnɛ, wo pɛ ma dɔɔ̃nɔn manɛ mà ma á re dii ma wo maa Díi li kəni, ǹ mɛn lɛ bɛ́ ka dɔn Díi lɛa, ma á re woe Lawa li kəni, ǹ mɛn lɛ bɛ́ ka dɔn Lawa lɛa.»

Zaã a sɛ́wɔ 9:4

Bɛ̀ lɛ̀ waa lɔn, dí-nyalin man nə ǹ dí nyɛɛ, bɛ̀ wɔlɔ baa tii. Wɔsɛn dɔn doamaa nɛ, wɔ masɛ a dia wole a dín nya miɛ̃. A giala, min kɔ́n ba re boe la a dí nya tèlò-n wa.