Zaã a sɛ́wɔ 6:68 - LAWA A BOO SONBORE 2011

⁶⁸ Simɔn Piɛrɛ tɔ́n a lɛ si: «Dɛnaa, wɔsɛn man die woe die li? Nyin nyabaã kɔ ǹ boon lɛn man nə n din gɔn.

LAWA A BOO SONBORE

⁶⁸ Simɔn Piɛrɛ tɔ́n a lɛ si: «Dɛnaa, wɔsɛn man die woe die li? Nyin nyabaã kɔ ǹ boon lɛn man nə n din gɔn.

Zaã a sɛ́wɔ 6:68 ပူးပေါင်းရင်းမြစ်များ

Loen 73:25

Maa min kɔsɔ banban lon wa, yǎa n din. Màn kɔsɔ a ma foo kɔɔ̃n koe tán la wa, yǎa n din.

Matiə 16:16

Simɔn mɛn tɔ bɛ́ Piɛrɛ, bɛ tɔ́n nə n toa: «Ma n Minin Nyin-sili lɛa, Lawa bɛ́ a pɛ mà asɛ á re ǹ mɛn lɛ diɛ, ma n Lawa yiikoonaa a Nɛ lɛa.»

Marki 8:29

Yezu tɔ́n nɔ̀n da ǹ la: «Ka dininmaan kɛn lɛn man pii mà die n ka masɛ nɛ?» Piɛrɛ tɔ́n pɛ nɛ: «Ma n Minin Nyin-sili lɛa, Lawa bɛ́ á pɛ mà asɛ á re ǹ mɛn lɛ diɛ.»

Luku 9:20

Yezu pɛ ǹ nɛ: «Ka dinin dɔn, ka n pii mà die n ka masɛ nɛ?» Piɛrɛ boo saa a ná a lɛ si: «Ma n Minin Nyin-sili lɛa, Lawa bɛ́ mà asɛ á re ǹ mɛn diɛ.»

Zaã a sɛ́wɔ 12:49

Ma bie má boo da ma din gɔn wìi a lɛa wa, sɛnɛ, maa Díi mɛn nə ma dia, bɛ màn mɛn pɛ ma nɛ, man bɛ lɛ pii, man minin darɛɛ bɛ lɛ ganaa.

Zaã a sɛ́wɔ 12:50

Ma á doɛ̃, máa a bɛ́ màn mɛn pii, bɛ lɛ n nyin nyabaã koe minbuiinin la. Bɛ lɛ nɛ, ma bɛ́ boo mɛn pii, maa Díi pɛ ma-n lɔn, ma dɔ n pii miɛ̃.»

Zaã a sɛ́wɔ 17:8

N boon mɛnɛn pɛ masɛ nɛ, man má bɛn lɛn pɛ ǹ nɛ, ǹ nə́ lɛ kɔ bɛa boon lɛn ganaa. Ǹ tá doɛ̃ taãn-taãnɛ, mà masɛ n má bɔ n din Lawa li, ǹ nə́ waa la dɔn, mà n din ni n má dia.

Zaã a sɛ́wɔ 5:24

Man taãn pii ka nɛ, bɛ̀ min mɛn nə́ n too kɔ masɛ a boo ganaa, á golee maa dia wole li, nyin nyabaã n bɛa dɛnaa wɔ lɛa. Kiri ba bɛa dɛnaa-a wa, sɛnɛ, bɛa dɛnaa na á soo gɛ̀ nɛ á wɔ yiikoonaabaa nɛ.

Zaã a sɛ́wɔ 6:40

Maa Díi foo sii lɛ n ke sonbore: Bɛ̀ min mɛn ná a Nɛgiĩ yɛ, yǎa a golee li, bɛa dɛnaa nyin nyabaã yɛ. Masɛ dɔ n die bɛa dɛnaa yii kiɛ kanaa a nya pinaa.»

Zaã a sɛ́wɔ 6:63

Lawa a Yiri Fu n yiikoonaabaa koe; minbuiin nɛ a boe la a sii kɔ́n bǐɛ̃ kɔ bɛ gɔ́ɔ̃-n wa. Ma boon mɛnɛn pɛ ka nɛ, maǹ boe Lawa a Yiri Fu ni, bɛa boon lɛn man yiikoonaabaa koe.

Nya ǹ dín 13:26

Pooli pɛ doo: – Dɔɔ̃nɔn lɛn, ta ka n Abrahamu tɔrɔn lɛa hinlaa ta ka n tɔrɔ kɔsɔn lɛa, ka n nyɛ́ɛ biɛ Lawa nɛ, kirisibaa ǹ boo kɛ na á n dia wɔsɛn tumaa wɔ lɛa.

Nya ǹ dín 4:12

Kirisibaa ba yii bǎã kɔn nɛ wa yǎa Yezu din ni. A giala, kanaa gɔ́ɔ̃ nɛ, bɛ̀ á n bɔ a din tɔ nɛ, Lawa tɔ kɔsɔ kɔ minbuiinin la, màn mɛn bɛ́ boe la a wɔ kirisibaa wa.

Nya ǹ dín 5:20

«Ka wo Lawa a kion, Yezu da ka yiikoonaabaa mɛn nɛ, ka bɛ boo da zaman nɛ.»

Nya ǹ dín 7:38

A din ni, zaman lɛ bɛ́ soe-n kɔn don bii ǹ mɛn waáraa, á golee wɔsɛn digolon lɛn laanka lon a dia dí-a wole lɛ bii ni, lon a dia dí-a wole mɛn bɛ́ á goã n toɛ Sinayii kele lɛ la a n boo diɛ nɛ. A din Muizu lɛ nɛ, sii-zɛnaan mɛnɛn bɛ́ wɔsɛn kiɛ yiikoonaabaa taãn-taãn kɛ nɛ, á bɛn boon si á ǹ kɔ wɔ la.

Nya ǹ dín 8:37

[Filipi pɛ nɛ: «Bɛ̀ ń golee Lawa li ka n foo din tumaa nɛ, n tá boe la n bɛa batɛmu lɛ yɛ.» Giĩ lɛ ná a lɛ si: «Masɛ golee li máa Yezu Krita lɛ n Lawa a Nɛgiĩ lɛa.»]