Zaã a sɛ́wɔ 6:37 - LAWA A BOO SONBORE 2011

³⁷ Maa Díi bɛ́ min mɛn tumaa koe masɛ la, bɛn tá re die ma li, bɛ̀ min mɛn dɔ daa ma li, ma a re bɛ kɔ́n lui wa.

LAWA A BOO SONBORE

³⁷ Maa Díi bɛ́ min mɛn tumaa koe masɛ la, bɛn tá re die ma li, bɛ̀ min mɛn dɔ daa ma li, ma a re bɛ kɔ́n lui wa.

Zaã a sɛ́wɔ 6:37 ပူးပေါင်းရင်းမြစ်များ

Loen 102:17

Dɛnaa Lawa bɛ́ re wusii a Zeruzalɛmu kiwi kɛ dɔ doo, a bɛ́ re wusii a n din nyaa foaãfoaã, a gugurubaa kɛ nɛ.

Loen 110:3

N zaman lɛ á die n din koe ka foo kɔɔ̃n nɛ, n zia-baalin lɛ sɔkɔn pinaa kɛ nɛ. Tɔntɔraan tá die n li, kele sonboren kɛn la, ǹ tumaa n bɔlɔbɔlɔ ka buu buruu bɛ́ lɔn.

Izayii 41:9

Man má woo ga n li kanaa lɛ dan ganaa, má lɛ dia n la gána sɔsɔɔn nɛ. Má pɛ n nɛ: Ma n maa dí-nyali lɛa, má n yii gɔgɔɔ̃, ma n toa walan wa.

Izayii 42:3

Buu mɛn nə n pusu, a re bɛ yiɛ wa. Tɛ buə̃ mɛn pàã puusə kɔ, a re bɛ nimi wa. Sɛnɛ, á re peperebaa nyɛɛ ka sonborebaa nɛ.

Izayii 55:7

Min baraan nə ǹ sii baraan kaa. Min mɛn bɛ́ baraa zɛnɛɛ, bɛa dɛnaa na a taasiɛ baraan kaa. Ǹ tumaa doamaa nɛ ǹ wusoo ǹ da Dɛnaa Lawa li. A giala, á re makara boe ǹ ganaa. Ǹ tumaa doamaa nɛ ǹ da wɔa Lawa li, a giala, a n sii baraan toɛ kooro.

Matiə 11:28

Ka mɛnɛn tumaa bɛ́ nɔmaa nɛ guĩ giulun, ka da ma li, ma á die susui koe ka la.

Matiə 24:24

A giala, min tɛn tá re die a soɛ kuru mà asɛ n Minin Nyin-sili lɛ lɛa, min tɛn dɔ á re die a soɛ kuru, mà asɛ n Lawa a boo gii-dali lɛa: Ǹ tá re sii a kɔnboe dadaran laanka kaãbaa ǹ sii kakan zɛnɛɛ ǹ minin yiri sã nɛ, bɛ̀ maǹ boe la dinin, maǹ Lawa a yii gɔgɔɔ̃ wolen kɛn lɛn yiri siɛ̃.

Zaã a sɛ́wɔ 17:11

Kɛ kio, masɛ a re goɛ̃ kanaa kɛ-n doo wa; ǹsɛn tá re goɛ̃ kanaa lɛ nɛ, sɛnɛ, man woe n din li. Maa Díi Sonbore, n din pàã mɛn kɔ masɛ la, ǹ tamaa ka bɛ lɛ nɛ, màn mɛn bɛ́ toɛ, ǹ dɔn nə goã goon ka wɔsɛn bɛ́ goon lɔn.

Zaã a sɛ́wɔ 17:2

N din nə́ n pàã kɔ masɛ la minbuiinin tumaa mìi la. A kɔnpɛ ka bɛ lɛ nɛ, n min mɛn tumaa kɔ masɛ la, má nyin nyabaã kɔ bɛn lɛn la.

Zaã a sɛ́wɔ 17:24

Maa Díi, n min mɛnɛn kɔ masɛ la, ma din bɛ́ re goɛ̃ bǎã mɛn nɛ, man giɛ li, ǹ dɔn nə goã walan kun ka masɛ nɛ. N din gugurubaa mɛn kɔ masɛ la, ǹ bɛ yɛ, a giala, ń masɛ narɛ, haalɛ bɛ̀ kanaa tɔn nə n zɛnaa wa.

Zaã a sɛ́wɔ 17:6

N min mɛnɛn bɔ kanaa lɛ gɔ́ɔ̃ nɛ, n nə́ ǹ kɔ masɛ la, má n tɔ nyaa bɛn manɛ. Maǹ nə́ goã n din wɔn lɛa, sɛnɛ, ma n nə́ ǹ kɔ masɛ la. Ǹ nə́ n boo si,

Zaã a sɛ́wɔ 6:39

A foo sii lɛ n ka kɛ nɛ: A min mɛnɛn kɔ masɛ la, ma nyan toa bɛn goon papaã wa, sɛnɛ, ma ǹ yii kaa kanaa a nya pinaa.

Zaã a sɛ́wɔ 6:65

Á tɔ́n wusoo á pɛ: «Bɛ lɛ na á toa má pɛ ka-n lɛn, máa min kɔ́n ba boe la a da masɛ li, bɛ̀ maa Díi na a pàã kɔ ǹ dɛnaa la wa.»

Zaã a sɛ́wɔ 9:34

Ǹ nə́ tɔ́n pɛ yii tere-a zizi lɛ nɛ: «Ma nə́ n yɛ sii baraa-zɛnaali lɛa, ma nə́ n daa wɔsɛn dɔn daraa a ganaa kəni!» Bɛ kio, ǹ nə́ loo ǹ nə́ bɔ lɛsɔkɔn kion lɛ nɛ.

Rɔmu minin 5:20

Dí-pɛn man nə́ daa, màn mɛn bɛ́ toɛ, sii baraa mɔnaa. Sɛnɛ, sii baraa bɛ́ á mɔnaa bǎã mɛn nɛ, Lawa a bǐɛ̃baa mɔnaa walan á la yii ni.

Filipi minin 1:29

A giala, Krita wɔ paǹ li, Lawa na á bǐɛ̃ zɛnaa ka nɛ mà ka dí nya nɛ goleemali gɔ́ɔ̃ nɛ. Bɛ din sɔɔ̃ bie wa, a n mà ka fuu dɔ yɛ a lɛa.

Timote1 1:16

Sɛnɛ, bɛ̀ Lawa makara bɔ masɛ sii baraa zɛnaali gole kɛ ganaa, a n li mà Yezu Krita na a sii simaa tumaa nyaa masɛ wɔ a paǹ li. A na á masɛ lɛ baa sii a kɔnboe lɛa, màn mɛn bɛ́ toɛ, min mɛnɛn bɛ́ re golee li, ǹ nyin nyabaã yɛ.

Timote2 2:19

Sɛnɛ, Lawa din kion giala mɛn daa, bɛ lɛ n goɛ̃. Boon kɛn man kiɛ̃ nɛ a ganaa gɔn bǎã lɛa kɛnɛn: «Dɛnaa din tá a wɔn doɛ̃.» Á n pɛ dɔn: «Min mɛn tumaa bɛ́ mà asɛ n Dɛnaa wɔ lɛa, bɛ nə n bɔ sii baraa wɔlɔ li.»

Ebrəə 4:15

Wúlu-bɔlen kiã mɛn bɛ́ a ba wɔa pàã wɛɛnaabaa doɛ̃ wa, bɛ bie wɔ lon wa. Wɔa wúlu-bɔlen kiã lɛ damagɔ́ɔ̃li ǹ siin fuu yɛ, yɔrɔ din tumaa la ka wɔ dɔn bɛ́ lɔn, sɛnɛ, asɛ sii baraa zɛnaa wa.

Ebrəə 7:25

Bɛ lɛ taman yii ni, min mɛnɛn bɛ́ n mɔrɛ Lawa ganaa a din barka nɛ, á boe la, a bɛn kirisibaa yǎa a giala-nyɔmiɛ ganaa, a giala, a dinmaa lɛ yii n koo yǎa duduu, á n Lawa nyankoe ǹ lɛa.

Zaã1 2:19

Bɛa minin kɛn lɛn man nə́ soo wɔ dinin li, sɛnɛ ǹ bie ǹ nə́ goã wɔa wɔn lɛa wa. Taãn nɛ, bɛ̀ maǹ nə́ goã wɔa wɔn lɛa, bɛ̀ ǹ nə́ goã kun ka wɔ nɛ. Sɛnɛ, ǹ na a bɔ wɔ ganaa kɛ lɛ na á nyaa foaãnɛ, mà ǹ kɔ́n ba wɔa wɔ lɛa sonbore wa.

Sii-nyaan 22:17

Yiri Fu ni ka Lawa a sɔmɔ minin ni bɛn man pii: «Daa.» Min mɛn dɔ too bɛ́ á ma, a dɔ́ pɛ: «Daa.» Mu boro bɛ́ min mɛnɛn ganaa ǹ dɔn nə daa, bɛ̀ ǹ mɛn tá giɛ yiikoonaabaa ǹ mu li, a yɛ kooro.