Zaã a sɛ́wɔ 6:27 - LAWA A BOO SONBORE 2011

²⁷ Màn-bii mɛn bɛ́ ziziɛ̃, ka baran dí nya bɛa lɛa wa, sɛnɛ, màn-bii mɛn bɛ́ beleboe, a n nyin nyabaã koe, ka dí nya bɛa lɛa. Bɛa màn-bii kɛ lɛ, Min a Nɛgiĩ n koe, a giala, Díi Lawa din na á boo sii la ǹ pàã kɔ la.»

LAWA A BOO SONBORE

²⁷ Màn-bii mɛn bɛ́ ziziɛ̃, ka baran dí nya bɛa lɛa wa, sɛnɛ, màn-bii mɛn bɛ́ beleboe, a n nyin nyabaã koe, ka dí nya bɛa lɛa. Bɛa màn-bii kɛ lɛ, Min a Nɛgiĩ n koe, a giala, Díi Lawa din na á boo sii la ǹ pàã kɔ la.»

Zaã a sɛ́wɔ 6:27 ပူးပေါင်းရင်းမြစ်များ

Loen 2:7

Dɛnaa Lawa golee boo mɛn la, man die bɛ lɛ pii. Dɛnaa Lawa pɛ ma-n kɛnɛn: Ma n maa nɛgiĩ lɛa, a kũ pelo ganaa, masɛ din ni n Díi lɛa.

Loen 40:7

N lɛ kɔ *wúlu màn laanka gɔ ǹ màn ganaa wa. Ń bɛ pɛ, á kaa ma too yala-n. N lɛ kɔ wúlu màn tiɛ̃ laanka sii baraa sawaa ǹ wúlu màn ganaa wa.

Suusun 9:5

«Ka da màn bii, ka duvɛ̃ mi.

Boo-laakalaali 6:7

Minbuiin nɛ a dí na a lɛ wɔ lɛa, sɛnɛ, a foo dɔ a nyɛɛ wa.

Izayii 42:1

«Maa dí-nyali á ke: Man kuĩ a gɔn ganaa. Má bɔ ka foo kɔɔ̃nbaa nɛ. Má n yiri da la, má a peperebaa nyaa tɔrɔn manɛ.

Izayii 55:2

Màn mɛn bɛ́ a min toe wa, a n siɛ lɔn ka á wɔrɔ ziziɛ̃ bɛ ganaa? Màn mɛn bɛ́ a min kiɛ̃ wa, a n siɛ lɔn ka á n dinin nɔmɛɛ bɛ taman yii? Ka n too kɔ ma lon taãnɛ. Ka bɛ nɛ, ka á re màn-bii sonbore yii ka bii, ka màn-bii kɔɔ̃n-kɔɔ̃n bii.

Zeremii 15:16

Bɛ̀ má n boo ma lɔn, man kuĩ parsiini. A n ma foo kɔɔ̃n koe, a ma foo basã. Taãn nɛ Dɛnaa Lawa Pàãyiidɛnaa, n din tɔ n ma la.

Abakuku 2:13

Á ke, minbuiin nɛn dí tumaa n die n gɔn nyɔmiɛ tɛ-n. Minbuiin nɛn man nɔmaa kooro we. Bɛ tumaa bie boe Dɛnaa Lawa Pàãyiidɛnaa din li wa?

Matiə 17:5

A bɛ́ bɛa boo lɛ diɛ, labara tɛ-pɛle goon nə́ n kuməə ǹ ganaa. Boo-diɛ lɛ bɔ bɛa labara lɛ gɔ́ɔ̃ nɛ á pɛ: «Kɛ n maa Nɛgiĩ lɛa, ma á narɛ parsiini, ma din ni má bɔ. Ka n too kɔ a lon!»

Matiə 25:46

Bǎã mɛn bɛ́ a nɔmaa ná a ba nyɛɛ wa, bɛn tá re woe walan, min peperen tá re nyin nyabaã yii.

Matiə 3:17

Boo-diɛ lɛn bɔ lon á pɛ: «Kɛ n maa Nɛgiĩ lɛa, ma á narɛ parsiini, ma din ni má bɔ.»

Matiə 6:19

Ka baran naforo lɛ sɔkɔn-a ka koa ka dinin manɛ kanaa wa. A giala, nimii laanka soe tá kanaa, ǹ tá basaã koe, wurumunun tá kiɛnlɛ yiɛ bɛ̀ ǹ mànan koã.

Matiə 8:20

Yezu tɔ́n pɛ nɛ: «Tolokan yalan tan, bàanan kii tan, sɛnɛ, bǎã kɔ́n ba Min a Nɛgiĩ lon á n mìi susui a-n wa.»

Marki 1:11

Boo-diɛ lɛn bɔ lon á pɛ: «Ma n maa Nɛgiĩ lɛa, ma á n narɛ parsiini, masɛ din ni má n bɔ.»

Marki 9:7

Labara goon bɔ á n kuməə ǹ ganaa. Lawa a boo-diɛ lɛ bɔ bɛa labara lɛ gɔ́ɔ̃ nɛ á pɛ: «Masɛ a Nɛgiĩ narɛ wole n ka kɛ nɛ, ka n too kɔ a lon!»

Luku 3:22

Yiri Fu gisĩ la, yii ná a ganaa ka zɛrɛkantoan bɛ́ lɔn. Ka bɛ dɔ nɛ, boo-diɛ lɛn bɔ lon á pɛ: «Kɛ n maa Nɛgiĩ lɛa, ma á narɛ parsiini, ma din ni má bɔ.»

Luku 9:35

Boo-diɛ bɔ bɛa labara lɛ-n kɛnɛn: «Kɛ n masɛ a Nɛgiĩ lɛa, ma bɛ́ má min mɛn yii gɔgɔɔ̃. Ka n too kɔ a lon.»

Zaã a sɛ́wɔ 10:28

Man nyin nyabaã koe ǹ la, ǹ ba re giɛ̃ duduu wa. Min kɔ́n dɔ a re boe la a ǹ kũ a ǹ si ma la wa.

Zaã a sɛ́wɔ 11:42

Ma á doɛ̃ parsiini máa n tá ma lɛ sii biikoo tumaa waáraa. Sɛnɛ, zaman mɛn bɛ́ ma lɛnpɛnɛ, man má kɛ pɛ bɛn taman yii, màn mɛn bɛ́ toɛ, ǹ waa la mà n din ni n ma dia.»

Zaã a sɛ́wɔ 14:6

Yezu pɛ nɛ: «Masɛ din nə zii lɛa, sonbore lɛa, yiikoonaabaa lɛa. Min kɔ́n ba woe Díi Lawa li, bɛ̀ a ná a kɔ masɛ lɛ wa.

Zaã a sɛ́wɔ 15:24

Siin mɛnɛn bɛ́ min kɔ́n din ná a tɔn nə ǹ miã zɛnaa duduu wa, bɛ̀ ma bie má bɛn zɛnaa ǹ bii kɛnɛn wa, bɛ̀ sii baraa ba ǹ mìi-n wa. Sɛnɛ, sisia, a laanɛ ǹ nə́ bɛa siin lɛn yɛ, maǹ wusii n tiɛ̃ la ǹ tá masɛ laanka maa Díi biɛ zɔ́ɔ.

Zaã a sɛ́wɔ 17:2

N din nə́ n pàã kɔ masɛ la minbuiinin tumaa mìi la. A kɔnpɛ ka bɛ lɛ nɛ, n min mɛn tumaa kɔ masɛ la, má nyin nyabaã kɔ bɛn lɛn la.

Zaã a sɛ́wɔ 3:15

màn mɛn bɛ́ toɛ, bɛ̀ min mɛn golee li, bɛa dɛnaa nyin nyabaã yɛ.

Zaã a sɛ́wɔ 3:33

Bɛ̀ min mɛn lɛ kɔ a boo ganaa, bɛa dɛnaa n nyɛɛ mà Lawa n sonbore-pɛle lɛa.

Zaã a sɛ́wɔ 6:40

Maa Díi foo sii lɛ n ke sonbore: Bɛ̀ min mɛn ná a Nɛgiĩ yɛ, yǎa a golee li, bɛa dɛnaa nyin nyabaã yɛ. Masɛ dɔ n die bɛa dɛnaa yii kiɛ kanaa a nya pinaa.»

Zaã a sɛ́wɔ 6:47

Masɛ n taãn pii ka nɛ, bɛ̀ min mɛn golee masɛ li, nyin nyabaã n bɛa dɛnaa wɔ lɛa.

Zaã a sɛ́wɔ 6:51

Masɛ n yiikoonaabaa kɔ ǹ buuru lɛa, á n toa lon á gisĩ tán. Min mɛn bɛ́ re bɛa buuru lɛ soɛ̃, bɛa dɛnaa n goɛ̃ a yii n koo yǎa duduu. Buuru mɛn dɔ bɛ́ masɛ á re koe, masɛ din gɔ̀nɔn siĩ ni, á n kɔ, màn mɛn bɛ́ toɛ, kanaa minin nə yiikoonaabaa yɛ.

Zaã a sɛ́wɔ 6:53

Yezu tɔ́n pɛ ǹ nɛ: «Man taãn pii ka nɛ: Bɛ̀ ka bie ka Min a Nɛgiĩ siĩ sɔ̃, ka a mà mi wa, ka a re yiikoonaabaa yii wa.

Zaã a sɛ́wɔ 6:54

Bɛ̀ min mɛn masɛ siĩ sɔ̃, á ma mà mi, nyin nyabaã n bɛa dɛnaa wɔ lɛa, ma á die bɛa dɛnaa yii kiɛ kanaa a nya pinaa.

Zaã a sɛ́wɔ 6:58

Buuru mɛn lɛ bɔ lon á daa, a din lɛ n ke. Bɛ̀ min mɛn bɛa buuru lɛ sɔ̃, bɛa dɛnaa yii á die goɛ̃ koo yǎa duduu. Ka digolon nə́ buuru tɔrɔ kɔ́n sɔ̃ lɛlɛ, sɛnɛ, ǹ nə́ gã. A laanka bɛa goon wa.»

Zaã a sɛ́wɔ 6:62

Bɛ̀ ka Min a Nɛgiĩ yɛ dii a lɛlɛ a giã ǹ bǎã-n dɔn, ka tɔn nə n baa lɔn?

Zaã a sɛ́wɔ 6:68

Simɔn Piɛrɛ tɔ́n a lɛ si: «Dɛnaa, wɔsɛn man die woe die li? Nyin nyabaã kɔ ǹ boon lɛn man nə n din gɔn.

Zaã a sɛ́wɔ 8:18

Masɛ n siére biɛ ma din wɔ gɔn la, maa Díi mɛn ma dia, bɛ dɔ n siére biɛ maa wɔ gɔn la.»

Nya ǹ dín 10:38

Ka á doɛ̃, mà Yezu mɛn bɛ́ boe Nazarɛti, mà Lawa na á bɔ, á Yiri Fu kɔ la parsiini, ka pàã dɔ nɛ. Á woo bǎã tumaa nɛ, á bǐɛ̃ zɛnaa. *Sɛtaan goã min mɛnɛn tumaa nɔmiɛ, á bɛn yii kaka kɔ, a giala, Lawa na á goã kun ni.

Nya ǹ dín 2:22

Piɛrɛ pɛ ǹ nɛ doo: – Izirayeli minin lɛn, masɛ bɛ́ re màn mɛn pii ka nɛ ka n too kɔ bɛ ganaa. Nazarɛtin Yezu lɛ, Lawa na á dia ka bii a din a dí a lɛa. Lawa na á bɛ nyaa ka nɛ, ká dɔ̃ kaãbaa ǹ sii laanka sii-nyaa ǹ sii dadara tɔrɔ tumaa li, Lawa din mànan mɛnɛn zɛnaa a gɔn. Ka dinin tumaa bɛ dɔ̃,

Rɔmu minin 4:11

Abrahamu na á kurii lɛ wɔ sii a kɔnboe lɛa. Bɛ n nyɛɛ mà a bɛ́ a tɔn nə n kuru dinin bɔrɔ wa, mà Lawa na á lɛ kɔ a ganaa min pepere lɛa, a goleemali a lɛa. Bɛa yɔrɔ kɛ lɛ la, kurii baãnaan mɛnɛn tumaa bɛ́ golee Lawa li, mà a lɛ kɔ ǹsɛn ganaa min peperen lɛa, Abrahamu na á bɛn tumaa a díi baa.

Rɔmu minin 6:23

Sii baraa a saraa n ka gɛ̀ nɛ. Sɛnɛ, Lawa din na á bǐɛ̃ zɛnaa wɔ nɛ kooro, bɛ n ka nyin nyabaã wole kɛ nɛ, wɔa tá kun Dɛnaa Yezu Krita-n gɔ́ɔ̃ nɛ.

Korɛnti1 6:13

Ka á pii doo: «Màn-bii n nɔ̀ wɔ lɛa, nɔ̀ dɔ n màn-bii wɔ lɛa.» Hiĩ, Lawa á re ǹ dinin paanan ziziɛ̃. Sɛnɛ, minbuiin gɔ̀nɔn bie á n zɛnaa din kũ doɛ̃baã siin lɛa wa. Gɔ̀nɔn nə Dɛnaa wɔ lɛa, Dɛnaa dɔ n gɔ̀nɔn wɔ lɛa.

Korɛnti1 9:2

Ta ma a dia dí-a wole lɛa min kɔsɔn yii li wa, ma tá a lɛa kasɛn kɔ́n yii li; a giala, kaa tá kun ka Dɛnaa-n lɛ, a n masɛ a dia dí-a wolebaa nyɛɛ.

Korɛnti2 4:18

A giala, yii bɛ́ màn mɛn yii, ma bie n yiri koɛ bɛ ganaa wa. Yii bɛ́ a ba ǹ mɛn yii wa, ma yiri n bɛ ganaa. Yii bɛ́ màn mɛn yii, bɛa beleboe taãn ma. Sɛnɛ, yii bɛ́ a ba màn mɛn yii wa, bɛ n beleboe yǎa duduu.

Galaasi minin 5:6

A giala, min mɛn bɛ́ Krita wɔ gɔ́ɔ̃ nɛ, kurii laanka kuriibaã a màn kɔ́n lɛa bɛa dɛnaa wɔ paǹ li wa. Màn mɛn bɛ́ màn lɛa, golee Yezu li ni, bɛ nə n nyaa ka miãn narɛɛ nɛ.

Timəə dí-pɛn 30:13

Ǹ bie yìsi mu kio wa. Bɛ̀ maǹ walan kɛnɛn, bɛ̀ min nə pii: «Die n die yìsi mu kuri, a wo ǹ too kɔ ǹ ganaa, a da ǹ pɛ wɔ nɛ, màn mɛn bɛ́ toɛ, wɔ kɔ ǹ lɛ?»

Filipi minin 2:13

A giala, Lawa á tɔn dí nyɛɛ ka nɛ, ka boo la ka pàã yɛ, ka lɛ kɔ ka sii zɛnaa, a kɔnpɛ ka a din a dí yɔrɔ bɔ kɛ nɛ.

Kolɔɔsi minin 1:29

Maa doa parsiini lɛ mìi n ka bɛ nɛ. Ma bɛ́ dí mɛn dɔ nyɛɛ ka Krita pàã kɛ nɛ, a nə́ n doe ma lɛ taãn-taãnɛ, bɛ lɛ dɔ mìi n ka bɛ nɛ.

Kolɔɔsi minin 2:22

Bɛa boon kɛn lɛn bɛ́ n diɛ mànan mɛnɛn tumaa wɔ gɔn la, bɛ̀ ǹ tá dí nyɛɛ ǹ nɛ, bɛn tumaa n ziziɛ̃. Bɛa boon kɛn lɛn man minbuiinin dí-pɛn lɛa ka ǹ daraan nɛ.

Kolɔɔsi minin 3:2

Ka n taasɛ lon mànan ganaa, ka baran n taasɛ tán wɔn ganaa wa.

Tesaloniki1 1:3

Ka golee Lawa li mɛn nyaa ka kaa nya ǹ dín ni, ka sii mɛn da ka dinin mìi ni kaa Krita narɛɛ taman yii, ka bɛ́ n foo doɛ, ka á n yii diɛ wɔa Dɛnaa Yezu Krita a daa la lɔn, wɔ n bɛ yii pii wɔ Di Lawa yɔrɔ-a biikoo tumaa li.

Timote2 2:19

Sɛnɛ, Lawa din kion giala mɛn daa, bɛ lɛ n goɛ̃. Boon kɛn man kiɛ̃ nɛ a ganaa gɔn bǎã lɛa kɛnɛn: «Dɛnaa din tá a wɔn doɛ̃.» Á n pɛ dɔn: «Min mɛn tumaa bɛ́ mà asɛ n Dɛnaa wɔ lɛa, bɛ nə n bɔ sii baraa wɔlɔ li.»

Ebrəə 12:16

Ka n yiri kɔ, min kɔ́n baran naarɛbaali baa wa, hinlaa sàn kɔ Lawa-n wole, ka Ezawu bɛ́ lɔn wa. Asɛ mɛn bɛ́ a ná a kiãbaa sã bǎã goon màn-bii ganaa.

Ebrəə 4:11

Ka daa wɔ n doa wɔ wɔ bɛa susui kɛ nɛ, màn mɛn bɛ́ toɛ, lɛlɛdɛnan Lawa bɔlɔ tii kɛ miã baran wɔa min kɔ́n daa, a na a bɔ̀n baa wa.

Zaaki 1:11

Bɛ̀ wasa bɔ ka a sɛ̀ fuu kakaarɛ kɛ nɛ, a n da lɛ laɛ. A buũ n kiɛ, a siĩnbaa n papaɛ̃. Pàãma dɔ n die papaɛ̃ a nya ǹ dín bii miɛ̃.

Piɛrɛ1 1:24

Ká Lawa a boo bɛ́ pii lɔn: Buu n laɛ, da buũ n bɛbɛnɛ. Sonbore, minbuiin nɛn man ka buu bɛ́ lɔn.

Piɛrɛ2 1:17

bɛ̀ Díi Lawa din bɛ́ zín laanka gugurubaa koe la. Bɛ na á n zɛnaa wɔ yii ni, bɛ̀ Lawa din bɛ́ á n toa a din a gugurubaa gole kɛ nɛ, á pɛ: «Kɛ n maa Nɛgiĩ narɛɛ wole lɛa, a na á kɔɔ̃n kɔ ma din ni má bɔ.»