Zaã a sɛ́wɔ 5:18 - LAWA A BOO SONBORE 2011

¹⁸ Bɛa boo kɛ lɛ na á là wɔ Zuifun ga Yezu dɛ a gã ǹ gɔn li, a giala, a na á susu ǹ pii ziziɛ̃; bɛ dinsɔɔ̃ bie wa, a na á goã Lawa dɔ bíi mà asɛ a Díi, a nə n din biɛ goon ka Lawa-n bɛa yɔrɔ kɛ lɛ la.

LAWA A BOO SONBORE

¹⁸ Bɛa boo kɛ lɛ na á là wɔ Zuifun ga Yezu dɛ a gã ǹ gɔn li, a giala, a na á susu ǹ pii ziziɛ̃; bɛ dinsɔɔ̃ bie wa, a na á goã Lawa dɔ bíi mà asɛ a Díi, a nə n din biɛ goon ka Lawa-n bɛa yɔrɔ kɛ lɛ la.

Zaã a sɛ́wɔ 5:18 ပူးပေါင်းရင်းမြစ်များ

Zakarii 13:7

Dɛnaa Lawa Pàãyiidɛnaa a da ǹ boo á ke: «Gɔya sa, n yii bũ maa tɔɔn-lɛduə̃li kɛ li, ma giaára ke. Tɔɔn-lɛduə̃li lɛ məə, màn mɛn bɛ́ toɛ, sèren lɛn nə n pɛsɛ̃ bǎã yii ni, ma tɔn da ǹ nɛ binbisinin dɛ.»

Matiə 12:5

Hinlaa ka bin pɛ landa sɛ́wɔ nɛ, mà susu ǹ pii pinaa, mà wúlu-bɔlen tá susu ǹ pii ziziɛ̃ Lawa a kion, a da yaa zɛ̀rɛ dɔ ná a ba ǹ koɛ ǹ ganaa wa?

Zaã a sɛ́wɔ 1:19

Zuifun goledɛnan nə́ n toa Zeruzalɛmu, ǹ nə́ wúlu-bɔlen dia kun ka ǹ dɔmalɛ wole *Levii tɔrɔn nɛ, mà ǹ wo nɔ̀n da Zaã la mà a n die lɛa. Zaã boo mɛn da a din wɔ gɔn la, bɛ n ka kɛ nɛ.

Zaã a sɛ́wɔ 10:30

Ma laanka maa Díi ni, wɔ n goon toto.»

Zaã a sɛ́wɔ 10:33

Zuifun nə́ tɔ́n pɛ nɛ mà ǹsɛn bie giɛ li ǹ dɛ ka kɔlɔ nɛ, sii sonbore zɛnaa taman yii wa, sɛnɛ, mà Lawa tɔ ziziɛ̃ ǹ boo na á toa, ǹsɛn tá giɛ li ǹ dɛ ka kɔlɔ nɛ. Mà a giala, mà asɛ din minbuiin nɛ kɛ nə n din biɛ Lawa lɛa.

Zaã a sɛ́wɔ 14:23

Yezu pɛ nɛ: – Bɛ̀ min mɛn tá masɛ narɛ, bɛa dɛnaa tá re masɛ a boo sii. Maa Díi dɔ á re bɛa dɛnaa narɛ, ma laanka maa Díi á re die bɛa dɛnaa li, wɔ giã a li.

Zaã a sɛ́wɔ 14:9

Yezu mà Filipi ganaa: «Man kun ka ka nɛ haalɛ bibi ǹ duũ, bɛ din tumaa kio, n tɔn masɛ dɔ̃ bɔrɔ wa? Bɛ̀ min mɛn masɛ yɛ, ǹ dɛnaa na á maa Díi yɛ. Wàa na á baa n tá pii doo mà ma maa Díi nyaa ka nɛ?

Zaã a sɛ́wɔ 19:7

Zuifun lɛn mà Pilati ganaa mà landa kɔ́n tá ǹsɛn lon, mà a kɔnpɛ ka bɛa landa kɛ lɛ nɛ, mà a doamaa-n ka gɛ̀ nɛ, a giala, mà a na á n din baa Lawa a Nɛgiĩ lɛa!

Zaã a sɛ́wɔ 5:15

Giĩ lɛ kiɛ̃ á woo a laakalaa Zuifun goledɛnan manɛ, mà Yezu na a ná asɛ a busu lɛ nya.

Zaã a sɛ́wɔ 5:16

A kũ bɛ lɛ ganaa, maǹ nə́ goã Yezu gialaa, a giala, a na á bɛa sii kɛ lɛ zɛnaa susu ǹ pii pinaa.

Zaã a sɛ́wɔ 5:17

Sɛnɛ, Yezu tɔ́n pɛ ǹ nɛ: «Haalɛ tɔn pelo, masɛ Di Lawa gɔn nə dí ganaa, masɛ dɔ gɔn nə dí ganaa.»

Zaã a sɛ́wɔ 5:23

màn mɛn bɛ́ toɛ, min tumaa Nɛgiĩ lɛ guguru kɔ, ka ǹ bɛ́ a Díi guguru koe lɔn. Bɛ̀ min mɛn ba Nɛgiĩ lɛ guguru koe wa, a Díi mɛn dia, bɛa dɛnaa na a ba bɛ dɔ guguru koe wa.

Zaã a sɛ́wɔ 7:1

Bɛ kio, Yezu goã n bibiĩ Galilee gána nɛ. Bibiə̃ Zudee gána-n goã kɔɔ̃n a ganaa wa, a giala, Zuifun pàãdɛnan man nə́ goã giɛ li mà ǹ dɛ.

Zaã a sɛ́wɔ 7:19

Táa Muizu na á Lawa a dí-pɛn lɛn kɔ ka dinin lɛn la? Sɛnɛ, ka kɔ́n bɛ́ ka a ǹ tamɛɛ wa. Ka n giɛ li dinin ka masɛ dɛ?»

Zaã a sɛ́wɔ 8:54

Yezu tɔ́n pɛ ǹ nɛ: «Bɛ̀ masɛ nə n din laakalɛɛ, ga tɔ li kooro n ka bɛ nɛ. Maa Díi kɛ lɛ ka tá pii mà kasɛn Lawa nɛ, a da yaa ka n ka a doɛ̃ wa, bɛ lɛ n masɛ tɔ boe. Ma á doɛ̃. Bɛ̀ má pɛ máa ma a doɛ̃ wa, masɛ dɔ n soɛ-bɔle lɛa ka ka dɔn bɛ́ lɔn. Sɛnɛ, masɛ á doɛ̃, ma tá a boo dɔ sii.

Zaã a sɛ́wɔ 8:58

Yezu tɔ́n pɛ ǹ nɛ: «Man taãn pii ka nɛ, Abrahamu laan bɛ̀ a yɛ, bɛ̀ masɛ tan.»

Filipi minin 2:6

Lawabaa na a din gɔn lɛlɛndun, sɛnɛ, a n paraa bɛ ganaa, mà asɛ goã goon ka Lawa-n wa.

Sii-nyaan 22:1

Lon a dia dí-a wole lɛ tɔn yiikoonaabaa ǹ tà mu lɛ nyaa ma nɛ, tɛ pii ka gɛ̀fu mɛn bɛ́ yii n wɔlɔ yii a nɛ. Bɛa mu lɛ na á goã soe Lawa laanka Sère Nɛ a kii dankan paǹ li.

Sii-nyaan 22:3

Bɔ̀n ba min yii walan doo wa. Lawa laanka Sère Nɛ a kii dankan tá re goɛ̃ kiwi lɛ nɛ, a dí-nyalin nə́ die a guguru koe walan.