Zaã a sɛ́wɔ 4:48 - LAWA A BOO SONBORE 2011

⁴⁸ Yezu tɔ́n pɛ nɛ: «Bɛ̀ ka bie ka kaãbaa ǹ sii dadaran yɛ wa, ka bɛ́ ka a re golee masɛ li duduu wa!»

LAWA A BOO SONBORE

⁴⁸ Yezu tɔ́n pɛ nɛ: «Bɛ̀ ka bie ka kaãbaa ǹ sii dadaran yɛ wa, ka bɛ́ ka a re golee masɛ li duduu wa!»

Zaã a sɛ́wɔ 4:48 ပူးပေါင်းရင်းမြစ်များ

Danayeli sɛ́wɔ 4:2

Ǹ kɔn pinaa tèlò-n, ma bɛ́ nyuù ni, má narɛɛ kɔn wɔ, á nyɛ́ɛ da ma ganaa parsiini. Ma siin mɛnɛn yɛ, ǹ nə́ ma yiri lɔlɔkɔn parsiini.

Danayeli sɛ́wɔ 6:27

Man pii ka nɛ, máa maa gána lɛ a bǎã tumaa nɛ, min tumaa doamaa nɛ a nyɛ́ɛ baa Danayeli a Lawa kɛ-n taãn-taãnɛ. A giala, a din lɛ n Lawa yiikoonaa lɛa, a din lɛ na a tan yǎa duduu. A kiibaa kɛ a ziziɛ̃ wa, a goledɛnaabaa kɛ na a tan yǎa duduu.

Minin nimi 14:11

Dɛnaa Lawa boo da Muizu ni á pɛ nɛ: «Zaman kɛ n die n yii we masɛ la yǎa biĩ kəni? Ma sii nyaa ǹ siin mɛnɛn tumaa zɛnaa ǹ bii, maǹ die n tiɛ̃ bɛn kio, ǹ nə́ ǹ ba n foo doɛ masɛ ganaa wa, yǎa biĩ kəni?

Matiə 16:1

*Fariziɛ̃n laanka *Sadusɛɛ̃n nə́ n zɔ̃ ǹ nə́ dɔ Yezu li. Ǹ bɛ́ giɛ ma ǹ nə n da a gɔ́ɔ̃ li, ǹ nə́ nɔ̀n da la, mà a nyaa ǹsɛn manɛ ka kaãbaa ǹ sii ni, mà a pàã lɛ n boe Lawa li.

Matiə 24:24

A giala, min tɛn tá re die a soɛ kuru mà asɛ n Minin Nyin-sili lɛ lɛa, min tɛn dɔ á re die a soɛ kuru, mà asɛ n Lawa a boo gii-dali lɛa: Ǹ tá re sii a kɔnboe dadaran laanka kaãbaa ǹ sii kakan zɛnɛɛ ǹ minin yiri sã nɛ, bɛ̀ maǹ boe la dinin, maǹ Lawa a yii gɔgɔɔ̃ wolen kɛn lɛn yiri siɛ̃.

Matiə 27:42

«N min kɔsɔn kirisibaa, sɛnɛ, n din ba boe la n nə n din kirisibaa wa! Táa ma n Izirayelin kii lɛa? Gisĩ sisia kəni n nə n bɔ dere ǹ gɔn ganaa, wɔsɛn nə tɔn golee n li.

Marki 13:22

A giala, min tɛn tá re die a soɛ kuru mà asɛ n Minin Nyin-sili lɛa, min tɛn dɔ á re die a soɛ kuru mà asɛ n Lawa a boo gii-dali lɛa. Ǹ tá re sii a kɔnbɔn laanka kaãbaa ǹ sii kakan zɛnɛɛ ǹ minin yiri sã nɛ. Bɛ̀ maǹ boe la dinin, maǹ Lawa a yii gɔgɔɔ̃ wolen kɛn lɛn yiri siɛ̃.

Luku 10:18

Yezu nə́ n toa ǹ ganaa: «*Sɛtaan nə́ bɔ lon á mɛnaa! Masɛ yii na á bɛ yɛ foaã nɛ ka la a tɛ-pɛ bɛ́ lɔn.

Luku 16:31

Sɛnɛ, Abrahamu mà Lawa landa siin mɛnɛn kɔ Muizu la, ka a boon mɛnɛn dɔn kɔ a din a boo gii-dalin la, mà bɛ̀ ǹ nə n too kɔ bɛn-a wa, mà ta min yii na á kaa á bɔ geren bii á woo boo da ǹ nɛ, mà ǹ ba re wɛɛ ǹ dɛnaa a boo la wa.

Zaã a sɛ́wɔ 12:37

A laanɛ Yezu kaãbaa ǹ sii gigiã zɛnaa ǹ yɔrɔ-a, ǹ golee li wa.

Zaã a sɛ́wɔ 15:24

Siin mɛnɛn bɛ́ min kɔ́n din ná a tɔn nə ǹ miã zɛnaa duduu wa, bɛ̀ ma bie má bɛn zɛnaa ǹ bii kɛnɛn wa, bɛ̀ sii baraa ba ǹ mìi-n wa. Sɛnɛ, sisia, a laanɛ ǹ nə́ bɛa siin lɛn yɛ, maǹ wusii n tiɛ̃ la ǹ tá masɛ laanka maa Díi biɛ zɔ́ɔ.

Zaã a sɛ́wɔ 2:18

Zuifun goledɛnan nə́ tɔ́n nə n lɛ da boo lɛ nɛ, ǹ nə́ pɛ nɛ: – Ma n boe la n sii mɛn zɛnaa, n nyaa wɔsɛn manɛ, mà sonbore tá n lon n pii-kɔlen loo Lawa a kion.

Zaã a sɛ́wɔ 20:29

Yezu tɔ́n pɛ nɛ: «N bɛ́ ń masɛ yɛ, bɛ lɛ bie ń tɔn waa la wa? Min mɛnɛn bɛ́ wɛɛ masɛ la, ǹ nə́ ǹ masɛ yɛ dɔn bɔrɔ wa, barka á re n diɛ bɛa dɛnan ganaa.»

Zaã a sɛ́wɔ 4:49

Kii a dí-nyali lɛ tɔ́n pɛ nɛ: «Dɛnaa, n ta masɛ a piɛ kaa, bɛ̀ maa nɛ lɛ ná a tɔn gã wa!»

Nya ǹ dín 14:3

Ka bɛ din yii ni, Pooli laanka Barnabaasi goã Ikoniɔmu kiwi ǹ nə́ biikoo kɔ́n zɛnaa. Ǹ foo bɛ́ doa-n Dɛnaa ganaa, ǹ nə́ Dɛnaa a boo kɛ pɛ ka foo tãbaa nɛ. Dɛnaa din toa ǹ nə́ kaãbaa ǹ sii sonbore zɛnaa, á nyaa ka bɛn nɛ, mà ǹ boo lɛ n sonbore lɛa.

Nya ǹ dín 15:12

Zaman lɛ tumaa golee ka kiĩni, ǹ nə́ n too kɔ Barnabaasi laanka Pooli lon. Lawa kaãbaa ǹ sii dadaran mɛnɛn zɛnaa ǹ gɔn tɔrɔ kɔsɔn gána nɛ, ǹ nə́ bɛn laakalaa.

Nya ǹ dín 2:19

Ma á re kaãbaa ǹ siin zɛnɛɛ lon, ma á re ǹ zɛnɛɛ tán. Minin tá re mà yii, ka tɛ nɛ, ka tɛmaa bara nɛ.

Nya ǹ dín 2:22

Piɛrɛ pɛ ǹ nɛ doo: – Izirayeli minin lɛn, masɛ bɛ́ re màn mɛn pii ka nɛ ka n too kɔ bɛ ganaa. Nazarɛtin Yezu lɛ, Lawa na á dia ka bii a din a dí a lɛa. Lawa na á bɛ nyaa ka nɛ, ká dɔ̃ kaãbaa ǹ sii laanka sii-nyaa ǹ sii dadara tɔrɔ tumaa li, Lawa din mànan mɛnɛn zɛnaa a gɔn. Ka dinin tumaa bɛ dɔ̃,

Nya ǹ dín 2:43

Dia dí-a wolen lɛn man nə́ goã kaãbaa ǹ sii dadara gigiã zɛnɛɛ. Nyɛ́ɛ min tumaa kũ.

Nya ǹ dín 4:30

N din dí nya, màn mɛn bɛ́ toɛ busulən nə kaka kɔ, kaãbaa ǹ sii dadara kɔsɔn nə n zɛnaa ka n din a dí-nyali Yezu kɛ tɔ barka nɛ, bɛ mɛn bɛ́ n din wɔ lɛa.

Nya ǹ dín 5:12

Dia dí-a wolen lɛn man nə́ goã kaãbaa ǹ sii dadara gigiã zɛnɛɛ minin bii. Ǹ tumaa, dia dí-a wolen laanka Lawa-nyankɔle gialakunun kɛn man nə́ goã kun, bɛ̀ ǹ golee Salomɔn a Siã Bǎã kɛ nɛ.

Nya ǹ dín 6:8

Lawa pàã kɔ Itian la parsiini, á goã sii-nyaa ǹ sii dadaran zɛnɛɛ zaman lɛ bii.

Nya ǹ dín 7:36

A din lɛ na á soo ka Izirayeli nɛnyaanan lɛn nɛ, á ǹ kaa là nyantoro ne. Lɛ̀ pusi gɔ́ɔ̃ nɛ, á kaãbaa ǹ sii dadaran zɛnaa, Ezipti gána nɛ, sawɛɛ tà mu li, ka don bii ni.

Rɔmu minin 15:19

ka kaãbaa ǹ sii dadaran barka nɛ, ka Yiri Fu pàã barka nɛ. Bɛ lɛ na á toa, a kũ Zeruzalɛmu kiwi ganaa a wo Ilirii gána yaa, má Krita a Boo Tii Kɔɔ̃n lɛ pɛ paǹ din tumaa ganaa.

Korɛnti1 1:22

Zuifun man giɛ mà kaãbaa ǹ siin nə ǹ zɛnaa, ǹsɛn nə tɔn golee li. Grɛkin man giɛ sii-doɛ̃ siin li.

Korɛnti2 12:12

Siin mɛnɛn bɛ́ maa dia dí-a wolebaa nyɛɛ, bɛn nə́ n zɛnaa ka bii ka foo-kũ ni sɔnbɔraanɛ. Ǹ nə́ n zɛnaa ka kaãbaa ǹ sii dadaran nɛ, ka sii nyaa ǹ sii kɔsɔn nɛ.

Tesaloniki2 2:9

Lawa a Zɔ́ɔ lɛ n die die ka *Sɛtaan pàã nɛ, á re kaãbaa ǹ sii kaka tɔrɔ tumaa zɛnɛɛ a minin yiri sã nɛ.

Ebrəə 2:4

Lawa din na á goã dí nyɛɛ, á n pàã we ǹ siére lɛ nɛ, ka sii-nyaa ǹ siin dadaran laanka kaãbaa ǹ sii tɔrɔ tumaa nɛ. A na á goã Yiri Fu a bǐɛ̃ mànan dɔn koe minin la, á n kɔnpii a din dùũ ni.