Zaã a sɛ́wɔ 4:23 - LAWA A BOO SONBORE 2011

²³ Sɛnɛ, biikoo á die, á n giala kɔ dinin, minin tá re Díi Lawa guguru koe a yɔrɔ sonbore li, ka Yiri Fu bɛ́ nyɛɛ ǹ nɛ lɔn. Min mɛnɛn bɛ́ Lawa guguru koe miɛ̃, a n giɛ bɛ miã dɛnan lɛn li.

LAWA A BOO SONBORE

²³ Sɛnɛ, biikoo á die, á n giala kɔ dinin, minin tá re Díi Lawa guguru koe a yɔrɔ sonbore li, ka Yiri Fu bɛ́ nyɛɛ ǹ nɛ lɔn. Min mɛnɛn bɛ́ Lawa guguru koe miɛ̃, a n giɛ bɛ miã dɛnan lɛn li.

Zaã a sɛ́wɔ 4:23 ပူးပေါင်းရင်းမြစ်များ

KZS1 29:17

Maa Lawa, máa doɛ̃, máa n tá giɛ̃ wɔ gɔ́ɔ̃ ganaa, màn mɛn bɛ́ pepere bɛ n kɔɔ̃nɛ n ganaa. Man ma bɔ ma din ni má n gɔn mànan kɛn kɔ n la, ka ma foo tumaa nɛ. Ma yii tá a ganaa kanna, ka foo kɔɔ̃n nɛ, n zaman nə́ n sɔkɔn ǹ nə́ zɛnɛɛ ka a din yɔrɔ lɛ nɛ.

Loen 147:11

Sɛnɛ, min mɛnɛn bɛ́ nyɛ́ɛ biɛ Dɛnaa Lawa nɛ, min mɛnɛn bɛ́ n foo doɛ a kɔn-narɛɛ gole kɛ ganaa, bɛn lɛn sii n kɔɔ̃n a ganaa.

Loen 17:1

Davida a Lawa nyankɔ. Dɛnaa Lawa, sonbore pɛ n kɔ ma la! N too kɔ doɛ̃, n maa nyankɔ ma, ma nə n nyankoe ma gɔ́ɔ̃ n fu.

Loen 32:2

Dɛnaa Lawa bɛ́ a ba min mɛn kuĩ a sii baraa li wa, min mɛn bɛ́ a ba sii duri a gɔ́ɔ̃-n wa, bɛa dɛnaa wɔ na á bǐɛ̃ kɔ.

Loen 51:6

Má sii la, man má sii la n dinsɔɔ̃ lɛ la. Sii mɛn bɛ́ baraa n yɔrɔ-a, má bɛ lɛ zɛnaa. Bɛ lɛ n ke, ta n boo mɛn da, sonbore tá n lon, ta n dɔlɔ mɛn da ma mìi ni, zɛ̀rɛ ba n ganaa wa.

Suusun 15:8

Min baraan *wúlu màn ba kɔɔ̃n Dɛnaa Lawa ganaa wa. Sɛnɛ, min peperen Lawa nyankɔ n kiɛ foo la.

Loe kɔɔ̃n kɔɔ̃n 2:14

Maa paa ǹ wɔ, nsɛ mɛn bɛ́ ka zɛrɛkantoan nə gɛ̀fu yala-n, durii-n kele kɔ́sɔ nɛ, da bɔ, ma n yɛ, da bɔ, ma n bɔlɔ ma. A giala n lɛn gɔ́ɔ̃ lɛ á kɔɔ̃nɛ, n yɔrɔ dɔ á siĩn parɛ.»

Izayii 10:20

Bɛa waáraa, min mɛnɛn yii goã koo Izirayeli gána nɛ, Zakɔba tɔrɔ gialakun mɛn goã, bɛn ba re n foo doɛ ǹ dɛle wole kɛ ganaa doo wa. Sɛnɛ, ǹ tá re n foo doɛ Dɛnaa Lawa ganaa taãn-taãnɛ, Izirayeli a Lawa sonbore ke.

Izayii 29:13

Dɛnaa n kɛ pii: «Tɔrɔ kɛ n mɔrɛ-n ma ganaa ka a lɛ gɔ́ɔ̃ ǹ boo dinsɔɔ̃ nɛ. Maǹ ma guguru koe ka ǹ lɛ nɛ, sɛnɛ, ǹ foo wɔlɔ á lui-n ma ganaa. Ǹ bɛ́ gugurubaa mɛn koe ma la, a n minbuiin nɛn daraan boon dininsɔɔ̃nɔn lɛa.

Izayii 43:21

Ma tɔrɔ mɛn lɛ yii gɔgɔɔ̃ maa wɔ lɛa, bɛ á re ma tɔ boe.

Izayii 58:2

Lɛawaa tumaa li, maǹ nɔ̀n diɛ maa taasiɛn nɛ. Maǹ giɛ li ǹ ma foo siin dɔ̃. Maǹ nə́ kɔnbɔ ka tɔrɔ mɛn nə́ ke, koe peperebaa lɛ, ǹ nə́ ǹ ba ǹ Lawa a dí-pɛn tii wa. Maǹ kiri pepere li. Maǹ li ma goã mɔrɛɛ nɛ ǹ ganaa.

Zeremii 3:10

Ka bɛ din tumaa nɛ, ǹ miãnɛn Zudaa bɔlɔgoonbaãdɛnaa kɛ wusoo á n bɔyaa á daa masɛ li ka a foo tumaa-n wa. A parsii bie wa.» Dɛnaa Lawa a da ǹ boo ne.

Zeremii 4:2

Bɛ̀ n tá pepere, bɔlɔgoondɛnaa lɛa, n gɔ́ɔ̃ n fu, bɛ̀ n lɛ kɔ wɔ, ń pɛ: «Ma nə n liɛ ka Dɛnaa Lawa Yiikoonaa tɔ nɛ», bɛa waáraa kəni, tɔrɔ kɔsɔn kɛn tá re ma nyankoe mà ma barka da ǹsɛn ganaa. Ǹ tá re gugurubaa yii masɛ taman yii.

Ezekieli 22:30

Má ga min li ǹ bii, min mɛn bɛ́ re boe la a kungɔn dɔ a kiwi lɛ lɛnpɛnɛ nɛ, hinlaa a golee kungɔn lɛ a yala koo bǎã kɛ nɛ ma nyɛɛnɛ, gána lɛ a lɛa, màn mɛn bɛ́ toɛ ma baran gána lɛ yu wa. Sɛnɛ, ma min goon din yɛ wa.

Zaã a sɛ́wɔ 1:17

Lawa na á dí-pɛ kɔ Muizu la, mà a ǹ pɛ wɔ nɛ, sɛnɛ, Yezu *Krita na á daa a bǐɛ̃baa kɛ laanka a sonborebaa nɛ.

Zaã a sɛ́wɔ 12:23

Yezu tɔ́n pɛ ǹ nɛ: «Lawa doamaa bɛ́ nɛ a gugurubaa kɔ Min a Nɛgiĩ la ǹ mɛn waáraa, a biikoo dɔ.

Zaã a sɛ́wɔ 16:2

Ǹ tá re ka lui ǹ ka bɔ lɛsɔkɔn kionən ne. Biikoo kɔ́n tá re die dinin, min mɛnɛn bɛ́ ka dii ka gã, bɛa minin lɛn tá re taasɛ, mà ǹsɛn man dí nyɛɛ Lawa nɛ bɛa yɔrɔ kɛ lɛ la.

Zaã a sɛ́wɔ 16:32

Á ke, biikoo kɔ́n tá re doe, á dɔ dinin, ka á re sawɛɛ, didie wo a piɛ, ka masɛ dinsɔɔ̃ toa walan. Sɛnɛ, ma bie ma dinsɔɔ̃ wa, maa Díi tá kun ka ma nɛ.

Zaã a sɛ́wɔ 4:21

Yezu tɔ́n pɛ nɛ: «Lɔ lɛɛ, golee masɛ li. Biikoo kɔ́n tá re doe, ka bie re Díi Lawa guguru koe Samarii kele kɛ la wa hinlaa Zeruzalɛmu kiwi wa.

Zaã a sɛ́wɔ 5:25

Man taãn pii ka nɛ, biikoo á die, á dɔ dinin, geren tá re masɛ Lawa a Nɛgiĩ lɛ miɛ, a ma-wolen tá re yiikoonaabaa yii.

Zaã a sɛ́wɔ 5:28

Bɛ kɔ́n baran kaãbaa da ka ganaa wa! Biikoo á die, geren mɛnɛn tumaa bɛ́ yala-n, ǹ tá re ma lɛ miɛ,

Rɔmu minin 1:9

Biikoo tumaa waáraa, bɛ̀ ma á Lawa nyankoe, ma nə n yiri koɛ ka nɛ. Ma na a nyankoe Lawa lon, máa a zii kɔ ma la, ma da bɔ ka li sisia. Lawa á doɛ̃ mà boo taãn nɛ ma á diɛ. Ma bɛ́ dí nyɛɛ asɛ Lawa mɛn nɛ, ka ma foo din tumaa nɛ, ma ná a Nɛgiĩ Yezu kɛ boo pii min tumaa nɛ, a din nə maa siére lɛa.

Rɔmu minin 8:15

Ka doamaa bie ka nyɛ́ɛ baa doo wa. Lawa ná a din Yiri kɔ ka la. Bɛ n nyɛɛ mà ka ba bɛ̀rɛn lɛa wa, sɛnɛ, ka na a nɛnyaanan lɛa. Bɛ̀ wɔ á n lɛ dii Lawa ganaa wáa «Wɔa Díi!»,

Rɔmu minin 8:26

Wɔ bɛ́ pàãwɛɛnaan lɛa ke, Lawa Yiri nə n doe wɔ lɛ. A giala, wɔ doamaa bɛ́ nɛ, wɔ Lawa nyankɔ lɔn, wɔ a bɛ doɛ̃ wa. Sɛnɛ, giniin mɛnɛn bɛ́, min ná a ba ǹ boo giala pii doɛ̃ wa, Lawa Yiri din nə bɛa giniin kɛn lɛn we Lawa ganaa, a ná a nyankoe wɔ a lɛa.

Galaasi minin 4:6

Wɔ bɛ́ na a nɛ taãnan lɛa, bɛ lɛ nɛ, Lawa ná a Nɛgiĩ Yiri dia wɔ foo ne. Bɛ lɛ n pii wɔ gɔ́ɔ̃ nɛ mà "Wɔa Díi".

Efɛɛzi minin 6:18

Ka bɛa sii lɛ tumaa zɛnaa Lawa nyankɔ gɔ́ɔ̃ nɛ, ka dɔmalɛ nyankɔ Lawa lon. Ka Lawa nyankɔ sii tumaa gɔ́ɔ̃ nɛ, Yiri Fu n ka nyɛɛnaan boe. A bɛ́ miɛ̃, ka goã ka gòãn la, ka n yii kaka kɔ, ka goã bɔlɔgoondɛnan lɛa ka wo ne. Ka Lawa nyankɔ Lawa a zaman min din tumaa a lɛa.

Filipi minin 3:3

Bɛ̀ kurii wolebaa a lɛa nɛ, wɔsɛn lɛn man kurii wole taãnan lɛa, ǹsɛn bie wa; a giala wɔsɛn man dí nyɛɛ Lawa nɛ, ka a din Yiri ni, wɔ nə n foo doɛ Yezu *Krita ganaa, wɔ n wɔ ba n foo doɛ minbuiinin kanaa sii-zɛnaan ganaa wa.

Zozoe 24:14

Zozoe tɔ́n pɛ Izirayeli minin lɛn manɛ kɛnɛn: «A bɛ́ miɛ̃, ka nyɛ́ɛ baa Dɛnaa Lawa nɛ, ka dí nya nɛ ka ka foo tumaa nɛ, ka bɔlɔgoondɛnaabaa nɛ. Ka digolon bɛ́ ǹ nə́ goã dìn mɛnɛn guguru koe Efrati tà kio, hinlaa Ezipti gána nɛ, ka bɛn goa ka ǹ bɔ ka li, ka dí nya Dɛnaa Lawa nɛ.

Piɛrɛ1 2:9

Sɛnɛ, kasɛn man Lawa a tɔrɔ boe lɛa, tɔrɔ mɛn bɛ́ Kii Lawa a wúlu-bɔlen lɛa. Kasɛn man tɔrɔ lɛa, Lawa koa a gɔrɔn a din wɔ lɛa, tɔrɔ mɛn a minin bɛ́ Lawa wɔn lɛa. A na á ka bíi á ka bɔ wɔlɔ tì li, á daa ka nɛ a din a wɔlɔ fúlu sonbore kɛ li, mà ka a din a sii sonboren kɛn laakalaa.

Samayeli1 12:24

Sii kɔsɔ banban, ka nyɛ́ɛ baa Dɛnaa Lawa yii ni, ka a guguru kɔ ka bɔlɔgoondɛnaabaa nɛ, ka ka foo din tumaa nɛ. A giala Dɛnaa Lawa sii dadaran mɛnɛn zɛnaa ka nɛ, ka ga bɛ-a dɛ!