Zaã a sɛ́wɔ 4:22 - LAWA A BOO SONBORE 2011

²² Ka bɛ́ ka a màn mɛn doɛ̃ wa, ka n bɛ guguru koe. Wɔsɛn Zuifun bɛ́ màn mɛn doɛ̃, wɔsɛn man bɛ guguru koe, a giala kirisibaa wole lɛ n Zuifu tɔrɔ lɛa.

LAWA A BOO SONBORE

²² Ka bɛ́ ka a màn mɛn doɛ̃ wa, ka n bɛ guguru koe. Wɔsɛn Zuifun bɛ́ màn mɛn doɛ̃, wɔsɛn man bɛ guguru koe, a giala kirisibaa wole lɛ n Zuifu tɔrɔ lɛa.

Zaã a sɛ́wɔ 4:22 ပူးပေါင်းရင်းမြစ်များ

Siin Giala 49:10

Kiibaa n die goɛ̃ Zudaa a kion biikoo tumaa li. Kiibaa ǹ bàbàla n die goɛ̃ a tɔrɔn gɔn biikoo tumaa li, yǎa kiibaa ǹ bàbàla lɛ a dɛnaa die, tɔrɔ tumaa doamaa bɛ́ ǹ min mɛn bɔlɔ si.

Ɛsidrasi 4:2

ǹ nə́ n zɔ̃ ǹ nə́ dɔ Zorobabeli laanka a kɛdɛnan li, ǹ nə́ pɛ ǹ nɛ kɛnɛn: «Wɔsɛn man giɛ li wɔ kion lɛ dɔ kun ka nɛ. Sonbore, wɔsɛn man giɛ Lawa li, ka dinin Lawa lɛ, ka ka dɔn bɛ́ giɛ li lɔn. A kũ Asiirii gána a kii Asaradɔn a biikoo ganaa, kɛ lɛ á daa ka wɔsɛn nɛ kànaa, wɔsɛn man wúlu-mànan koe ka dinin Lawa lɛ la.»

Loen 147:19

A din na a boo nyɛɛ Zakɔba tɔrɔn manɛ. A na a landan laanka a dí-pɛn koe Izirayeli minin la.

Loen 68:20

Ka daa wɔ barka da Dɛnaa nɛ baraabaraa. Wɔ kirisibaali Lawa lɛ n giɛ wɔ walan. Doa

Izayii 12:2

Á ke, Dɛnaa Lawa n ma kirisibaali lɛa. Ma foo n doa nɛ a din ganaa, nyɛ́ɛ ba ma ganaa doo wa. Dɛnaa Lawa n ma pàã laanka maa loe lɛa, ma kirisibaali ni.»

Izayii 12:6

Nsɛ mɛn bɛ́ giã-n *Siɔn, foo kɔɔ̃nbaa ǹ lɛ dɛ ka n foo tumaa nɛ, a giala, min mɛn bɛ́ kunun n ni, á gole Izirayeli a Lawa sonbore kɛ nɛ.

Izayii 2:3

Gána gigiã á re zii siɛ, bɛ̀ ǹ nə́ pii kɔn nɛ kɛnɛn: Ka daa wɔ n tá wɔ dii Dɛnaa Lawa a kele la, wɔ wo Zakɔba a Lawa a kion. A din tá re a zii lɛ a tɔ wɔ ǹ gɔn nyɛɛ wɔ nɛ, bɛ̀ a din wɔ da zii mɛn la, wɔ á re koe bɛ lɛ. A giala, a dí-pɛn lɛn man boe *Siɔn, Dɛnaa Lawa a boo lɛ n boe Zeruzalɛmu.

Izayii 46:13

Man die ka maa peperebaa nɛ, a wɔlɔ a sɔsɔɔ doo wa. Kirisibaa diri foɛɛ̃ nɛ. Ma dinmaa n die ne *Siɔn. Man die maa siĩnbaa kɛ koe Izirayeli la.

Zakarii 9:9

*Siɔn kiwi, bɛ̀ baa ka n we tumaa nɛ! Zeruzalɛmu minin, ka foo kɔɔ̃nbaa ǹ lɛ dɛ! Ga, n kii n die n li. A n pepere, gɔ̀lɔ̀ lɛa, a nə n din boɛɛn koe. A na á dii dundun la, dundun nɛ la, dundun dan a nɛ.

Luku 24:47

Maǹ die a giala koe Zeruzalɛmu ganaa, ǹ Lawa a boo pɛ ka a din tɔ nɛ tɔrɔn tumaa nɛ, mà ǹ wusoo ǹ sii baraan kio, ǹ golee Lawa li, màn mɛn bɛ́ toɛ, Lawa nə ǹ sii baraan toa ǹ nɛ.

Nya ǹ dín 17:23

Bɛ̀ masɛ á koe kaa ziin lɛ, ma tá kaa dì wúlu-bɔ ǹ bǎãn yii. Má bǎã lɛ kɔ́n din yɛ á n kiɛ̃ nɛ a ganaa kɛnɛn: «Min bɛ́ a ba dì mɛn doɛ̃ wa.» Ka bɛ́ ka a màn mɛn doɛ̃ wa ka ná a guguru koe dɔn, masɛ Pooli n má daa bɛ lɛ boo da ka nɛ.

Nya ǹ dín 17:30

Á ke, Lawa ga bɛa sii-doɛ̃baã biikoon kɛn ganaa wa. Sɛnɛ, sisia a n pii min din tumaa nɛ, bǎã tumaa nɛ, mà ǹ doamaa nɛ ǹ nə n bɔyaa ǹ golee asɛ li.

Nya ǹ dín 3:26

Lawa na á ná a dí-nyali dia bɔrɔ ka dinin lɛa. A na á dia mà a da barka wɔ ka gogoonmaa nɛ, a giala, a n die ka diɛ wusoo kaa sii baraan kio ganaa.»

Rɔmu minin 11:18

Bɛ lɛ taman yii, n baran n din koa gùrù kurii wolen lɛn ganaa wa. N din koa ǹ paǹ din nə maa bɔrɔ? Nsɛ bɛ́ n bie da lɛ gòonən guĩ wa, da lɛ gòonən manə nsɛ guĩ.

Ebrəə 7:14

Min tumaa á doɛ̃, mà wɔa Dɛnaa lɛ na á yɛ Zudaa tɔrɔn bii. Muizu boon mɛnɛn da a sɛ́wɔn nɛ, wúlu-bɔlen wɔ paǹ li, bɛn ba màn kɔ́n diɛ bɛa tɔrɔ kɛ lɛ wɔ gɔn la wa.