Zaã a sɛ́wɔ 4:15 - LAWA A BOO SONBORE 2011

¹⁵ Lɔ lɛ tɔ́n pɛ nɛ: «Dɛnaa ganaa, bɛa mu kɛ lɛ tɔrɔ kɔ ma la masɛ mi, màn mɛn bɛ́ toɛ, mu boro baran masɛ kũ doo, ma wusoo ma da mu bɔ kànaa wa.»

LAWA A BOO SONBORE

¹⁵ Lɔ lɛ tɔ́n pɛ nɛ: «Dɛnaa ganaa, bɛa mu kɛ lɛ tɔrɔ kɔ ma la masɛ mi, màn mɛn bɛ́ toɛ, mu boro baran masɛ kũ doo, ma wusoo ma da mu bɔ kànaa wa.»

Zaã a sɛ́wɔ 4:15 ပူးပေါင်းရင်းမြစ်များ

Loen 4:6

Ka wúlu mànan kɔ Dɛnaa Lawa la, ká a din pɛ lɔn. Ka n foo doa Dɛnaa Lawa ganaa.

Zaã a sɛ́wɔ 4:16

Yezu tɔ́n pɛ nɛ: «Woo, n nə n zuũ bíi, n wusoo n da kànaa.»

Zaã a sɛ́wɔ 6:26

Yezu tɔ́n pɛ ǹ nɛ: «Man taãn pii ka nɛ, ka bɛ́ ka buuru sɔ̃ ka kã, bɛ lɛ na á toa, ka tá giɛ masɛ li, a bie ka ka n ka kaãbaa ǹ siin kɛn giala ma wa.

Zaã a sɛ́wɔ 6:34

Ǹ nə́ tɔ́n pɛ Yezu ni: «Dɛnaa, bǐɛ̃ kɔ n bɛa buuru kɛ lɛ kɔ wɔsɛn la baraabaraa!»

Zaã a sɛ́wɔ 6:35

Yezu mà ǹ ganaa: «Masɛ din nə yiikoonaabaa kɔ ǹ buuru lɛa. Bɛ̀ min mɛn daa masɛ li, bòo ba re bɛa dɛnaa kuĩ duduu wa, bɛ̀ min mɛn golee masɛ li, mu boro a re bɛa dɛnaa kuĩ doo duduu wa.

Rɔmu minin 6:23

Sii baraa a saraa n ka gɛ̀ nɛ. Sɛnɛ, Lawa din na á bǐɛ̃ zɛnaa wɔ nɛ kooro, bɛ n ka nyin nyabaã wole kɛ nɛ, wɔa tá kun Dɛnaa Yezu Krita-n gɔ́ɔ̃ nɛ.

Rɔmu minin 8:5

Min mɛnɛn bɛ́ tɔ we, á kɔnpii ka gɔ̀nɔn foo siin ni, bɛn taasiɛn man doa nɛ ǹ dinin dùũ siin dininsɔɔ̃nɔn ganaa. Sɛnɛ, min mɛnɛn bɛ́ tɔ we á kɔnpii Lawa a Yiri Fu dùũ siin ni, bɛn taasiɛn man doa-n Lawa a Yiri Fu dùũ siin ganaa.

Korɛnti1 2:14

Lawa a Yiri Fu bɛ́ a ba min mɛn lon wa, bɛa boe la a lɛ kɔ Yiri Fu a boo taãnan ganaa wa. A n gàãnaabaa lɛa ǹ dɛnaa yii li, a boe la a tá a giala miɛ wa, a giala, Yiri Fu dinsɔɔ̃ n boe la á sii a bɔkɔnlɛ doɛ̃.

Zaaki 4:3

Ta ka a nyan dɔ din kɔ ka a yii wa, a giala, kaa taasiɛn ba siĩn wa. Ka bɛ́ màn mɛn nyankoe, ka n giɛ li ka ka dinin foo sii zɛnaa nɛ.

Zaã1 5:20

Wɔ á doɛ̃, wáa Lawa a Nɛgiĩ na á daa, á yiri kɔ wɔ la, mà wɔ Lawa Taãn kɛ dɔ̃. Wɔ ǹ goɛ̃ kun ka Lawa Taãn kɛ nɛ, a din a Nɛgiĩ Yezu Krita pàã ganaa. A din Yezu lɛ n Lawa Taãn lɛ lɛa, a din dɔ n nyin nyabaã dɔ lɛa.