Zaã a sɛ́wɔ 21:16 - LAWA A BOO SONBORE 2011

¹⁶ Gunyin paabaa ǹ wɔ Yezu wusoo á pɛ-n doo: «Zaã a nɛgiĩ Simɔn, n tá masɛ narɛ?» A ná a lɛ si: «Hiĩ, n din tá doɛ̃ mà ma tá n narɛ.» Yezu tɔ́n pɛ nɛ: «Ga masɛ a sèren lɛn walan.»

LAWA A BOO SONBORE

¹⁶ Gunyin paabaa ǹ wɔ Yezu wusoo á pɛ-n doo: «ZAÃ a nɛgiĩ Simɔn, n tá masɛ narɛ?» A ná a lɛ si: «Hiĩ, n din tá doɛ̃ mà ma tá n narɛ.» Yezu tɔ́n pɛ nɛ: «Ga masɛ a sèren lɛn walan.»

Zaã a sɛ́wɔ 21:16 ပူးပေါင်းရင်းမြစ်များ

Loen 100:3

Ka dɔ̃ mà Dɛnaa Lawa n Lawa lɛa. A din na á wɔ zɛnaa, wɔ na a din wɔn lɛa. A din a minin man wɔ nɛ, a n wɔ lɛduĩ ka n bɛ́ tɔɔn lɛduĩ lɔn.

Loen 95:7

Taãn pɛ á soɛ, a din lɛ n wɔa Lawa lɛa. Wɔ na a din a zaman lɛa, a n wɔ tamaɛ ká a tɔɔn bɛ́ lɔn, a n wɔ lɛduĩ. Màn mɛn bɛ́ siĩn pelo, bɛ á ke: ka n too kɔ a lon, ka a lɛ si.

Zakarii 13:7

Dɛnaa Lawa Pàãyiidɛnaa a da ǹ boo á ke: «Gɔya sa, n yii bũ maa tɔɔn-lɛduə̃li kɛ li, ma giaára ke. Tɔɔn-lɛduə̃li lɛ məə, màn mɛn bɛ́ toɛ, sèren lɛn nə n pɛsɛ̃ bǎã yii ni, ma tɔn da ǹ nɛ binbisinin dɛ.»

Matiə 2:6

«Kasɛn Bɛtlehɛmu minin lɛn, ka baran taasɛ mà ka dɔn dinin kiwi kɛ lɛ n kiɛɛrɛ Zudee gána a kiwin bii wa, a giala, goledɛnaa á re boe a nɛ, a giã Izirayeli mìi la, ma din a minin lɛn, a ǹ tamaa.»

Matiə 25:32

Kanaa a tɔrɔn tumaa á re n lɛ soekɔn-a a yɔrɔ-a. Á die ǹ gɔgoɛ̃ a ǹ bɔ kɔn li, ka tɔɔn-lɛduə̃li bɛ́ sèren gɔgoɛ̃ a ǹ bɔ kun ka bòen ne lɔn.

Matiə 26:72

Piɛrɛ wusoo a ná a liere kɔ doo, á n liɛ á pɛ: «Masɛ a bɛa giĩ lɛ doɛ̃ wa.»

Luku 19:10

Sonbore, min mɛn bɛ́ papaã nɛ, Min a Nɛgiĩ na á daa ga bɛ lɛ li a tá a kirisibiɛ.»

Zaã a sɛ́wɔ 18:17

Lɔ lɛ kiɛnlɛ lɛduĩ, bɛ́ tɔ́n pɛ Piɛrɛ nɛ: «N dɔ goã giĩ kɛ lɛ a kialandɛnaa goon lɛa wa?» Piɛrɛ mà a ganaa, mà asɛ ba a lɛa wa dɛ!

Zaã a sɛ́wɔ 18:25

Bɛ á zɛnɛɛ, bɛ̀ Simɔn Piɛrɛ á tɔn tán n gɔ̀nɔn wɛ̃ tɛ ganaa. Ǹ nə́ nɔ̀n da la mà a dɔ́ bie giĩ lɛ a kialandɛnan lɛn goon lɛa wa ya? Piɛrɛ nə́ n piã, á pɛ mà asɛ ba a lɛa wa dɛ!

Zaã a sɛ́wɔ 21:17

A sɔɔbaa ǹ wɔ, á wusoo á pɛ nɛ doo: «Zaã a nɛgiĩ Simɔn, n tá masɛ narɛ?» Yezu a wusoo á pɛ Piɛrɛ nɛ kɛ lɛ a gunyin sɔɔbaa ǹ wɔ mà a tá asɛ narɛ ya, bɛ́ Piɛrɛ yɔrɔ kɔsɛ. Á tɔ́n pɛ Yezu ni: «Dɛnaa, n tá sii din tumaa doɛ̃, n tá doɛ̃ mà masɛ tá n narɛ!» Yezu tɔ́n pɛ nɛ: «Ga masɛ a sèren lɛn walan.

Nya ǹ dín 20:28

Ka ga ka dinin walan, ka Lawa a minin lɛn dɔn nɛ, Yiri Fu bɛ́ á ka bɔ á ka koa ǹ mɛnɛn nyɛɛnɛ. Lawa din na a sɔmɔ mɛn pii ka a din a Nɛgiĩ mà-n ke, ka goã bɛa lɛduə̃lin lɛa.

Ebrəə 13:20

Lawa din na á wɔa Dɛnaa Yezu, Sèren-Lɛduə̃li gole kɛ yii kaa, á bɔ geren bii. A din na á lɛ-kɔ duduu wɔ ka minbuiin nɛ nɛ, á bɛ́ á sonborebaa nyaa ka Yezu a gɛ̀ barka nɛ. Man bɛa Là Nyantoro Kɔle Lawa kɛ lɛ nyankoe,

Piɛrɛ1 2:25

A giala, ka n ká goã papaã-n lɛlɛ ka sèren bɛ́ lɔn, sɛnɛ kanna, kaa Gamawalan wole lɛ laanka ka Lɛduə̃li lɛ ka yɔrɔ bɔyaa, a daa ka-n a din li.

Piɛrɛ1 5:2

Lawa ka bɔ á ka koa a zaman mɛn nyɛɛn ke, ka ga bɛa zaman lɛ walan, ka tɔɔn-lɛduə̃li bɛ́ giɛ a tɔɔn walan lɔn. Ka ga zaman lɛ walan ka foo kɔɔ̃n nɛ, a kɔnpɛ Lawa dùũ ni, a baran n baa ka n pɛ mà pàã sii-n wa. Ka baran zɛnaa ga màn li ǹ dí dɔ lɛa wa, ka toa a goã din-kɔ ǹ dí lɛa.

Sii-nyaan 7:17

A giala, Sère Nɛ mɛn bɛ́ golee-n kii dankanan kɛn bii, bɛ á re ǹ lɛduĩ, á re woe ǹ ne yiikoonaabaa ǹ mu yala lɛa. Lawa á re ǹ yii mu tumaa tuturi a bɔ ǹ yɔrɔ nɛ.»