Zaã a sɛ́wɔ 20:26 - LAWA A BOO SONBORE 2011

²⁶ Piizii goon bɛ kio, kialandɛnan lɛn nə́ goã soe-n kɔn kion lɛ-n doo, Toomaa dɔ́ goã kunun ǹ ni. Kiɛnlɛn lɛn tumaa sɔɔmaa nɛ, sɛnɛ, Yezu daa á golee ǹ bii, á pɛ ǹ nɛ: «Là nyantoro die a giã ka li.»

LAWA A BOO SONBORE

²⁶ Piizii goon bɛ kio, kialandɛnan lɛn nə́ goã soe-n kɔn kion lɛ-n doo, Toomaa dɔ́ goã kunun ǹ ni. Kiɛnlɛn lɛn tumaa sɔɔmaa nɛ, sɛnɛ, Yezu daa á golee ǹ bii, á pɛ ǹ nɛ: «Là nyantoro die a giã ka li.»

Zaã a sɛ́wɔ 20:26 ပူးပေါင်းရင်းမြစ်များ

Izayii 26:12

Dɛnaa Lawa, n din nə là nyantoro koe wɔ la. Wɔ sii mɛn tumaa lɛ bɔ, n din nə ǹ tumaa lɛ piɛ̃.

Izayii 27:5

Bɛ̀ min woo min nə́ n din sii wɔ masɛ gɔn, á re là nyantoro yii ma li. Sonbore, á re là nyantoro yii ma li.»

Izayii 54:10

Kelen tá boe la ǹ bìn da, tentenen tá boe la ǹ nə n zɔ̃. Sɛnɛ, kɔn-narɛɛ mɛn bɛ́ ma foo ne n wɔ paǹ li, bɛa re n bɔyɛɛ duduu wa. Ma lɛ kɔ kɔn la mɛn wɔ ka n nɛ, là nyantoro a paǹ li bɛa re bìn diɛ wa. Ma din Dɛnaa Lawa n kɛ pii n ni, maa foo basiɛ̃ gɔ́ɔ̃ nɛ.

Matiə 17:1

Lɛawaa sɔrɔ bɛ kio, Yezu Piɛrɛ laanka Zaaki kũ á woo ǹ ne tiãlɛa kele sasa goon la, kun ka Zaaki ǹ diɛ̃ Zaã nɛ. Ǹ dininsɔɔ̃nɔn bɛ́ walan,

Marki 16:14

Bɛ tumaa kio, Yezu nə́ n din nyaa a kialandɛnaa fulugoon ne, bɛ̀ maǹ màn bii. Ǹ golee Lawa li baã laanka ǹ too kakabaa a la yii-n lɛ na á toa, Yezu yoo ǹ gialaa, a giala min mɛnɛn nə yɛ a yii n koo, ǹ golee bɛn lɛn boo li wa.

Luku 24:36

Ǹ bɛ́ boo diɛ miɛ̃, Yezu daa soo ǹ bii, á pɛ ǹ nɛ: «Lawa là nyantoro kɔ ka la.»

Luku 9:28

Lɛawaa kiwisi kɛ miã bɛa boon kɛn lɛn diɛ kio, Yezu Piɛrɛ kũ ka Zaã nɛ ka Zaaki ni, á dii ǹ ni kele mìi ni, ǹ nə́ woo Lawa nyankɔ.

Zaã a sɛ́wɔ 11:16

Ǹ bɛ́ Toomaa mɛn bíi "Diidiimu" (bɛ giala mà bɛlɛman), bɛ tɔ́n pɛ kialandɛnaa gialakunun lɛn manɛ, mà ǹ daa ǹsɛn dɔn nə n tan, ǹsɛn dɔn nə gã kun ni.

Zaã a sɛ́wɔ 14:27

Man là nyantoro koɛ ka li, ma din a là nyantoro ne. Kanaa bɛ́ là nyantoro koe lɔn, masɛ wɔ kɛ bie miɛ̃ wa. Ka yiri baran n lɔlɔkɔn doo wa, ka baran nyɛ́ɛ baa doo wa.

Zaã a sɛ́wɔ 20:19

A din dimaasi pinaa lɛ a wasamiɛnɛ, kialandɛnan lɛn nə́ goã kion kɔ́n nɛ, ǹ nə́ kiɛnlɛ sɔɔ ǹ dinin lɛ, a giala, maǹ nə́ goã nyɛ́ɛ biɛ Zuifun pàãdɛnan lɛn manɛ. Yezu daa á golee ǹ bii, á pɛ ǹ nɛ: «Là nyantoro die a giã ka li.»

Zaã a sɛ́wɔ 20:21

Bɛ kio, Yezu wusoo á pɛ ǹ nɛ doo: «Là nyantoro die a giã ka li. Maa Díi Lawa bɛ́ á masɛ dia lɔn ke, masɛ dɔ n ka diɛ miɛ̃.»

Zaã a sɛ́wɔ 21:1

Lɛawaa dan kɔ́n bɛ kio, Yezu nə́ n din nyaa kialandɛnan lɛn manɛ Tiberiadi tà lɛkoro-a. A n din nyaa ǹ nɛ lɔn, á ke:

Zaã a sɛ́wɔ 21:14

Yezu yii kaa á n bɔ geren bii lɔn, a gunyin sɔɔbaa ǹ wɔ-n ka bɛ nɛ n din nyɛɛ a kialandɛnan manɛ.

Nya ǹ dín 1:3

A fuu yɛ a gã kio, a na á n din nyaa bɛa dia dí-a wolen kɛn lɛn manɛ, á nyaa ka yɔrɔ gigiã nɛ mà asɛ yii á koo. Lɛawaa pusi gɔ́ɔ̃ nɛ, á daa ǹ li gunyin damata, á *Lawa a kiibaa ǹ dí lɛ a nya boo da ǹ nɛ.