Zaã a sɛ́wɔ 20:12 - LAWA A BOO SONBORE 2011

¹² Á lon a dia dí-a wole min paa yɛ, ka mɔnaa fufun ni ǹ ganaa. Ǹ Yezu gere da bǎã mɛn lɛ din ni, ǹ nə́ giã-n tán walan, goon ná a mìi dia ǹ bǎã nɛ, goon ná a gòãn dia ǹ bǎã nɛ.

LAWA A BOO SONBORE

¹² Á lon a dia dí-a wole min paa yɛ, ka mɔnaa fufun ni ǹ ganaa. Ǹ Yezu gere da bǎã mɛn lɛ din ni, ǹ nə́ giã-n tán walan, goon ná a mìi dia ǹ bǎã nɛ, goon ná a gòãn dia ǹ bǎã nɛ.

Zaã a sɛ́wɔ 20:12 ပူးပေါင်းရင်းမြစ်များ

KZS2 5:12

Levii tɔrɔn kɛn sàn-kɔlen lɛa, Azaafu ni, Eman nɛ, Yedutunu ni ka ǹ nɛnyaanan nɛ, ka ǹ tanlɛ min gialakunun ni, bɛn man nə́ mɔnaa guguru sonbore wɔ. Ǹ nə́ gole wúlu bɔ ǹ bǎã lɛ a lɛ̀giala gɔn la, ka dindin ni tùtùn ni ka kɔnkoɛɛ̃nɛn nɛ. Ǹ genli, wúlu-bɔle paabiɛ ka fuə (120) n bii-a bɛn pii.

Danayeli sɛ́wɔ 7:9

Ma bɛ́ giɛ doo, má kii dankanan yɛ ǹ nə́ ǹ kaa tán, giĩ zizi goon daa giã tán. A mɔnaa na á goã fu piepie ka koara bɛ́ lɔn. A mìi ka na á goã fu paɛ̃paɛ̃ ka sère ka yoreen bɛ́ lɔn. A kii dankan kɛ na á goã ka tɛ n kuĩ a ganaa, a dankan lɛ gòãn man nə́ goã tɛ lɛa girigiri.

Matiə 17:2

Yezu nə́ n bɔyaa ǹ yɔrɔ-a. A yɔrɔ n tɛ pii ka wasa bɛ́ lɔn, a mɔnaan nə́ n baa fu, kiɛ min yii-n ka tɛ fúlu bɛ́ lɔn.

Nya ǹ dín 1:10

Ǹ bɛ́ tɔn giɛ lon ganaa Yezu n woe, giĩ min paa daa ǹ li, mɔnaa fufu nə́ ǹ ganaa,

Sii-nyaan 3:4

Ka bɛ tumaa nɛ, min tɛnɛn tá tɔn Sardə, ǹ tɔ́n *gɔ̀ sii kɔ́n zɛnaa ǹ nə́ n dinin tii-n wa. Bɛn tá re goɛ̃ kun ka ma nɛ, biikoo tumaa li ka mɔnaa fufun ni ǹ ganaa, a giala mà ǹ tá kɔnboe ne.

Sii-nyaan 7:14

Má tɔ́n pɛ nɛ: «Giĩ gole, n din tá doɛ̃!» Á tɔ́n pɛ ma nɛ: «Maǹ boe damagɔ́ɔ̃li a fuu yɛ ǹ bǎã gole kɛ nɛ. Maǹ nə́ ǹ dɔnkɛn lɛn pii ka Sère Nɛ kɛ mà nɛ, ǹ nə́ fu kɔ.