Zaã a sɛ́wɔ 2:24 - LAWA A BOO SONBORE 2011

²⁴ Sɛnɛ, Yezu sɛ waa ǹsɛn la wa, a giala a tá ǹ tumaa a taasiɛ doɛ̃,

LAWA A BOO SONBORE

²⁴ Sɛnɛ, Yezu sɛ waa ǹsɛn la wa, a giala a tá ǹ tumaa a taasiɛ doɛ̃,

Zaã a sɛ́wɔ 2:24 ပူးပေါင်းရင်းမြစ်များ

Kiin1 8:39

n too kɔ ǹ lon kəni n giã ǹ bǎã lɛ-n lon. Ǹ zɛ̀rɛn toa ǹ nɛ, n nə n dɔ ǹ lɛ, n nə ǹ saraa a kɔnpɛ ka ǹ zɛnaa ǹ sii tumaa nɛ. A giala, n din nə ǹ taasiɛ doɛ̃. Sonbore, n dinsɔɔ̃ n minbuiin nɛ tumaa a taasiɛ doɛ̃.

KZS1 28:9

Nsɛ dɔ, maa nɛgiĩ Salomɔn, toa n nə daraa n díi a Lawa doɛ̃ ganaa. Dí nya nɛ n foo ná a talɛɛ-n ma, n yiri n bǎã goon ne. A giala, Dɛnaa n giɛ wɔ gɔ́ɔ̃ ganaa, á minbuiinin taasiɛ din tumaa doɛ̃. Bɛ̀ n ga li á re toɛ n yɛ. Sɛnɛ bɛ̀ n tii, á re n zuĩ bii-a yǎa duduu.

KZS1 29:17

Maa Lawa, máa doɛ̃, máa n tá giɛ̃ wɔ gɔ́ɔ̃ ganaa, màn mɛn bɛ́ pepere bɛ n kɔɔ̃nɛ n ganaa. Man ma bɔ ma din ni má n gɔn mànan kɛn kɔ n la, ka ma foo tumaa nɛ. Ma yii tá a ganaa kanna, ka foo kɔɔ̃n nɛ, n zaman nə́ n sɔkɔn ǹ nə́ zɛnɛɛ ka a din yɔrɔ lɛ nɛ.

Zeremii 17:9

Màn kɔn ba baraa á dɔ minbuiin nɛ foo li wa. Min kɔn ba boe la a na a kaka kɔ wa, min kɔn ba doɛ̃ a nya wa.

Matiə 9:4

Yezu nə́ ǹ taasiɛ dɔ̃, á pɛ ǹ nɛ: – Wàa na á baa ka tá bɛa taasiɛ naarɛn kɛn we?

Marki 2:8

Yezu bɛ́ á ǹ taasiɛ dɔ̃ a din gɔ́ɔ̃-n gɔrɔ, á tɔ́n pɛ ǹ nɛ: – Wàa na á baa ka á taasiɛ kɛ miã we?

Zaã a sɛ́wɔ 1:42

Á kũ á daa-n Yezu li. Yezu nə́ ǹ yiin doa Piɛrɛ la á pɛ: «Zaã a nɛgiĩ Simɔn lɛ n ka n din ni. N tɔ á die n bíi Sefasi (bɛ giala mà Kɔlɔ, ǹ tá boe la ǹ bíi dɔn mà Piɛrɛ).»

Zaã a sɛ́wɔ 16:30

Sisia kəni, wɔ á doɛ̃ wáa nsɛ ke, wáa n tá minbuiinin taasiɛ din tumaa doɛ̃, n laadoo ba a ganaa min nɔ̀n da n la wa. Bɛ lɛ din taãn na á toa, wɔ waa la wáa ma nə n bɔ Lawa li n daa.»

Zaã a sɛ́wɔ 21:17

A sɔɔbaa ǹ wɔ, á wusoo á pɛ nɛ doo: «Zaã a nɛgiĩ Simɔn, n tá masɛ narɛ?» Yezu a wusoo á pɛ Piɛrɛ nɛ kɛ lɛ a gunyin sɔɔbaa ǹ wɔ mà a tá asɛ narɛ ya, bɛ́ Piɛrɛ yɔrɔ kɔsɛ. Á tɔ́n pɛ Yezu ni: «Dɛnaa, n tá sii din tumaa doɛ̃, n tá doɛ̃ mà masɛ tá n narɛ!» Yezu tɔ́n pɛ nɛ: «Ga masɛ a sèren lɛn walan.

Zaã a sɛ́wɔ 4:16

Yezu tɔ́n pɛ nɛ: «Woo, n nə n zuũ bíi, n wusoo n da kànaa.»

Zaã a sɛ́wɔ 5:42

Ma á ka doɛ̃ parsiini, Lawa a kɔn-narɛɛ ba ka foo-n wa.

Zaã a sɛ́wɔ 6:15

Sɛnɛ, Yezu bɛ́ á dɔ̃ mà ǹ tá re die asɛ kuĩ ka pàã nɛ, mà maǹ na asɛ biɛ kii lɛa, á kiɛ̃ á n bɔ ǹ li, á wusoo á woo kele lɛ la a dinsɔɔ̃.

Zaã a sɛ́wɔ 6:64

Sɛnɛ, minin tɛnɛn tá ka bii ǹ ba golee li wa. (Min mɛnɛn bɛ́ ǹ goã golee Yezu li wa, á bɛa dɛnan dɔ̃ a giala kɔ waáraa gɔrɔ; min mɛn dɔ bɛ́ re koe a zɔ́ɔn la, á bɛ dɔ a dɛnaa dɔ̃.)

Nya ǹ dín 1:24

Ǹ nə́ tɔ́n Lawa nyankɔ: «Dɛnaa, nsɛ mɛn bɛ́ min tumaa foo doɛ̃, n din bɛ́ ń min mɛn bɔ min paa kɛ bii, bɛ nyaa wɔsɛn manɛ,

Nya ǹ dín 15:8

Lawa mɛn bɛ́ min tumaa foo doɛ̃, a din na á nyaa mà asɛ lɛ kɔ tɔrɔ kɔsɔn ganaa, a giala á Yiri Fu kɔ ǹ la, ka a bɛ́ á kɔ wɔsɛn dɔn la lɔn.

Timəə dí-pɛn 31:21

Bɛ̀ bɔ̀n gigiã laanka nɔmaa dadaran nə́ ǹ yɛ ǹ mɛn waáraa, bɛa loe lɛ á re siére pii ǹ ganaa masɛ wɔ paǹ li. A giala, ǹ nɛnyaanan yiri a re boe ka bɛa loe lɛ a lɔ-n duduu wa. Sonbore ne, masɛ nə n lɛ kɔ ka la ka gána mɛn lɛ a sii ni, a laanɛ masɛ tɔn wo ka kaa walan bɔrɔ wa, sii mɛn a taasiɛ bɛ́ ka gɔ́ɔ̃ nɛ, ma á doɛ̃ pelo dinin gɔrɔ.

Ebrəə 4:13

Màn kɔ́n din ba durii-n Lawa la wa. Màn din tumaa na a yɔrɔ-a panparaanɛ, a yii nə́ ǹ ganaa. Wɔ tumaa n die n bɔlɔ pii a din yɔrɔ-a.

Sii-nyaan 2:23

Ma á re a nɛnyaanan tumaa dii. Ka bɛ nɛ, Lawa a sɔmɔ minin tumaa á re doɛ̃, mà min mɛn bɛ́ minbuiin tumaa a taasiɛn doɛ̃, ka ǹ foo sii duriin ni, mà bɛ n ka masɛ nɛ. Ma á re ka gogoonmaa sarɛɛ, a kɔnpɛ ka a din a sii-zɛnaan nɛ.

Samayeli1 16:7

Sɛnɛ, Dɛnaa Lawa pɛ Samayeli ni: «N yii bɛ́ Eliabu ganaa lɔn ke, n baran n saa bɛ li wa, n baran n saa a sasabaa kɛ li wa. Ma lɛ kɔ a ganaa wa. Minbuiin nɛ a ga màn ganaa ǹ gɔn laanka Lawa wɔ ba goon wa. Màn mɛn bɛ́ yii n boe la a yɛ dəə̃nəə ne, minbuiin nɛn man giɛ bɛ-a, sɛnɛ, Dɛnaa Lawa n giɛ foo ganaa.»