Zaã a sɛ́wɔ 19:6 - LAWA A BOO SONBORE 2011

⁶ Sɛnɛ, wúlu-bɔlen goledɛnan lɛn laanka garadin lɛn nə yɛ lɔn, ǹ nə́ kaa lɛ-dɛ nɛ ǹ nə́ pii: «A dere gɔn ganaa! A dere gɔn ganaa!» Pilati tɔ́n pɛ ǹ nɛ mà ǹ dininmaan nə kũ ǹ dere gɔn ganaa. Mà asɛ zɛ̀rɛbaa ǹ sii yɛ a wɔ paǹ li sɛn wa.

LAWA A BOO SONBORE

⁶ Sɛnɛ, wúlu-bɔlen goledɛnan lɛn laanka garadin lɛn nə yɛ lɔn, ǹ nə́ kaa lɛ-dɛ nɛ ǹ nə́ pii: «A dere gɔn ganaa! A dere gɔn ganaa!» Pilati tɔ́n pɛ ǹ nɛ mà ǹ dininmaan nə kũ ǹ dere gɔn ganaa. Mà asɛ zɛ̀rɛbaa ǹ sii yɛ a wɔ paǹ li sɛn wa.

Zaã a sɛ́wɔ 19:6 ပူးပေါင်းရင်းမြစ်များ

Matiə 26:58

Piɛrɛ ná a din bii lui Yezu ganaa, á kɔ lɛ, yǎa Lawa a wúlu-bɔlen kiã a sumu-n ka kɔ̃. Á wɔ sumu-n, á giã tán kun ka dí-nyalin ni, n yii diɛ sii lɛ a giala nyɔmɔɔ ǹ gɔn la.

Matiə 27:22

Pilati tɔ́n nɔ̀n da ǹ la: «Yezu mɛn bɛ́ ǹ tá bíi Minin Nyin-sili, ma wàa zɛnaa bɛ nɛ?» Ǹ dinin tumaa nə́ n toa: «A dere gɔn ganaa!»

Matiə 27:24

Pilati bɛ́ á dɔ̃, mà asɛ a die boe la a sii kɔ́n zɛnaa wa, mà màn nə́ tɔn miɛ zaman lɛ a lala diɛ li, á mu saa, á n gɔn pii zaman lɛ yɔrɔ-a, á pɛ: «Ma gòɛ̃ ba giĩ kɛ a gɛ̀ sii-n wa! Ka dinin mìi gɔ́ɔ̃ ǹ sii ni!»

Luku 23:4

Pilati pɛ wúlu-bɔlen goledɛnan lɛn manɛ ka zaman lɛ nɛ mà asɛ dɔlɔ bɔ min-a ǹ sii kɔ́n yɛ giĩ kɛ ganaa wa.

Zaã a sɛ́wɔ 18:3

Bɛ lɛ nɛ, Zudaasi mɛ Rɔmu sɔraasi kuru kɔ́n nyɛɛnɛ, á woo dù gɔrɔ lɛ nɛ; Lawa a wúlu-bɔlen goledɛnan laanka *Fariziɛ̃n nə́ garadin dia kunun ǹ ni. Ǹ nə́ woo ka zia da ǹ mànan nɛ, ka bolonən ne, ka làpaa tɛn nɛ.

Zaã a sɛ́wɔ 18:31

Pilati tɔ́n pɛ ǹ nɛ mà ǹ dininmaan nə kũ ǹ kiri kuru la a kɔnpɛ ka ǹ dinin landa nɛ. Zuifun lɛn mà Pilati ganaa mà ǹsɛn bɛ́ pàã mɛn giulun, mà a kɔnpɛ ka bɛ nɛ, mà ǹsɛn doamaa bie ǹ gɛ̀ dɛ wa.

Zaã a sɛ́wɔ 18:38

Pilati tɔ́n nɔ̀n da la mà sonbore n wàa lɛa? Pilati nə n lɛ bɔ bɛa boo lɛ-a lɔn, á soo kanaa doo á woo Zuifun lɛn li, á pɛ ǹ nɛ: «Masɛ yii ba zɛ̀rɛbaa ǹ sii kɔ́n ganaa a wɔ a paǹ li wa.

Zaã a sɛ́wɔ 19:15

Sɛnɛ, ǹ nə́ kaa lɛ-dɛ nɛ: «A dɛ a gã! A dɛ a gã! A dere gɔn ganaa!» Pilati wusoo á pɛ: «Ká mà ma kaa kii lɛ dere gɔn ganaa?» Wúlu-bɔlen goledɛnan mà a ganaa mà ǹsɛn kii kɔsɔ banban á kiɛ̃ Rɔmun kii gole gole la wa.

Zaã a sɛ́wɔ 19:4

Pilati nə́ n bɔyaa á daa kanaa doo á pɛ zaman lɛ nɛ: «Á ke, man die soe-n kanaa ma kɔ ka la, màn mɛn bɛ́ toɛ, ka dɔ̃ mà ma zɛ̀rɛbaa ǹ sii kɔ́n yɛ a ganaa wa.»

Nya ǹ dín 2:23

sɛnɛ, ká n tã, ká toa Lawa doɛ̃ baãnaan nə́ dere gɔn ganaa ǹ nə́ dɛ. Sɛnɛ, Lawa din na á saa lɛlɛ á bɛ yɔrɔ bɔ á koa.

Nya ǹ dín 7:52

Lawa a boo gii-dali kɛ mɛn nɛ, mà ka digolon manə ǹ fuu nyaa-n wa? Minin mɛnɛn nə goã Min Pepere kɛ a daa boo diɛ, táa ka digolon lɛn nə́ bɛn dɛ ǹ nə́ gã. Sisia, ka dininmaan dɔn nə́ bɛa Min Pepere kɛ lɛ kɔ a zɔ́ɔn la ǹ ná a nyin bɔ.