Zaã a sɛ́wɔ 19:11 - LAWA A BOO SONBORE 2011

¹¹ Yezu tɔ́n pɛ nɛ: «N ba boe la n sii kɔ́n zɛnaa masɛ nɛ, bɛ̀ Lawa ná a lɛ kɔ n la wa. Bɛ lɛ din taãn na á toa, min mɛn ma wɔ n gɔn, bɛa sii baraa á gole a mìi ni á la nsɛ wɔ nɛ.»

LAWA A BOO SONBORE

¹¹ Yezu tɔ́n pɛ nɛ: «N ba boe la n sii kɔ́n zɛnaa masɛ nɛ, bɛ̀ Lawa ná a lɛ kɔ n la wa. Bɛ lɛ din taãn na á toa, min mɛn ma wɔ n gɔn, bɛa sii baraa á gole a mìi ni á la nsɛ wɔ nɛ.»

Zaã a sɛ́wɔ 19:11 ပူးပေါင်းရင်းမြစ်များ

KZS1 29:11

Dɛnaa Lawa, kakabaa nɛ, pàã nɛ, tɔ golebaa nɛ, siĩnbaa nɛ ka golebaa nɛ, bɛn tumaa nə n din wɔ lɛa, lon gɔ́ɔ̃ nɛ ka tán la nɛ. N din nə kii lɛa, nsɛ mɛn bɛ màn tumaa mìi la.

Loen 39:9

Ma si maa sii baraan kɛn la, n nyan ma kɔ baãnaanan kɛn la, ǹ sɔ kɔ ma-a wa.

Loen 62:11

Ka baran n foo doa baraabaa sii zɛnaa ǹ gɔnɔn ganaa wa, màn mɛn bɛ́ n sii ka pàã nɛ, ka baran n yiri koa màn kɔn ganaa bɛ gɔ́ɔ̃-n wa. Bɛ̀ kaa naforon tá mɔnɛɛ, ka baran n foo kɔ bɛn la wa.

Busii pɛ 3:37

Die n boe la a boo da, a toa bɛa boo lɛ kaa lɛ? Dɛnaa Lawa din bie wa?

Danayeli sɛ́wɔ 4:17

Ma nə́ n da yɛ, gole, gegere, a sasabaa woo yǎa lon a labaran ganaa, min nə́ n toɛ kanaa paǹ tumaa nɛ a yii ná a ganaa.

Danayeli sɛ́wɔ 4:25

Sii lɛ tumaa nə́ n zɛnaa kii Nebukadenezɔɔrɔ nɛ.

Danayeli sɛ́wɔ 4:32

Kanaa minin tumaa ba màn kɔn lɛa a yɔrɔ-a wa. A din foo sii nə n zɛnɛɛ, lon a dia dí-a wolen laanka kanaa minin wɔ paǹ li. Min kɔn banban, bɛ boo la a na a gɔn kũ, a pɛ nɛ: «Wàa mɛn sii n ka kɛ nɛ n tá zɛnɛɛ?»

Danayeli sɛ́wɔ 5:21

Ǹ nə́ loo ǹ nə́ bɔ minbuiinin bii. A taasiɛ nə́ n bɔyaa á n baa ka tɔɔn wɔ bɛ́ lɔn. A na á goã kun ka don dundunun ni, buu soɛ̃ ka dii wɔ bɛ́ lɔn, pele goã piɛ̃ a ganaa. A na á goã bɛ lɛ gɔ́ɔ̃-n miɛ̃, yǎa a bɛ́ á dɔ̃ ǹ mɛn pinaa, mà lon a Lawa n minbuiinin kiibaa mìi la, mà a bɛ́ li a kɔ min mɛn la, mà a n koe bɛa dɛnaa la.

Matiə 26:65

Lawa a wúlu-bɔlen kiã nɔmaa a ná a din a mɔnaan kũ á ǹ toɛ̃, á pɛ: «Á Lawa tɔ ziziɛ̃! Wɔsɛn laadoo ba siére kɔsɔ-a doo wa! Ka bɛ́ ka a Lawa tɔ ziziɛ̃ ǹ boo lɛ ma.

Matiə 27:2

Ǹ nə́ Yezu yii, ǹ nə́ woo kɔ Rɔmun gánadɛnaa Pilati la.

Matiə 6:13

Sii mɛn bɛ́ damagɔ́ɔ̃li ǹ sii lɛa, bɛ wɔlɔ lui wɔ ganaa, sɛnɛ, wɔ kanbaa baraa ganaa. [A giala kiibaa nɛ, pàã nɛ ka gugurubaa nɛ, bɛn manə n din wɔ lɛa miɛ̃, yǎa duduu. A n miɛ̃.]

Marki 14:44

Zudaasi mɛn bɛ́ die Yezu koe ǹ la, á gòon yiɛ ǹ ganaa á sii a kɔnbɔ nyaa ǹ nɛ, á pɛ ǹ nɛ mà asɛ bɛ́ re fòo diɛ min mɛn nɛ a n sɔɔ a nɛ, mà a din lɛ nɛ. Mà ǹ kũ ǹ tamaa sɔnbɔraanɛ, ǹ wo ne.

Luku 22:53

Ma bɛ́ kun ka nɛ baraabaraa Lawa a kion ka ma kũ wa. Sɛnɛ sisia, biikoo kɛ na á n koa ka nɛ, a na á n koa wɔlɔ tì goledɛnaa Sɛtaan dɔ nɛ.»

Zaã a sɛ́wɔ 18:13

ǹ nə́ woo ne wúlu-bɔlen kiã zizi Anɛ a piɛ bɔrɔ. Kayifu mɛn bɛ́ wúlu-bɔlen kiã lɛa bɛa lɛ̀ lɛ-a, bɛ lɛ dàãgiĩ-n ka bɛa Anɛ lɛ nɛ.

Zaã a sɛ́wɔ 18:3

Bɛ lɛ nɛ, Zudaasi mɛ Rɔmu sɔraasi kuru kɔ́n nyɛɛnɛ, á woo dù gɔrɔ lɛ nɛ; Lawa a wúlu-bɔlen goledɛnan laanka *Fariziɛ̃n nə́ garadin dia kunun ǹ ni. Ǹ nə́ woo ka zia da ǹ mànan nɛ, ka bolonən ne, ka làpaa tɛn nɛ.

Zaã a sɛ́wɔ 19:10

Pilati tɔ́n pɛ nɛ: «Ma nə n lɛ tiɛ̃ masɛ lɛ? Pàã tá masɛ lon ma n si ma n da, pàã tá ma lon dɔ-n ma n dere gɔn ganaa. N ba bɛ doɛ̃ wa?»

Zaã a sɛ́wɔ 3:27

Zaã tɔ́n pɛ ǹ nɛ: «Min ba boe la a màn kɔ́n yɛ, bɛ̀ Lon a Lawa ná a kɔ la wa.

Zaã a sɛ́wɔ 7:30

Bɛ lɛ kio, ǹ nə́ ga Yezu kũ ǹ gɔn li. Sɛnɛ, min kɔ́n nə n gɔn da a ganaa wa, a giala, a biikoo tɔn dɔ wa.

Zaã a sɛ́wɔ 9:41

Yezu tɔ́n pɛ ǹ nɛ: «Bɛ̀ ka n yii tere-an lɛa, bɛ̀ sii ba ka mìi-n wa. Sɛnɛ, haalɛ tɔn pelo, ka n pii mà kasɛn yii á wɔlɔ yii, bɛ lɛ na á toa, kaa sii baraa tá tɔn ka mìi ni.»

Nya ǹ dín 2:23

sɛnɛ, ká n tã, ká toa Lawa doɛ̃ baãnaan nə́ dere gɔn ganaa ǹ nə́ dɛ. Sɛnɛ, Lawa din na á saa lɛlɛ á bɛ yɔrɔ bɔ á koa.

Nya ǹ dín 3:13

Abrahamu ni ka Izaaki laanka Zakɔba a Lawa lɛ, wɔsɛn digolon Lawa lɛa, bɛ lɛ na á Yezu lɛ saa lon á da gugurubaa nɛ a din li, a din a dí-nyali Yezu mɛn bɛ́ ǹ nə́ dɛ á gã. A na á goã kii gole Pilati gɔ́ɔ̃ nɛ a da, sɛnɛ, ka dinin man ka laa mà yaa a dii.

Nya ǹ dín 4:28

Lawa din saa lɛlɛ, á siin mɛnɛn taasɛ, á ǹ yɔrɔ bɔ á ǹ koa, minin lɛn man nə́ bɛn lɛ pã ǹ siin dininsɔɔ̃nɔn zɛnaa.

Rɔmu minin 11:36

A giala, màn tumaa n boe a din ni, a tumaa na a tan a din barka nɛ, a tumaa na a tan a din a lɛa. Lawa die a goã guguru miɛ̃ yǎa duduu. A n miɛ̃!

Rɔmu minin 13:1

Min din tumaa doamaa nɛ a goledɛnan bɔlɔ si. A giala, goledɛnaabaa kɔ́n banban, bɛ̀ bɛ ná a bɔ Lawa li wa. Goledɛnan mɛnɛn bɛ́ ǹ tan ke, ǹ koa na á bɔ Lawa li.

Zaaki 1:17

Lawa bɛ́ wɔ goe ka màn mɛn tumaa nɛ, màn sonbore ne, a lɛ piɛ̃maa nɛ. A din na á folo-kaalin zɛnaa á ǹ kaa lon. Lawa ba n bɔyɛɛ ka bɛa mànan lɛn bɛ́ lɔn, bɛ̀ a fúlu a wusoo a tii wa; bɔyaa ǹ gɔn ba a ganaa paǹ kɔ́n li wa.

Zaaki 4:17

Bɛ gɔ́ɔ̃ nɛ, bɛ̀ min mɛn tá sii sonbore zɛnaa ǹ gɔn doɛ̃, a ná a ba zɛnɛɛ wa, bɛa dɛnaa n sii baraa diɛ a din mìi ni.