Zaã a sɛ́wɔ 18:4 - LAWA A BOO SONBORE 2011

⁴ Sii mɛn tumaa bɛ́ re Yezu yii a bɛ́ a yii doɛ̃, á nɔmaa á woo n da ǹ lɛ á pɛ ǹ nɛ: «Ka ǹ giɛ die li?»

LAWA A BOO SONBORE

⁴ Sii mɛn tumaa bɛ́ re Yezu yii a bɛ́ a yii doɛ̃, á nɔmaa á woo n da ǹ lɛ á pɛ ǹ nɛ: «Ka ǹ giɛ die li?»

Zaã a sɛ́wɔ 18:4 ပူးပေါင်းရင်းမြစ်များ

Kiin1 18:10

N Lawa, Dɛnaa Lawa Yiikoonaa lɛ tɔ nɛ, gána kɔn din goã bɛ̀ maa dɛnaagiĩ Akaabu lɛ na a minin dia woe giɛ n li wa. Bɛ̀ ǹ nə́ pɛ mà ǹ nə n yɛ gána mɛn nɛ wa, Akaabu n bɛa gána lɛ diɛ liɛ ganaa.

Nehemii 6:11

Má tɔ́n na a lɛ si: «Ma din giĩ kɛ miã yoo ma baa si? Masɛ kɛ miã mɛn nə boe la a wɔ Lawa a kion, a la? Ma a we a-n wa.»

Loen 27:3

Bɛ̀ zia-baalin nə́ daa kɔ ma lɛ, nyɛ́ɛ goon ba ma ganaa wa. Haalɛ ta zia lɛ yoo, foo doa ǹ bǎã tá ma lon.

Loen 3:6

Má waa tán má nyuù wɔ. Ma yii bɛ́ á kaa, má yɛ máa Dɛnaa Lawa n maa dɔmalɛ wole lɛa.

Suusun 28:1

Min baraa n baa la, a da yaa min kɔn dɔ ba a kio lui wa. Min pepere n ka yàra nɛ bɛ́ lɔn a foo n doa nɛ.

Matiə 16:21

A saa bɛa biikoo lɛ ganaa, Yezu ná a giala kɔ á nyaa a kialandɛnan manɛ ka a fubaa nɛ, á pɛ: «Masɛ doamaa nɛ ma wo Zeruzalɛmu, ma nɔmaa Zuifun sii yɔrɔ-bɔlen gɔn parsiini: ǹ goledɛnan nɛ, ǹ Lawa a wúlu-bɔlen goledɛnan nɛ ka ǹ landa sii-daraalin ni. Ǹ tá re ma dii, maa gɛ̀ lɛawaa sɔɔ, ma yii á die kiɛ.»

Matiə 26:2

«Ka á doɛ̃ mà *kiɛ̃mala ǹ zɔ́n gialakun na á goã lɛawaa paa. Ǹ tá re Min a Nɛgiĩ koe minin la, ǹ dere gɔn ganaa.»

Matiə 26:21

Ǹ bɛ́ màn bii, Yezu pɛ ǹ nɛ: «Masɛ n pii ka nɛ, sonbore, ka dinin min goon nə die masɛ we maa zɔ́ɔn gɔn.»

Matiə 26:31

Bɛa biikoo li, Yezu pɛ a kialandɛnan manɛ: – Sii mɛn bɛ́ re n zɛnɛɛ masɛ-n pelo tèlò-n dinin, bɛ lɛ n die ka dinin tumaa a mɛnaa ǹ giala biɛ. A giala, a kiɛ̃maa tá Lawa a boo-n kɛnɛn: «Man die sèren-lɛduə̃li lɛ dii, sèren lɛn tá re sawɛɛ.»

Luku 24:44

Bɛ kio á pɛ ǹ nɛ: «Á ke man má goã má boon kɛn pɛ ka nɛ, bɛ̀ ma bɛ́ kun ka nɛ. Màn mɛn tumaa nə n kiɛ̃ masɛ wɔ gɔn la Muizu a dí-pɛn sɛ́wɔ nɛ, Lawa a boo gii-dalin wɔn nɛ, ka Loen sɛ́wɔ nɛ, yǎa bɛ lɛ tumaa lɛ piɛ̃.»

Zaã a sɛ́wɔ 13:1

*Kiɛ̃mala ǹ zɔ́n laan bɛ̀ á dɔ, Yezu dɔ̃ mà asɛ a biikoo dɔ, a n bɔ kanaa kɛ gɔ́ɔ̃ nɛ, a wo ǹ Di Lawa li. A goã a wɔn mɛnɛn lɛn narɛ kanaa lɛ gɔ́ɔ̃ nɛ biikoo tumaa waáraa, á wusoo á bɛn narɛ doo yǎa a dan ganaa.

Zaã a sɛ́wɔ 13:11

(Min mɛn bɛ́ re we a zɔ́ɔn gɔn, á bɛa dɛnaa dɔ̃. Bɛ lɛ na á toa á pɛ mà ǹ dinin tumaa ba yoreen wa.)

Zaã a sɛ́wɔ 18:5

Ǹ ná a lɛ si mà Nazarɛtin Yezu. Yezu tɔ́n pɛ ǹ nɛ: «Ma din lɛ-n ke.» Bɛ á zɛnɛɛ, Zudaasi mɛn bɛ́ we a zɔ́ɔn gɔn, bɛ̀ bɛ lɛ á kunun ǹ ni.

Zaã a sɛ́wɔ 18:7

Yezu wusoo á nɔ̀n da ǹ la mà maǹ giɛ die li? Ǹ ná a lɛ si mà Nazarɛtin Yezu.

Zaã a sɛ́wɔ 19:28

Bɛ kio, Yezu bɛ́ doɛ̃ mà sii din tumaa nə́ n zɛnaa á nya sisia, á n toa mà mu boro na asɛ ganaa. A na á bɛ pɛ, màn mɛn bɛ́ toɛ, Lawa a boo din tumaa lɛ pã.

Zaã a sɛ́wɔ 6:64

Sɛnɛ, minin tɛnɛn tá ka bii ǹ ba golee li wa. (Min mɛnɛn bɛ́ ǹ goã golee Yezu li wa, á bɛa dɛnan dɔ̃ a giala kɔ waáraa gɔrɔ; min mɛn dɔ bɛ́ re koe a zɔ́ɔn la, á bɛ dɔ a dɛnaa dɔ̃.)

Nya ǹ dín 2:28

Ma nə́ n yiikoonaabaa ǹ zii nyaa ma nɛ. N din a tá kun ma-n tá re ma foo kɔɔ̃n koe taãn-taãnɛ.»

Piɛrɛ1 4:1

*Krita lɛ bɛ́ á fuu yɛ a din gɔ̀nɔn nɛ, ka dɔn doamaa nɛ ka ka dinin yɔrɔ bɔ bɛa lɛa. A giala, min mɛn bɛ́ fuu yii a din gɔ̀nɔn nɛ, bɛa dɛnaa nə n dɔ̀ɔ̃ we sii baraa nɛ.