Zaã a sɛ́wɔ 18:33 - LAWA A BOO SONBORE 2011

³³ Pilati wusoo á wɔ kion. Á Yezu bíi, á nɔ̀n da la: «N din ni Zuifun kii lɛa?»

LAWA A BOO SONBORE

³³ Pilati wusoo á wɔ kion. Á Yezu bíi, á nɔ̀n da la: «N din ni Zuifun kii lɛa?»

Zaã a sɛ́wɔ 18:33 ပူးပေါင်းရင်းမြစ်များ

Zeremii 23:5

Á ke, lɛawaan tá re doe, Dɛnaa Lawa a da ǹ boo ne, Davida tɔrɔ taãn tá re yii, a kiibaa zɛnaa, ka yiridɛnaabaa nɛ. Á re peperebaa laanka sonborebaa zɛnɛɛ gána lɛ nɛ.

Sofonii 3:15

Zɛ̀rɛ mɛn tumaa bɛ́ ka bɔlɔ-a, Dɛnaa Lawa bɛ bɔ, á kaa zɔ́ɔn kaa baa la. Dɛnaa Lawa, Izirayelin kii tá kun ka ka nɛ. Ka nyan nyɛ́ɛ baa bɔ̀n nɛ doo wa.

Zakarii 9:9

*Siɔn kiwi, bɛ̀ baa ka n we tumaa nɛ! Zeruzalɛmu minin, ka foo kɔɔ̃nbaa ǹ lɛ dɛ! Ga, n kii n die n li. A n pepere, gɔ̀lɔ̀ lɛa, a nə n din boɛɛn koe. A na á dii dundun la, dundun nɛ la, dundun dan a nɛ.

Matiə 27:11

Yezu woo, á n bɔlɔ pɛ gánadɛnaa yɔrɔ-a. Bɛ́ nɔ̀n da la: «N din lɛ n Zuifun kii lɛa ya?» Yezu tɔ́n pɛ: «N din nə bɛ pii.»

Matiə 27:27

Gánadɛnaa a sɔraasin nə́ woo ka Yezu ni a sumu-n. Sɔraasin tumaa daa a lɛnpɛnɛ walan.

Marki 15:2

Pilati nɔ̀n da la kɛnɛn: «N din lɛ n Zuifun kii lɛa?» Yezu tɔ́n pɛ nɛ mà a din nə bɛ pii.

Luku 23:2

Ǹ nə́ yoo ǹ tá a gòãn kuri ǹ nə́ pii mà ǹsɛn man nə́ woo giĩ kɛ yaa ǹsɛn gána minin yiri siɛ̃. A n pii, mà ǹ baran nyin giɔ̀mɔ saraa Rɔmun kii gole gole lɛ la wa. Ka bɛ dɔ nɛ, a n pii mà Minin Nyin-sili lɛn ka asɛ nɛ, mà asɛ n kii dɔ lɛa.

Zaã a sɛ́wɔ 1:49

Bɛ kio, Natanayeli tɔ́n pɛ Yezu ni: «Mìinaa, masɛ dɔ̃ sisia, máa ma n Lawa a Nɛ lɛa, máa ma n Izirayeli minin kii lɛa.»

Zaã a sɛ́wɔ 12:13

Ǹ nə́ sèwo luun goa ǹ nə́ woo n da lɛ, ǹ nə́ goã n lɛ dii: «Lawa da ka n bǐɛ̃ nɛ! Min mɛn bɛ́ die ka Dɛnaa tɔ nɛ, Lawa barka wɔ n nɛ! Lawa barka wɔ Izirayelin kii lɛ nɛ!»

Zaã a sɛ́wɔ 12:15

«Zeruzalɛmu minin, ka baran nyɛ́ɛ baa wa. Kaa kii lɛ á ke á dii dundun banɛɛ la á die.»

Zaã a sɛ́wɔ 18:34

Yezu ná a lɛ si á pɛ nɛ mà a n bɛ pii a din mìi gialaa hinlaa mà minin man nə́ asɛ boo da nɛ?

Zaã a sɛ́wɔ 18:37

Pilati tɔ́n pɛ nɛ mà a n kii lɛa le? Yezu ná a lɛ si: «N din nə pii mà man kii lɛa. Masɛ n má yɛ má daa sonbore nyaa kanaa gɔ́ɔ̃ nɛ. Min woo min tá sonborebaa ǹ zii tɔ we, bɛa dɛnaa nə n too koe masɛ a boo ganaa.»

Zaã a sɛ́wɔ 18:38

Pilati tɔ́n nɔ̀n da la mà sonbore n wàa lɛa? Pilati nə n lɛ bɔ bɛa boo lɛ-a lɔn, á soo kanaa doo á woo Zuifun lɛn li, á pɛ ǹ nɛ: «Masɛ yii ba zɛ̀rɛbaa ǹ sii kɔ́n ganaa a wɔ a paǹ li wa.

Zaã a sɛ́wɔ 19:12

A kũ bɛ-a lɔn, Pilati na á goã giɛ a da ǹ gɔn li. Sɛnɛ, Zuifun lɛn nə́ kaa lɛ-dɛ nɛ doo, ǹ nə́ pii: «Bɛ̀ n da sɛn, n ba Rɔmun kii gole gole a giaára lɛa wa! A giala, min woo min tá n din biɛ kii lɛa, bɛa dɛnaa nə n din diɛ kɔn ka kii gole gole ne.»

Zaã a sɛ́wɔ 19:3

Maǹ nə n zoɛ̃ bɛ̀ ǹ dɔ a li bɛ̀ ǹ pɛ-n kɛnɛn: «Fòo le, Zuifun kii!» Ǹ nə́ goã n gɔn tɔtoe a para-n.

Zaã a sɛ́wɔ 19:4

Pilati nə́ n bɔyaa á daa kanaa doo á pɛ zaman lɛ nɛ: «Á ke, man die soe-n kanaa ma kɔ ka la, màn mɛn bɛ́ toɛ, ka dɔ̃ mà ma zɛ̀rɛbaa ǹ sii kɔ́n yɛ a ganaa wa.»

Zaã a sɛ́wɔ 19:9

Á wusoo á woo wɔ kion doo á nɔ̀n da Yezu la mà asɛ kɛ lɛ, mà a n boe maa? Yezu na a lɛ si ka boo kɔ́n nɛ wa.

Timote1 6:13

Man boo kɛ pii, ma á laɛ n ganaa Lawa yɔrɔ-a, asɛ mɛn bɛ́ yiikoonaabaa koe màn din tumaa la. Man laɛ n ganaa Yezu Krita dɔ yɔrɔ-a, bɛ mɛn bɛ́ á golee Lawa li ǹ siére sonbore pɛ Pɔnsi Pilati yɔrɔ-a.