Zaã a sɛ́wɔ 17:23 - LAWA A BOO SONBORE 2011

²³ Man kunun ǹ ni, ka n bɛ́ kun ka masɛ-n lɔn, màn mɛn bɛ́ toɛ, ǹ goã goon toto, kanaa minin nə boo la, ǹ dɔ̃ ka bɛ nɛ mà n din ni ń masɛ dia, ma n nə́ ǹ narɛ dɔn, ka n bɛ́ n masɛ narɛ lɔn.

LAWA A BOO SONBORE

²³ Man kunun ǹ ni, ka n bɛ́ kun ka masɛ-n lɔn, màn mɛn bɛ́ toɛ, ǹ goã goon toto, kanaa minin nə boo la, ǹ dɔ̃ ka bɛ nɛ mà n din ni ń masɛ dia, ma n nə́ ǹ narɛ dɔn, ka n bɛ́ n masɛ narɛ lɔn.

Zaã a sɛ́wɔ 17:23 ပူးပေါင်းရင်းမြစ်များ

Zaã a sɛ́wɔ 10:38

Sɛnɛ, bɛ̀ ma tá bɛn nyɛɛ, haalɛ ta ka ba re golee masɛ li wa, ka waa bɛa zɛnaa ǹ siin lɛn sɛn la, màn mɛn bɛ́ toɛ, ka dɔ̃ taãn-taãnɛ, mà maa Díi tá kun ka ma nɛ, ka masɛ dɔ bɛ́ kun ka maa Díi-n lɔn.»

Zaã a sɛ́wɔ 13:35

Bɛ̀ ka tá kɔn narɛ, min tumaa á re doɛ̃, mà ka n masɛ a kialandɛnan lɛa.»

Zaã a sɛ́wɔ 14:10

N ba wɛɛ la mà ma á kun ka maa Díi ni, mà maa Díi dɔ á kun ka masɛ-n wa? Ma bɛ́ boon mɛnɛn pii ka nɛ, ma bie ǹ pii ma din mìi gialaa wa dɛ! Maa Díi mɛn bɛ́ kun ka masɛ nɛ, a din na a nya ǹ dín nyɛɛ.

Zaã a sɛ́wɔ 14:23

Yezu pɛ nɛ: – Bɛ̀ min mɛn tá masɛ narɛ, bɛa dɛnaa tá re masɛ a boo sii. Maa Díi dɔ á re bɛa dɛnaa narɛ, ma laanka maa Díi á re die bɛa dɛnaa li, wɔ giã a li.

Zaã a sɛ́wɔ 15:9

Maa Díi masɛ narɛ lɔn ke, masɛ n má ka dɔn narɛ miɛ̃. Ka giã masɛ a kɔn-narɛɛ kɛ lɛ gɔ́ɔ̃ nɛ!

Zaã a sɛ́wɔ 16:27

A giala, maa Díi dinmaa tá ka narɛ. A n ka narɛ a giala, ka dɔn tá masɛ narɛ, ka waa la dɔn, mà masɛ n má bɔ Lawa li má daa.

Zaã a sɛ́wɔ 17:11

Kɛ kio, masɛ a re goɛ̃ kanaa kɛ-n doo wa; ǹsɛn tá re goɛ̃ kanaa lɛ nɛ, sɛnɛ, man woe n din li. Maa Díi Sonbore, n din pàã mɛn kɔ masɛ la, ǹ tamaa ka bɛ lɛ nɛ, màn mɛn bɛ́ toɛ, ǹ dɔn nə goã goon ka wɔsɛn bɛ́ goon lɔn.

Zaã a sɛ́wɔ 17:21

Maa Díi, ǹ tumaa baa goon. Wɔsɛn bɛ́ goon lɔn ke, a toa ǹ dɔn nə goã goon ka wɔsɛn bɛ́ lɔn, màn mɛn bɛ́ toɛ, kanaa minin nə waa la, mà n din ni n masɛ dia.

Zaã a sɛ́wɔ 17:24

Maa Díi, n min mɛnɛn kɔ masɛ la, ma din bɛ́ re goɛ̃ bǎã mɛn nɛ, man giɛ li, ǹ dɔn nə goã walan kun ka masɛ nɛ. N din gugurubaa mɛn kɔ masɛ la, ǹ bɛ yɛ, a giala, ń masɛ narɛ, haalɛ bɛ̀ kanaa tɔn nə n zɛnaa wa.

Zaã a sɛ́wɔ 17:26

Má n tɔ nyaa ǹ nɛ, ma á die wusii ma nyaa ǹ nɛ doo, màn mɛn bɛ́ toɛ, n masɛ narɛ lɔn, bɛa kɔn-narɛɛ kɛ lɛ goã ǹ dɔn lon, masɛ dɔ́ goã kunun ǹ ni.»

Zaã a sɛ́wɔ 17:3

Nyin nyabaã lɛ n ke, ǹ nə n din lɛ dɔ̃, Lawa taãn goon toto lɛa, n masɛ Yezu *Krita mɛn dɔ dia, ǹ ma dɔ dɔ̃.

Zaã a sɛ́wɔ 17:8

N boon mɛnɛn pɛ masɛ nɛ, man má bɛn lɛn pɛ ǹ nɛ, ǹ nə́ lɛ kɔ bɛa boon lɛn ganaa. Ǹ tá doɛ̃ taãn-taãnɛ, mà masɛ n má bɔ n din Lawa li, ǹ nə́ waa la dɔn, mà n din ni n má dia.

Zaã a sɛ́wɔ 3:17

Lawa bie a ná a Nɛgiĩ lɛ dia kanaa gɔ́ɔ̃ nɛ, mà a da kiri wɔ kanaa minin ganaa wa, sɛnɛ, a na á dia mà a da ǹ kirisibaa.

Zaã a sɛ́wɔ 6:56

Bɛ̀ min mɛn masɛ gɔ̀nɔn siĩ sɔ̃, á ma mà mi, man goɛ̃ kun ka bɛa dɛnaa nɛ, bɛa dɛnaa dɔ n goɛ̃ kun ka masɛ nɛ.

Korɛnti1 1:30

Sɛnɛ, Lawa na á wɔ bíi, á wɔ kaa kun ka Yezu Krita nɛ. A din na á n baa sii-doɛ̃ lɛa, peperebaa nɛ, *yoreenbaa lɛa ka kirisibaa nɛ, wɔ nɛ.

Korɛnti2 5:21

Sii baraa kɔ́n goã Krita li wa, sɛnɛ, Lawa na á wɔa sii baraan guĩ da a din lɛ mìi ni, ń giɛ, wɔ á min peperen biɛ asɛ din yɔrɔ-a Krita pàã ganaa.

Galaasi minin 3:28

Kanna, Zuifu laanka tɔrɔ kɔsɔ bɔkɔnlɛ banban doo wa. Bɛ̀rɛ laanka tá ma din gɔn wìi a lɛa wole bɔkɔnlɛ banban doo wa. Lɔ laanka giĩ bɔkɔnlɛ banban doo wa. A giala, ka tumaa n màn goon lɛa Yezu Krita wɔ gɔ́ɔ̃ nɛ.

Filipi minin 3:15

Wɔsɛn mɛnɛn tumaa bɛ́ wɔ́ woo nyɛɛn goleemali gɔ́ɔ̃ nɛ, ka toa wɔa taasiɛ goã bɛa yɔrɔ goon kɛ la. Sɛnɛ, ta min tɛnɛn tá ka bii, ǹ nə́ n taasɛ ka yɔrɔ kɔsɔ nɛ, Lawa á re wɔlɔ fúlu kiɛ ka ganaa bɛn sii taman yii.

Kolɔɔsi minin 1:28

Bɛ lɛ nɛ, wɔ á Krita lɛ boo diɛ min din tumaa nɛ. Min bɛ́ boe la a sii mɛn tumaa dɔ̃, wɔ nə n gɔn wɛɛ min gogoonmaa nɛ, wɔ n darɛɛ bɛ ganaa, màn mɛn bɛ́ toɛ, min gogoonmaa boo la, a n din nyaa Lawa yɔrɔ-a min lɛ piɛ̃ lɛa, a kaa-kun ka Krita-n kɛ a lɛa.

Kolɔɔsi minin 2:2

Man giɛ li máa ka foo tãbaa yɛ, ka kaa kun taãn-taãnɛ kɔn-narɛɛ gɔ́ɔ̃ nɛ. Man giɛ li máa ka sii-doɛ̃ sonbore yɛ parsiini, là bɛ́ sii-doɛ̃ mɛn nɛ, Lawa din duru á daa dɔ pelo ganaa, bɛ giala, mà *Krita din.

Kolɔɔsi minin 3:14

Bɛ din tumaa kio, ka toa kɔn-narɛɛ goã ka foo ne, a giala, kɔn-narɛɛ lɛ n toɛ, Lawa a bǐɛ̃ màn gialakun kɛ lɛ yii lɛ pã sɔnbɔraanɛ.

Piɛrɛ1 5:10

Sɛnɛ, ka bɛ́ fuu yii biikoo boɛɛn kɛ gɔ́ɔ̃-n ke, bɛ kio, bǐɛ̃ tumaa zɛnaali Lawa mɛn bɛ́ á ka bíi, mà ka kaa wɔ gii yɛ a din a gugurubaa nyabaã wole kɛ nɛ, kaa kaa-kun Krita-n lɛ barka nɛ, bɛa Lawa lɛ dinmaa n die ka gòãn doɛ doo, a ka foo taã, a pàã kɔ ka la, a ka kaa gòãn koa ǹ bǎã sonbore ne.

Zaã1 1:3

Wɔ màn mɛn ma, wɔ́ yɛ dɔn, wɔ ǹ bɛ lɛ pii ka dɔn nɛ, ń giɛ kaa-kun mɛn bɛ́ wɔ bii ni ka Díi Lawa nɛ, ka a Nɛgiĩ Yezu *Krita nɛ, ka dɔn nə goã kun ka wɔ nɛ bɛ gɔ́ɔ̃ nɛ.

Zaã1 3:1

Díi Lawa lɛ bɛ́ wɔ narɛ á la yii-n lɔn, ka ga bɛ ganaa! Maǹ wɔ bíi Lawa a nɛnyaanan. Taãn nɛ, wɔ n Lawa a nɛnyaanan dɔn lɛa sonbore. Bɛ lɛ n ke, kanaa kɛ a wɔ doɛ̃ wa, a giala, mà a Lawa dɔ̃ wa.

Zaã1 4:19

Wɔsɛn wɔ paǹ li, wɔ ǹ Lawa narɛ, a giala, Lawa na á wɔ narɛ bibinaanɛ.

Sii-nyaan 3:9

Min mɛnɛn bɛ́ n dinin biɛ Zuifun lɛa, ǹ nə́ ǹ ba a lɛa dɔn wa, maǹ soɛ boe, maǹ *Sɛtaan a lɛ-kaakun minin lɛa, ma á re ǹ kuĩ ka pàã nɛ, ǹ da kaa tán ka giulun. Ǹ tá re doɛ̃ ka bɛ nɛ, mà ma á ka narɛ.