Zaã a sɛ́wɔ 16:14 - LAWA A BOO SONBORE 2011

¹⁴ Á re maa gugurubaa nyɛɛ, a giala, a n die masɛ din wɔ sii a pɛ ka nɛ.

LAWA A BOO SONBORE

¹⁴ Á re maa gugurubaa nyɛɛ, a giala, a n die masɛ din wɔ sii a pɛ ka nɛ.

Zaã a sɛ́wɔ 16:14 ပူးပေါင်းရင်းမြစ်များ

Zakarii 12:10

Man die sonborebaa ǹ yiri laanka Lawa nyankɔ ǹ yiri koe Davida a sumu minin laanka Zeruzalɛmu minin la. Ǹ masɛ mɛn lɛ fɔ̃, ǹ tá re n yiin doɛ ma la, bɛ lɛ taman yii. Ǹ tá re gɛ̀ loe loe la, ka ǹ bɛ́ nɛgiĩ goon toto a gɛ̀ loe loe lɔn. Maǹ die wuu pii la, ka ǹ bɛ́ nɛgiĩ bibinaa a gɛ̀ wuu pii lɔn.

Zaã a sɛ́wɔ 14:21

Bɛ̀ min mɛn lɛ kɔ masɛ a dí-pɛn lɛn ganaa, á kɔ ǹ lɛ, bɛa dɛnaa n masɛ narɛ; bɛ̀ min mɛn dɔ tá masɛ narɛ, maa Díi dɔ á re bɛa dɛnaa narɛ, ma dɔ á re bɛa dɛnaa narɛ, ma n din nyaa nɛ.»

Zaã a sɛ́wɔ 15:26

Ma bɛ́ re n toɛ maa Díi li, ma Dɔmalɛ Wole mɛn dia ka la, Yiri Fu sonbore-pɛle kɛ lɛ boe maa Díi li, bɛ̀ bɛ lɛ daa ǹ mɛn waáraa, á die siére biɛ masɛ a lɛa.

Zaã a sɛ́wɔ 7:39

(Yezu na á pɛ miɛ̃, á goã boo diɛ Lawa a Yiri Fu wɔ gɔn la, a goleemali wolen bɛ́ re ǹ mɛn yii. Sonbore, bɛa biikoo li, bɛ̀ Lawa a Yiri Fu tɔn nə n kɔ ǹ la wa, a giala, bɛ á zɛnɛɛ, bɛ̀ Lawa tɔn gugurubaa kɔ Yezu la bɔrɔ wa.)

Korɛnti1 12:3

Bɛ lɛ nɛ, ma á pii ka nɛ foaãnɛ: Min kɔ́n ba boe la a goã Lawa a Yiri Fu pàã giulun, a boo baraa dɔ da Yezu ganaa wa. Min kɔ́n dɔ a boe la a pɛ mà Yezu n Dɛnaa lɛa, bɛ̀ Yiri Fu ná a ba kun ni wa.

Korɛnti2 4:6

Lawa mɛn bɛ́ á pɛ mà wɔlɔ fúlu yɛ wɔlɔ tì bii, a din na á toa wɔlɔ fúlu tɛ pɛ ma dɔ foo ne. Lawa a gugurubaa mɛn bɛ́ tɛ pii Yezu Krita yɔrɔ nɛ, a n mà minin nə boo la ǹ bɛ dɔ̃.

Galaasi minin 5:5

Wɔsɛn foo n doa nɛ wáa Lawa á re wɔ biɛ min peperen lɛa. Wɔ nə n yii diɛ bɛ lɛ la Yiri Fu barka nɛ, asɛ mɛn bɛ́ dí nyɛɛ wɔa goleemali gɔ́ɔ nɛ.

Piɛrɛ1 2:7

Haya kəni, kasɛn golee Lawa li wolen lɛn, kɔlɔ kɛ lɛ a barka n kasɛn wɔ lɛa. Sɛnɛ, golee Lawa li baãnaan kɛn, bɛn wɔ á ke: «Kion-dɔlen nə n piã ka kɔlɔ mɛn nɛ, bɛ lɛ na á kɛ gùrù dɔ ǹ kɔlɔ baa.

Zaã1 3:23

A bɛ́ màn mɛn pii wɔ-n dí lɛa, bɛ á ke: Wɔ golee a Nɛgiĩ Yezu Krita tɔ li, wɔ kɔn narɛ, ka Krita bɛ́ á pɛ wɔ-n dí lɛa lɔn.

Zaã1 5:20

Wɔ á doɛ̃, wáa Lawa a Nɛgiĩ na á daa, á yiri kɔ wɔ la, mà wɔ Lawa Taãn kɛ dɔ̃. Wɔ ǹ goɛ̃ kun ka Lawa Taãn kɛ nɛ, a din a Nɛgiĩ Yezu Krita pàã ganaa. A din Yezu lɛ n Lawa Taãn lɛ lɛa, a din dɔ n nyin nyabaã dɔ lɛa.

Zaã1 5:6

Min mɛn da wɔ li, bɛ n ka Yezu *Krita nɛ. A na á daa ka a *batɛmu yɛ ǹ mu ni, ka a gɛ̀-wɔ ǹ mà nɛ. A bie á daa ka mu dinsɔɔ̃-n wa, sɛnɛ, a na á daa ka mu ni, ka mà nɛ. Yiri Fu din nə bɛa siére pii, a giala, a n sonbore lɛa.

Sii-nyaan 19:10

Má kaa tán lon a dia dí-a wole lɛ giulun, máa ma na a guguru koe. Sɛnɛ, á pɛ ma nɛ: «N nyan toa n bɛ zɛnaa wa! Lawa din sɔɔ̃ guguru kɔ. Masɛ dɔ n Lawa a dí-nyali lɛa ka n dɔ bɛ́ lɔn, ka n dɔɔ̃nɔn mɛnɛn bɛ́ Yezu boo taãn nyaa ǹ nɛ, a nə́ ǹ gɔn.» Yezu boo taãn mɛn nyaa, a din ni Yiri Fu nyaa Lawa a boo gii-dalin dɔn manɛ.