Zaã a sɛ́wɔ 15:6 - LAWA A BOO SONBORE 2011

⁶ Bɛ̀ min mɛn ba doa-n kɔn ka masɛ-n wa, bɛa dɛnaa nə n zuĩ kanaa ka da gùrù bɛ́ lɔn, a laa. Bɛ kio, maǹ bɛa da gùrù geren lɛn goɛ ǹ nə ǹ kaa tɛ-n ǹ kũ.

LAWA A BOO SONBORE

⁶ Bɛ̀ min mɛn ba doa-n kɔn ka masɛ-n wa, bɛa dɛnaa nə n zuĩ kanaa ka da gùrù bɛ́ lɔn, a laa. Bɛ kio, maǹ bɛa da gùrù geren lɛn goɛ ǹ nə ǹ kaa tɛ-n ǹ kũ.

Zaã a sɛ́wɔ 15:6 ပူးပေါင်းရင်းမြစ်များ

Samayeli2 23:7

Min mɛn bɛ́ n gɔn diɛ a ganaa, yǎa a fɔlɔ siɛ a gɔn, hinlaa sɛmiɛ̃ bàlà, a na a tumaa tã a din bǎã-n lenlen.

Zɔbu 15:30

A die baa sii a la wɔlɔ tì kɛ la wa, a n die goɛ̃ ka da mɛn bɛ́ tɛ ná a gùrùn laa. Lawa á re siɛ a kiɛ̃ nɛ, ka a din lɛ gɔ́ɔ̃ ǹ piɛ̃ nɛ.

Loen 80:15

Lawa Pàãyiidɛnaa, wusoo n daa kəni, sii mɛn bɛ́ n zɛnɛɛ, n toa lon, n ga n bɛ yɛ. N din sii kɔn zɛnaa, n da nɛ-kɔle kɛa lɛa.

Izayii 14:19

Sɛnɛ, nsɛ, ǹ nə́ n zũ tán kànaa, sɔsɔɔ n yala ganaa, ka nɛnyaan mɛn nə́ ke á yɛ gere lɛa, nyɛ́ɛ diɛ, ka gere mɛn nə́ ke, ǹ nə́ yɔyɔrɛ. Ǹ min mɛnɛn fɔ̃ ka gɔya nɛ, ǹ nə́ ǹ geren kaa kɔlɔn lalan yala gole kɛ nɛ, bɛn man koe ne n gere lɛ.

Izayii 27:10

Kiwi ke tamaa nɛ, min kɔn ba re goɛ̃ bɛ-n doo wa. A gɔ́ɔ̃ kooro n die goɛ̃, ǹ tá re n la boe a ganaa ka diə gole bɛ́ lɔn. Diin tá re buu soɛ̃ walan, ǹ tá re n susui a nɛ, ǹ tá re a da bisinin luu soɛ̃.

Ezekieli 17:9

A pɛ mà masɛ Dɛnaa Lawa gole n kɛ pii: Rezɛ̃ da lɛ á re bǐɛ̃ koe sonbore? Giogialatã-a bibinaa lɛ á re a gòonən lɛn woɛ̃, á re toɛ a nɛ bɛbɛnɛ, a laa. A gùrù diin mɛnɛn tumaa nə n woɛ̃, bɛn tá re laɛ. A woɛ̃ din bie sii kaka lɛa wa, a bie min gigiã sii dɔ lɛa wa!

Matiə 13:41

Masɛ Min a Nɛgiĩ á re maa dia dí-a wolen diɛ. Min mɛnɛn dinin tumaa bɛ́ sii baraa zɛnɛɛ, ǹ nə́ ǹ miãn dɔn nyanɛɛ ǹ kiɛ a nɛ, ǹ tá re bɛn wɛɛ ǹ nə ǹ bɔ Lawa a kiibaa ǹ bǎã lɛ nɛ,

Matiə 27:5

Zudaasi nə́ n gɔn bɔ wɔrɔ lɛ ganaa, á pɛsɛ̃ tán Lawa a kion, á soo á woo n din bɔlɔ da biɛ nɛ.

Matiə 3:10

Lawa a kiri-kurii lɛ a biikoo dɔ á nya, a n die n biɛ ka sɛ̀miɛ̃ dɔ da giala-n bɛ́ lɔn. Da mɛn din tumaa bɛ́ a nɛ sonbore koe wa, maǹ die bɛ kuri ǹ zũ tɛ-n.

Matiə 7:19

Da mɛn din tumaa bɛ́ a ba nɛ sonbore koe wa, bɛ lɛ nə n kukuri a n kaa tɛ-n.

Zaã a sɛ́wɔ 15:2

Bɛ̀ da gùrù mɛn tá masɛ ganaa, a ná a nɛ koe wa, a n bɛ kuri; bɛ̀ ǹ mɛn tá nɛ koe, a n bɛ karan zɛnɛ a bǐɛ̃ kɔ, màn mɛn bɛ́ toɛ, màn wusoo a mɛ a nɛ kɔ li doo.

Ebrəə 10:27

Sɛnɛ, yii da kiri-kurii laanka tɛ la dinsɔɔ̃ na a tan, bɛ n nyɛ́ɛ sii gole lɛa. Bɛa tɛ lɛ n die Lawa bɔlɔ tii wolen kuĩ ka lenlen.

Piɛrɛ2 2:20

Sonbore, min mɛnɛn bɛ́ ǹ nə́ n si kanaa a sii gɔgɔrɛ zɛnaan kɛn la, wɔa Dɛnaa laanka wɔ Nyin-sili Yezu *Krita kɛ a doɛ̃ barka nɛ, bɛ̀ bɛn nə́ toa bɛa siin kɛn lɛn nə́ boo ǹ la, ǹ nə́ ǹ kũ doo, bɛn sisiamaa n baraa koe a la ǹ lɛlɛmaa nɛ.

Zaã1 2:19

Bɛa minin kɛn lɛn man nə́ soo wɔ dinin li, sɛnɛ ǹ bie ǹ nə́ goã wɔa wɔn lɛa wa. Taãn nɛ, bɛ̀ maǹ nə́ goã wɔa wɔn lɛa, bɛ̀ ǹ nə́ goã kun ka wɔ nɛ. Sɛnɛ, ǹ na a bɔ wɔ ganaa kɛ lɛ na á nyaa foaãnɛ, mà ǹ kɔ́n ba wɔa wɔ lɛa sonbore wa.

Sii-nyaan 20:15

Min mɛnɛn tumaa tɔ bɛ́ a yɛ yiikoonaabaa ǹ sɛ́wɔ lɛ-n wa, ǹ nə́ bɛn tumaa zũ tɛ panapana lɛ nɛ.

Sii-nyaan 21:8

Sɛnɛ, fɔ̃ ma din baa lɛ wolen wɔa paǹ li, ka bɔlɔgoondɛnaabaabaã wolen ne, min gɛsɛn nɛ, gɛ̀-dɛlen ne, din kũ doɛ̃baã wolen ne, minin yiri sã ǹ dagòã-bɔlen ne, dì wúlu-bɔlen ne, ka soɛ-bɔlen ne, bɛn tumaa a woo ǹ bǎã n ka kiribi tɛ panapana kɛ nɛ. A din lɛ dɔ n gɛ̀ paabaa ǹ wɔ lɛa.»