Zaã a sɛ́wɔ 15:22 - LAWA A BOO SONBORE 2011

²² Bɛ̀ ma bie má daa lɛlɛ má boo da ǹ nɛ wa, bɛ̀ sii baraa ba ǹ mìi-n wa. Sɛnɛ, sisia, ǹ sii baraa kɛa sabara banban.

LAWA A BOO SONBORE

²² Bɛ̀ ma bie má daa lɛlɛ má boo da ǹ nɛ wa, bɛ̀ sii baraa ba ǹ mìi-n wa. Sɛnɛ, sisia, ǹ sii baraa kɛa sabara banban.

Zaã a sɛ́wɔ 15:22 ပူးပေါင်းရင်းမြစ်များ

Ezekieli 2:5

Ǹ bɛ́ n piã-wɔlen lɛn lɛa, bɛ̀ ǹ nə́ n too kɔ n lon, ta ǹ nə n too kɔ ǹ lon wa, ǹ tá re doɛ̃, mà Lawa a boo gii-dali tá ǹsɛn bii.

Luku 12:46

Bɛa dí-nyali kɛ lɛ a dɛnaagiĩ á re die ǹ kɔ́n pinaa, a yiri ná a ba lɛawaa mɛn li wa, ka biikoo mɛn dɔ bɛ́ a ná a ba doɛ̃ wa. A dɛnaagiĩ lɛ á die dɔlɔ boe a ganaa taãn-taãn, a loo a da kun Lawa bɔlɔ tii wolen ne, a na a nɔmaa gialakun yɛ walan.

Zaã a sɛ́wɔ 12:48

Bɛ̀ min mɛn nə́ n piã ka masɛ nɛ, a ná a lɛ kɔ maa boo kɛ dɔ-a wa, bɛa dɛnaa a kiri-wɔle tan. Ma boo mɛn da, bɛ lɛ n die kiri kuri la kanaa a nya pinaa.

Zaã a sɛ́wɔ 15:23

Min mɛn bɛ́ masɛ biɛ zɔ́ɔ, bɛa dɛnaa n masɛ a Díi dɔ biɛ zɔ́ɔ.

Zaã a sɛ́wɔ 15:24

Siin mɛnɛn bɛ́ min kɔ́n din ná a tɔn nə ǹ miã zɛnaa duduu wa, bɛ̀ ma bie má bɛn zɛnaa ǹ bii kɛnɛn wa, bɛ̀ sii baraa ba ǹ mìi-n wa. Sɛnɛ, sisia, a laanɛ ǹ nə́ bɛa siin lɛn yɛ, maǹ wusii n tiɛ̃ la ǹ tá masɛ laanka maa Díi biɛ zɔ́ɔ.

Zaã a sɛ́wɔ 16:9

Á re ǹ sii baraa nyɛɛ ǹ nɛ a giala, ǹ golee masɛ li wa.

Zaã a sɛ́wɔ 19:11

Yezu tɔ́n pɛ nɛ: «N ba boe la n sii kɔ́n zɛnaa masɛ nɛ, bɛ̀ Lawa ná a lɛ kɔ n la wa. Bɛ lɛ din taãn na á toa, min mɛn ma wɔ n gɔn, bɛa sii baraa á gole a mìi ni á la nsɛ wɔ nɛ.»

Zaã a sɛ́wɔ 9:41

Yezu tɔ́n pɛ ǹ nɛ: «Bɛ̀ ka n yii tere-an lɛa, bɛ̀ sii ba ka mìi-n wa. Sɛnɛ, haalɛ tɔn pelo, ka n pii mà kasɛn yii á wɔlɔ yii, bɛ lɛ na á toa, kaa sii baraa tá tɔn ka mìi ni.»

Nya ǹ dín 17:30

Á ke, Lawa ga bɛa sii-doɛ̃baã biikoon kɛn ganaa wa. Sɛnɛ, sisia a n pii min din tumaa nɛ, bǎã tumaa nɛ, mà ǹ doamaa nɛ ǹ nə n bɔyaa ǹ golee asɛ li.

Rɔmu minin 1:20

Sonbore, min ba boe la a Lawa yɛ wa, sɛnɛ, a nə n din nyɛɛ minin manɛ ka a nya ǹ dín ni, a kũ kanaa diɛ biikoo ganaa. Bɛ lɛ taman yii, minin tá boe la ǹ na a pàã nyabaã wole kɛ dɔ̃, ka a Lawabaa kɛ nɛ, yǎa ǹ baran n yiin tã wa. Bɛ lɛ nɛ, sonbore yɛ ǹ gɔn kɔ́n ba ǹ lon wa.

Rɔmu minin 2:1

Nsɛ min ke, nsɛ mɛn bɛ́ n miãn zɛ̀rɛ biɛ, sonbore yɛ ǹ bǎã goon ba n lon wa. N bɛ́ n miãn zɛ̀rɛ biɛ, ma nə n din dɔ zɛ̀rɛ biɛ, a giala, nsɛ mɛn bɛ́ n miãn zɛ̀rɛ biɛ, n din dɔ n bɛa siin lɛn zɛnɛɛ.

Zaaki 4:17

Bɛ gɔ́ɔ̃ nɛ, bɛ̀ min mɛn tá sii sonbore zɛnaa ǹ gɔn doɛ̃, a ná a ba zɛnɛɛ wa, bɛa dɛnaa n sii baraa diɛ a din mìi ni.

Piɛrɛ1 2:16

Ka ǹ ka dinin gɔn wìi a lɛa, sɛnɛ, ka baran taasɛ mà ka bɛ́ ka dinin gɔn wìi a lɛa ke, mà ka á boe la ka sii baraa zɛnaa, bɛ̀ a ná a ba n doɛ̃ wa. Ka tɔ wɔ ka n pɛ mà ka ǹ Lawa a bɛ̀rɛn lɛa.