Zaã a sɛ́wɔ 15:19 - LAWA A BOO SONBORE 2011

¹⁹ Bɛ̀ ka n kanaa kɛ wɔn lɛa kɛnɛn, bɛ̀ kanaa tá ka narɛ a din wɔn lɛa. Sɛnɛ, ka bie kanaa kɛ wɔn lɛa wa, masɛ din ni má ka na má ka bɔ kanaa ganaa; bɛ lɛ na á toa, kanaa minin tá ka biɛ zɔ́ɔ.

LAWA A BOO SONBORE

¹⁹ Bɛ̀ ka n kanaa kɛ wɔn lɛa kɛnɛn, bɛ̀ kanaa tá ka narɛ a din wɔn lɛa. Sɛnɛ, ka bie kanaa kɛ wɔn lɛa wa, masɛ din ni má ka na má ka bɔ kanaa ganaa; bɛ lɛ na á toa, kanaa minin tá ka biɛ zɔ́ɔ.

Zaã a sɛ́wɔ 15:19 ပူးပေါင်းရင်းမြစ်များ

Matiə 10:22

Min din tumaa á die ka biɛ zɔ́ɔ masɛ tɔ taman yii. Sɛnɛ, bɛ̀ min mɛn si a ganaa yǎa a woo kaa a lɛ nyɔmiɛ̃ lɛ, Lawa á die bɛa dɛnaa kirisibiɛ.

Matiə 24:9

Bɛa biikoo li, kaa zɔ́ɔn tá re ka koe tɔrɔ kɔsɔn la ǹ fuu nyaa ka yii ni, ǹ tá re ka dii ka gã. Ka tìĩ á re boe min tumaa nyin ni masɛ tɔ a lɛa.

Luku 6:32

Bɛ̀ ka tá kaa narɛɛ wolen narɛ, Lawa n die wàa mɛn saraa koe ka la bɛa lɛa? A giala min kooron dɔn tá ǹ narɛɛ wolen narɛ.

Zaã a sɛ́wɔ 13:18

Ma bie boo diɛ ka dinin tumaa wɔ gɔn la wa, ma min mɛnɛn bɔ, ma á bɛn doɛ̃. Sɛnɛ, Lawa a boo màn mɛn pɛ, bɛ doamaa nɛ a n zɛnaa; a na á pɛ: «Min mɛn din bɛ́ màn bii kun ka masɛ nɛ, a din lɛ na á n bɔyaa masɛ li.»

Zaã a sɛ́wɔ 15:16

Kasɛn bie ka masɛ bɔ wa, masɛ n má kasɛn bɔ, má ka dia máa ka woo, ka dí nya, kaa dí lɛ a là goã. Bɛ lɛ n toɛ, bɛ̀ ka màn woo màn nyankɔ masɛ a Díi lon ka masɛ tɔ nɛ, á re bɛ koe ka la.

Zaã a sɛ́wɔ 6:70

Yezu tɔ́n pɛ ǹ nɛ: «Ka dinin min fulupaa kɛ lɛ, ma din bie má ka yii gɔgɔɔ̃ wa? A laanka bɛ lɛ yii ni, kaa min goon nə *Sɛtaan minbuiin lɛa!»

Zaaki 4:4

Ka min naarɛn kɛn! Ka a doɛ̃ mà bɛ̀ min kanaa baa giaára lɛa, mà a na á Lawa baa zɔ́ɔ wa? Min mɛn bɛ́ giɛ li mà a kanaa a giaára baa sɛn, bɛa dɛnaa nə n din biɛ Lawa a zɔ́ɔ lɛa.

Piɛrɛ1 4:3

Sonbore, ka biikoo gigiã saa lɛlɛ, ka kaa sii din tumaa zɛnaa, á kɔnpɛ ka min kooron sii-zɛnaan nɛ. Ka ǹ ká goã naarɛ biɛ, ka goã dùũ sii babaraan zɛnɛɛ, ka ǹ ká goã yɔ-mili baraan lɛa: Ka ǹ ká goã n lɛ soekɔn ka n mii baraabaraa, ka n mii bɛ̀ ka n zɔɔ̃ kɔn. Ka dì wúlu-bɔ bɔnɛɛn dɔn zɛnaa.

Zaã1 3:12

Kanyɛ mɛn bɛ́ á goã Sɛtaan Baraa kɛ wɔ lɛa, wɔ doamaa bie wɔ goã ka bɛ bɛ́ lɔn wa. Asɛ lɛ na á ǹ diɛ̃ dɛ á gã. A na á ǹ diɛ̃ lɛ dɛ wàa mɛn a lɛa? A giala, a din a nya ǹ dín nə́ goã babaraa, ǹ diɛ̃ lɛ wɔn nə́ pepere.

Sii-nyaan 12:17

Bɛ lɛ ganaa, tɔɔ babaraa piɛ̃ wole lɛ foo yoo lɔ lɛ li parsiini, á kiɛ̃ á woo a nɛnyaan gialakunun gialaa, ǹsɛn mɛnɛn bɛ́ Lawa a dí-pɛn lɛ sii, ǹ nə́ n foo doɛ Yezu a boo ganaa.

Sii-nyaan 12:9

Ǹ nə́ tɔɔ babaraa piɛ̃ wole gangabiɛ lɛ kũ ǹ nə́ zũ kanaa. A din ni lɛlɛ a miɛ̃ kɛ lɛ lɛa, ǹ nə́ bíi: «Nɔ̀ɔn Babaraa,» hinlaa *Sɛtaan, a n kanaa min tumaa yiri siɛ̃. Ǹ nə́ zũ tán la kun ka a dia dí-a wolen tumaa nɛ.