Zaã a sɛ́wɔ 15:12 - LAWA A BOO SONBORE 2011

¹² Maa dí-pɛ n ka kɛ nɛ: Ka kɔn narɛ ka masɛ bɛ́ má ka dɔn narɛ lɔn.

LAWA A BOO SONBORE

¹² Maa dí-pɛ n ka kɛ nɛ: Ka kɔn narɛ ka masɛ bɛ́ má ka dɔn narɛ lɔn.

Zaã a sɛ́wɔ 15:12 ပူးပေါင်းရင်းမြစ်များ

Malakii 1:2

Dɛnaa Lawa pɛ a zaman nɛ: «Ma á ka narɛ.» Sɛnɛ, ǹ nə́ nɔ̀n da la: «Wàa n nyɛɛ mà n tá wɔ narɛ?» Dɛnaa Lawa nə́ ǹ lɛ si: – Ezawu bie á goã Zakɔba ǹ dɔɔ̃n lɛa wa? Sɛnɛ má Zakɔba narɛ,

Zaã a sɛ́wɔ 13:34

Man dí-pɛ dii koe ka la: Ka kɔn narɛ. Masɛ ka narɛ lɔn, ka dɔn nə kɔn narɛ miɛ̃.

Zaã a sɛ́wɔ 15:17

Ma bɛ́ màn mɛn laɛ ka ganaa, ka kɔn narɛ.

Rɔmu minin 12:10

Ka kɔn narɛ ka Lawa a minin bɛ́ zɛnɛɛ lɔn dɔɔ̃nbaa gɔ́ɔ̃ nɛ. Ka n zɔɔ̃ kɔn ka kɔn guguru kɔ nɛ.

Efɛɛzi minin 5:2

Ka goã kɔn-narɛɛ gɔ́ɔ̃ nɛ, ka *Krita din bɛ́ á wɔ narɛ lɔn, yǎa á n din kɔ wɔ a lɛa, *wúlu màn gìĩ kɔɔ̃n-a lɛa, á n kɔɔ̃n Lawa ganaa.

Tesaloniki1 3:12

Kɔn-narɛɛ mɛn bɛ́ ka lon kɔn wɔ a paǹ li, min tumaa dɔ wɔ a paǹ li, Dɛnaa die a màn da bɛ li, a baa wɔsɛn kɔn-narɛɛ kɛ miã lɛa kaa wɔ a paǹ li.

Tesaloniki1 4:9

Ka laadoo ba a ganaa doo min sɛ́wɔ dia ka la, a dɔɔ̃nɔn kɔn-narɛɛ boo da ka-n wa. A giala, ka dininmaan nə́ n daraa kɔn-narɛɛ ganaa Lawa li.

Tesaloniki2 1:3

Dɔɔ̃nɔn lɛn, wɔ doamaa-n wɔ barka da Lawa nɛ biikoo tumaa li kaa lɛa. A n siĩn miɛ̃, a giala, màn tá miɛ kaa golee Lawa li li parsiini, kɔn-narɛɛ mɛn dɔ bɛ́ ka lon kɔn wɔ paǹ li, bɛ dɔ á gole koe ka tumaa gɔ́ɔ̃ nɛ.

Piɛrɛ1 1:22

Kasɛn mɛnɛn bɛ́ ka lɛ kɔ Lawa a sonbore boo kɛ ganaa, ka yoreen kɔ ka bɛ nɛ, sisia kəni, ka á boe la sonbore, ka ka dɔɔ̃nɔn narɛ. Ka kɔn narɛ taãn-taãn ka ka foo din tumaa nɛ.

Piɛrɛ1 3:8

Bɛ din tumaa kio, ka toa kaa taasiɛn nə goã goon, ka toa ka sii dɔ̃ kɔn la. Ka kɔn narɛ ka Lawa a minin bɛ́ zɛnɛɛ lɔn dɔɔ̃nbaa gɔ́ɔ̃ nɛ. Ka makara bɔ kɔn ganaa, ka ka dinin boɛɛn kɔ kɔn nɛ.

Piɛrɛ1 4:8

Sii mɛn bɛ́ ka doamaa-n ka da sii tumaa nyɛɛnɛ, bɛ n ka kɛ nɛ: Ka kɔn narɛ ka ka foo din tumaa nɛ. A giala, kɔn-narɛɛ á pìi koe sii baraa gigiã lɛ.

Zaã1 3:23

A bɛ́ màn mɛn pii wɔ-n dí lɛa, bɛ á ke: Wɔ golee a Nɛgiĩ Yezu Krita tɔ li, wɔ kɔn narɛ, ka Krita bɛ́ á pɛ wɔ-n dí lɛa lɔn.

Zaã1 4:21

Krita dí-pɛ mɛn kɔ wɔ la, bɛ n ka kɛ nɛ: Min mɛn bɛ́ Lawa narɛ, a doamaa nɛ a ǹ dɔɔ̃n dɔ narɛ.

Zaã2 1:5

Kanna kəni, Lawa a sɔmɔ minin lɛn, man ka nyankoe, máa ka daa wɔ kɔn narɛ. Bɛ bie dí dii lɛa ma á koe ka la wa, dí mɛn nə n pɛ wɔ nɛ, a saa giala-kɔ waáraa ganaa, bɛ lɛ nɛ.