Zaã a sɛ́wɔ 14:26 - LAWA A BOO SONBORE 2011

²⁶ Yiri Fu, Dɔmalɛ Wole lɛ, maa Díi n die diɛ ka masɛ tɔ nɛ, bɛ lɛ á die ka darɛɛ bɛa siin lɛn tumaa ganaa. Ma boo mɛn tumaa pɛ ka nɛ, á die ka yiri diɛ bɛ yii tumaa nɛ.

LAWA A BOO SONBORE

²⁶ Yiri Fu, Dɔmalɛ Wole lɛ, maa Díi n die diɛ ka masɛ tɔ nɛ, bɛ lɛ á die ka darɛɛ bɛa siin lɛn tumaa ganaa. Ma boo mɛn tumaa pɛ ka nɛ, á die ka yiri diɛ bɛ yii tumaa nɛ.

Zaã a sɛ́wɔ 14:26 ပူးပေါင်းရင်းမြစ်များ

Loen 51:11

N yɔrɔ bɔyaa n bɔ maa sã ǹ siin kɛn la, n maa kɔkɔrɔbaa ǹ siin kɛn tumaa tuturu.

Izayii 54:13

Masɛ Dɛnaa Lawa á re n nɛnyaanan tumaa darɛɛ. Ǹ tá re goɛ̃ yii-nyɛɛ gole gɔ́ɔ̃ nɛ.

Izayii 63:10

Sɛnɛ, ǹ nə́ piã-wɔlen baa. Ǹ nə́ n Yiri sonbore kɛ foo ziziɛ̃. Dɛnaa Lawa nə́ n bɔyaa á ǹ zɔ́ɔ baa, a n zia biɛ ǹ ganaa.

Matiə 1:18

Yezu Krita a yɛ ǹ gɔn nə ka kɛ nɛ: Ǹ dan Mariya lɛ na á goã Zozɛfu a lɔ wɔsiɛ lɛa. Ǹ laan bɛ̀ ǹ giã kun, á daa yaa bɛ̀ Mariya nɔ̀ si ka Lawa a Yiri Fu pàã nɛ.

Matiə 1:20

A bɛ́ bɛ lɛ a taasiɛ we, Dɛnaa a dia dí-a wole goon nə́ bɔ lon á n din nyaa nɛ ka narɛɛ nɛ, á pɛ nɛ: «Davida tɔrɔ Zozɛfu ganaa, n baran nyɛ́ɛ baa, n nə n piã ka Mariya a lɔbaa-n wa, a giala, Lawa a Yiri Fu pàã na á toa nɛ kɛ lɛ tá a gɔ́ɔ̃ nɛ.

Matiə 28:19

Bɛ lɛ taman yii, ka woo, ka tɔrɔ tumaa baa maa kialandɛnan lɛa, ka *batɛmu da ǹ ganaa, ka Díi Lawa laanka a Nɛgiĩ ka Yiri Fu tɔ nɛ.

Matiə 3:11

Masɛ n má batɛmu da ka ganaa mu li, man nyɛɛ máa ka n taasɛ ka wusoo kaa sii baraan kio. Sɛnɛ min mɛn bɛ́ die masɛ kio, bɛ á die ka kiɛ Lawa a zii ni ka Yiri Fu pàã nɛ, a dɔlɔ bɔ ka tɛ nɛ. A pàã á gole á la masɛ wɔ nɛ. Haalɛ masɛ nə n zuməə ma a kɔsɔ biɛn fore, ma mìi á kiɛɛrɛ bɛ ganaa.

Marki 12:36

A giala, Davida dinmaa na á pɛ ka Lawa a Yiri Fu barka-n kɛnɛn: Dɛnaa Lawa pɛ maa Dɛnaa nɛ: «Giã ma gusin, yǎa ma gɔ̀lɔ̀baa lɛ piɛ̃ koe n la, n zɔ́ɔn nə die kiɛ tán n gòãn giulun.»

Marki 13:11

Bɛ̀ ń yaa ǹ nə́ ka kũ mà maǹ woe kiri we ka ganaa, ka baran saa lɛlɛ ka n gɔ́ɔ̃ bii ka kaa da ǹ boo-n wa. Lawa bɛ́ re boo mɛn koe ka la bɛa biikoo lɛ gɔ́ɔ̃ nɛ, ka bɛ lɛ pɛ. A giala, a bie boe ka dinin ni wa, Yiri Fu n die kaa da ǹ boo we ka lɛ-n.

Luku 1:15

A giala, bɛa nɛ kɛ lɛ n die min barkadɛnaa biɛ Lawa gɔn. Duvɛ̃ baran wɔ a lɛ-n wa, màn woo màn, a n we min yii ni, bɛ kɔ́n baran wɔ a lɛ-n wa. Nɛ lɛ n die piɛ̃ ka Lawa a Yiri Fu ni, bɛ̀ á tɔn nə ǹ dan gɔ́ɔ̃ nɛ.

Luku 1:35

Lon a dia dí-a wole lɛ tɔ́n na a lɛ si á pɛ: «Lawa a Yiri Fu n die gisĩ n la, Lon a Lawa gole n die a din pàã gisĩ n la. Bɛ lɛ taman yii, n bɛ́ die nɛ mɛn yii, maǹ die bíi "Lawa wɔ", ka bɛ dɔ-n doo "Lawa a Nɛgiĩ".

Luku 1:41

Elizabɛti bɛ́ á Mariya a fòo-diɛ lɛ ma, a din bǎã-n gɔrɔ, a nɛ bìn da a gɔ́ɔ̃ nɛ. Lawa a Yiri Fu gisĩ

Luku 1:67

Lawa a Yiri Fu daa nɛnyaan tiɛɛ̃n lɛ di Zakarii la, á boo saa á Lawa a boo gii da:

Luku 11:13

Ka laanka kaa baraabaa kɛ din tumaa nɛ, bɛ̀ kasɛn tá kaa nɛnyaanan foo dùũ mànan doɛ̃ ka n koe ǹ la, sanparɛ ka Díi Lawa nɛ, min mɛnɛn bɛ́ Yiri Fu nyankoe la, a n die koe bɛn la!»

Luku 2:25

Á daa yaa giĩ goon tá Zeruzalɛmu kiwi, a tɔ n Simiɔn. Bɛa giĩ lɛ na á goã min pepere lɛa, a n nyɛ́ɛ biɛ Lawa yii ni, bɛ̀ á n yii diɛ Izirayeli minin nyin-sili lɛ la. Lawa a Yiri Fu na á goã la,

Luku 24:49

Ma Di bɛ́ á n lɛ kɔ ka màn mɛn nɛ, masɛ n die bɛ lɛ diɛ ka la. Sɛnɛ, ka giã Zeruzalɛmu kiwi bɔrɔ, yǎa pàã boe lon a die gisĩ ka la.»

Luku 3:22

Yiri Fu gisĩ la, yii ná a ganaa ka zɛrɛkantoan bɛ́ lɔn. Ka bɛ dɔ nɛ, boo-diɛ lɛn bɔ lon á pɛ: «Kɛ n maa Nɛgiĩ lɛa, ma á narɛ parsiini, ma din ni má bɔ.»

Zaã a sɛ́wɔ 1:33

Ma goã doɛ̃ wa, sɛnɛ, Lawa mɛn nə ma dia, mà ma da batɛmu da minin ganaa mu li, bɛ lɛ na á pɛ ma nɛ mà ma bɛ́ re Yiri Fu yii gisĩ a da mɛ min mɛn la, mà a din lɛ n die minin kiɛ Lawa a zii ni ka Yiri Fu pàã nɛ.

Zaã a sɛ́wɔ 12:16

Sii mɛn bɛ́ á n zɛnaa, a kialandɛnan lɛn na a giala ma a waáraa wa. Sɛnɛ, Lawa bɛ́ á gugurubaa kɔ Yezu la ǹ mɛn waáraa, ǹ yiri gisĩ a nɛ, mà bɛa sii kɛ lɛ na á n kiɛ̃ Yezu din wɔ gɔn la, mà a din lɛ n ke minin lɛn nə́ zɛnaa nɛ.

Zaã a sɛ́wɔ 14:16

Masɛ dɔ á re maa Díi nyankoe má a Dɔmalɛ Wole kɔsɔ kɔ ka la, bɛ n die goɛ̃ ka li miɛ̃ biikoo tumaa waáraa.

Zaã a sɛ́wɔ 14:25

Ma bɛ́ kun ka nɛ, man má bɛa siin lɛn boo da ka nɛ.

Zaã a sɛ́wɔ 15:26

Ma bɛ́ re n toɛ maa Díi li, ma Dɔmalɛ Wole mɛn dia ka la, Yiri Fu sonbore-pɛle kɛ lɛ boe maa Díi li, bɛ̀ bɛ lɛ daa ǹ mɛn waáraa, á die siére biɛ masɛ a lɛa.

Zaã a sɛ́wɔ 16:7

Bɛ din tumaa kio, man taãn pii ka nɛ: Maa woo á soɛ ka ganaa. A giala, bɛ̀ ma woo wa, Dɔmalɛ Wole lɛ a die ka li wa. Sɛnɛ, bɛ̀ má woo, ma á die diɛ ka la.

Zaã a sɛ́wɔ 2:22

Bɛ lɛ nɛ, Yezu yii bɛ́ á kaa á n bɔ geren bii, a kialandɛnan yiri gisĩ a nɛ, mà á bɛa boo kɛ lɛ da; ǹ nə́ waa Lawa a boo la, a boo mɛn da ǹ nɛ, ǹ nə́ waa bɛ lɛ dɔ la.

Zaã a sɛ́wɔ 20:22

Bɛa boon lɛn diɛ kio, á piɛ̃ pɛ ǹ ganaa á pɛ ǹ nɛ: «Ka Lawa a Yiri Fu si.

Zaã a sɛ́wɔ 6:45

A tá kiɛ̃-n Lawa a boo gii-dalin sɛ́wɔ nɛ mà Lawa á die min tumaa doree. Min woo min á masɛ a Díi a da ǹ boo ma, a ná a doroo si, bɛa dɛnaa n die masɛ li.

Zaã a sɛ́wɔ 7:39

(Yezu na á pɛ miɛ̃, á goã boo diɛ Lawa a Yiri Fu wɔ gɔn la, a goleemali wolen bɛ́ re ǹ mɛn yii. Sonbore, bɛa biikoo li, bɛ̀ Lawa a Yiri Fu tɔn nə n kɔ ǹ la wa, a giala, bɛ á zɛnɛɛ, bɛ̀ Lawa tɔn gugurubaa kɔ Yezu la bɔrɔ wa.)

Nya ǹ dín 1:4

Màn bii ǹ bǎã kɔ́n nɛ kunun ǹ ni, á pɛ á laa ǹ ganaa kɛnɛn: «Ka baran n wɔlɔ lui Zeruzalɛmu ganaa wa. Sɛnɛ, maa Díi lɛ kɔ ka la ka Yiri Fu mɛn nɛ, ka n yii da la Zeruzalɛmu. Ka lɛ kɔ ǹ boo mɛn ma ma lɛ-n ke, bɛ lɛ nɛ.

Nya ǹ dín 1:8

Sɛnɛ, bɛ̀ Lawa a Yiri Fu gisĩ ka la ǹ mɛn waáraa, ka á re pàã yii. Bɛa biikoo li, ka á re maa siéren biɛ, ka masɛ boo da Zeruzalɛmu kiwi, Zudee gána din tumaa nɛ ka Samarii gána nɛ, yǎa ka woe doe kanaa paǹ din tumaa ganaa.»

Nya ǹ dín 11:16

Masɛ yiri tɔ́n daa ka Dɛnaa a boo kɛ nɛ, a màn mɛn pɛ: «Zaã na á *batɛmu da minin ganaa ka mu ni, sɛnɛ, kasɛn man die we Lawa a zii ni ka Yiri Fu pàã nɛ.»

Nya ǹ dín 13:2

Ǹ bɛ́ Dɛnaa guguru kɔ ǹ bǎã nɛ ǹ kɔ́n pinaa, ǹ lɛ n sɔɔ nɛ, Yiri Fu pɛ: «Ka Barnabaasi laanka Sooli bɔ ka koa ǹ gɔrɔn, masɛ nə ǹ bíi dí mɛn ganaa, bɛa lɛa.»

Nya ǹ dín 13:4

Barnabaasi laanka Sooli bɛ́ Yiri Fu a dia dí-a wolen lɛa, ǹ nə́ woo Selusii kiwi, ǹ nə́ tà kuru ǹ goo saa walan ǹ nə́ n yɔrɔ dia Siipri gána la.

Nya ǹ dín 15:28

Sonbore, Lawa a Yiri Fu laanka wɔ dinin man wɔ́ golee li, wáa wɔsɛn ba guĩ kɔsɔ diɛ ka mìi-n wa, bɛ̀ á n bɔ siin mɛnɛn bɛ́ wɔ a n boe li doɛ̃ wa.

Nya ǹ dín 15:8

Lawa mɛn bɛ́ min tumaa foo doɛ̃, a din na á nyaa mà asɛ lɛ kɔ tɔrɔ kɔsɔn ganaa, a giala á Yiri Fu kɔ ǹ la, ka a bɛ́ á kɔ wɔsɛn dɔn la lɔn.

Nya ǹ dín 16:6

Pooli laanka Silaasi Frizii laanka Galaasi gána wɔsɔ, a giala, Yiri Fu lɛ kɔ ǹ la mà ǹ Lawa a boo pɛ Azii gána-n wa.

Nya ǹ dín 2:33

Lawa saa á da gugurubaa ǹ bǎã nɛ a din gusin. A Díi nə n lɛ kɔ la ka Yiri Fu mɛn nɛ, á bɛ kɔ la á dia wɔ la. Ka yii bɛ́ sii mɛn tumaa ganaa, ka nə ǹ mɛn tumaa dɔ miɛ, a din Yiri Fu lɛ a dí ni.

Nya ǹ dín 2:4

Lawa a Yiri Fu daa ǹ tumaa kũ, yǎa ǹ mɛ la ǹ nə́ bɔlɔ kɔsɔn pii, a n kɔnpii ka Yiri Fu lɛ din a boo wɔ ǹ lɛ-n nɛ.

Nya ǹ dín 20:28

Ka ga ka dinin walan, ka Lawa a minin lɛn dɔn nɛ, Yiri Fu bɛ́ á ka bɔ á ka koa ǹ mɛnɛn nyɛɛnɛ. Lawa din na a sɔmɔ mɛn pii ka a din a Nɛgiĩ mà-n ke, ka goã bɛa lɛduə̃lin lɛa.

Nya ǹ dín 20:35

Sii din tumaa gɔ́ɔ̃ nɛ, má nyaa ka nɛ máa min nə siĩni a nɔmaa miɛ̃, a tɔn nə n dɔ doobaan lɛ, bɛ̀ a yiri n Yezu din a boo kɛ nɛ: «Nyɛnyɛɛ tá màn kɔ min la nɛ á la min a màn kɔmala nɛ.»

Nya ǹ dín 28:25

Ǹ dininmaan boo bɛ́ a goã goon wa, ǹ ná a giala kɔ ǹ tá sasawɛɛ, Pooli tɔ́n boo kɛ da ǹ nɛ: – Yiri Fu boo mɛn wɔ Lawa a boo gii-dali Izayii lɛ-n, mà a pɛ ka digolon manɛ, taãn nɛ:

Nya ǹ dín 5:3

Sɛnɛ, Piɛrɛ pɛ nɛ: «Ananiasi, wàa na á baa ń toa *Sɛtaan nə́ n gɔ́ɔ̃ tii kɛnɛn, á n diɛ soɛ bɔ ganaa Lawa a Yiri Fu ni? Táa ma nə n tán giɔ̀mɔ lɛ kɔ́n bɔ.

Nya ǹ dín 7:51

Itian mà ǹ ganaa: Ka mìi á kaka, ka foo á kaka, ka too dɔ á kaka! Baraabaraa ka nə n piɛ̃ ka Lawa a Yiri Fu kɛ nɛ. Ka tumaa n goon ka ka digolon lɛn nɛ.

Nya ǹ dín 7:55

Sɛnɛ, Itian lɛ sɛ, Yiri Fu bɛ́ la, á n yii saa á ga lon, á tɔ́n Lawa yɛ a gugurubaa nɛ, á Yezu dɔ yɛ golee-n Lawa gusin.

Rɔmu minin 14:17

A giala, *Lawa a kiibaa ǹ sii bie màn-bii laanka màn-mii sii lɛa wa. Sɛnɛ, a n peperebaa sii lɛa, là nyantoro ne, ka nyɛnyɛɛ nɛ, Yiri Fu bɛ́ ǹ mɛnɛn lɛn koe.

Rɔmu minin 15:13

Lawa mɛn bɛ́ foo-doa koe, a din die a foo kɔɔ̃nbaa kɔ ka la, ka là nyantoro ne, kaa golee a din li lɛ gɔ́ɔ̃ nɛ. Màn mɛn bɛ́ toɛ, kaa foo-doa lɛ pàã gole kɔ, Yiri Fu pàã barka nɛ.

Rɔmu minin 15:16

A giala, Lawa na á ma bíi, mà ma Yezu Krita lɛ boo da tɔrɔ kɔsɔn bii. Mà ma Lawa a Boo Tii Kɔɔ̃n kɛ pɛ ǹ nɛ, màn mɛn bɛ́ toɛ, ma boo la ma ǹ kɔ Lawa la, ǹ nə́ kɔɔ̃n a ganaa. Man bɛa dí lɛ nyɛɛ ka wúlu-bɔle bɛ́ *wúlu màn koe Lawa la lɔn. Yiri Fu lɛ n toɛ, Lawa boo la a lɛ kɔ ǹ ganaa.

Rɔmu minin 5:5

Sàabaa ba bɛ la wa. Lawa ba wɔ daɛ wa. A tá wɔ narɛ. A na á kɔn-narɛɛ gole dɔ da wɔ foo ne, ka Yiri Fu kɛ barka nɛ, a din kɔ wɔ la.

Korɛnti1 12:3

Bɛ lɛ nɛ, ma á pii ka nɛ foaãnɛ: Min kɔ́n ba boe la a goã Lawa a Yiri Fu pàã giulun, a boo baraa dɔ da Yezu ganaa wa. Min kɔ́n dɔ a boe la a pɛ mà Yezu n Dɛnaa lɛa, bɛ̀ Yiri Fu ná a ba kun ni wa.

Korɛnti1 6:19

Hinlaa ka n ka a doɛ̃ mà ka gɔ̀nɔn lɛ n Yiri Fu a giã ǹ kion lɛa wa? Bɛa Yiri Fu kɛ lɛ ka nɛ, Lawa din na á kɔ ka la. Ka bie ka dinin wɔ lɛa doo wa.

Korɛnti2 6:6

Man maa Lawa a dí-nyalibaa nyɛɛ ka maa *yoreenbaa nɛ, maa màn-doɛ̃ nɛ, ka maa foo-kũ ni, ka maa min bǐɛ̃baa nɛ. Man nyɛɛ dɔn ka Yiri Fu pàã nɛ, ka maa minin narɛ taãn-taãn nɛ,

Efɛɛzi minin 1:13

Kasɛn dɔn bɛ́ ka sonbore boo kɛ ma, Boo Tii Kɔɔ̃n kɛ lɛ ka kirisibiɛ, ka dɔn man ká golee Krita lɛ li. Bɛ lɛ nɛ, Lawa din nə n lɛ kɔ ka Yiri Fu mɛn nɛ, a na á bɛ kɔ ka la, a wɔbaa ǹ nyaǹ kiɛ̃ lɛa ka ganaa.

Efɛɛzi minin 1:17

Wɔa Dɛnaa Yezu Krita a Lawa, Díi mɛn bɛ́ gugurubaa ná a wɔ lɛa, bɛ die a Yiri Fu kɔ ka la, bɛ Lawa nyaa ka nɛ, ka boo la ka dɔ̃ taãnɛ.

Efɛɛzi minin 4:30

Ka nyan gù-basiɛ̃ da Lawa a Yiri Fu ganaa wa. A din nə Lawa a nyaǹ lɛa ka ganaa. Wɔ n doɛ̃ bɛ lɛ li, wáa Lawa á die wɔ sii sii baraa la lenlen ǹ kɔn pinaa.

Tesaloniki1 4:8

Bɛ lɛ nɛ, bɛ̀ min mɛn nə́ n piã bɛa doroo lɛ nɛ, ǹ dɛnaa bie á n piã ka minbuiin nɛ-n wa, a na á n piã ka Lawa nɛ, asɛ mɛn bɛ́ a Yiri Fu koe ka la.

Timote2 1:14

Doroo sonboren mɛnɛn nə n koa n li, bɛn tamaa doɛ̃. Yiri Fu mɛn bɛ́ wɔ lon, bɛ lɛ á die ǹ tamaa ǹ pàã koe n la.

Tiitii 3:5

a na á wɔ kirisibaa ka bɛ nɛ. A bie á zɛnaa mà wɔ ǹ wɔ́ dí peperen nya wa, sɛnɛ, a na á zɛnaa a giala, mà wɔ makara na á bɔ a ganaa. Wɔ bɛ́ wɔ́ *batɛmu mɛn yɛ, Lawa a Yiri Fu bɛ́ n toɛ bɛ gɔ́ɔ̃ nɛ, a wusoo a yɛ ka nyin dii-n mɛn kɔ wɔ la, a na á wɔ kirisibaa bɛa lɛa.

Ebrəə 10:15

Yiri Fu dɔ tá bɛa sii kɛ lɛ a siére biɛ wɔ nɛ.

Ebrəə 2:4

Lawa din na á goã dí nyɛɛ, á n pàã we ǹ siére lɛ nɛ, ka sii-nyaa ǹ siin dadaran laanka kaãbaa ǹ sii tɔrɔ tumaa nɛ. A na á goã Yiri Fu a bǐɛ̃ mànan dɔn koe minin la, á n kɔnpii a din dùũ ni.

Ebrəə 3:7

Bɛ lɛ na á toa, ka Yiri Fu bɛ́ pii lɔn: «Pelo, bɛ̀ ka Lawa a lɛ-dia ma,

Ebrəə 9:8

Lawa a Yiri Fu n nyɛɛ bɛa yɔrɔ kɛ la, mà bɛ̀ bɛa Mɔnaa Kion bibinaa kɛ lɛ tan, mà Bǎã Sonbore Sonbore kɛ a zii na a tɔn nə n bũ min tumaa-n wa.

Piɛrɛ1 1:12

Lawa nyaa boo gii-dalin lɛn manɛ, mà boo kɛ lɛ ǹ tá diɛ, mà a bie ǹsɛn wɔ lɛa wa, sɛnɛ, mà kasɛn wɔ nɛ. Kanna, Boo Tii Kɔɔ̃n pɛlen kɛn man nə́ bɛa boo kɛ lɛ saa, ǹ nə́ pɛ ka nɛ ka Yiri Fu pàã nɛ, Lawa Yiri Fu mɛn dia á bɔ lon ke lɛn. Haalɛ lon a dia dí-a wolen dinin man giɛ li, ǹ nə n yii wɔ bɛa boo kɛ lɛ gɔ́ɔ̃ nɛ, ǹ na a giala ma.

Piɛrɛ2 1:21

A giala, Lawa a boo gii kɛ lɛ kɔ́n bie boe minbuiin nɛ dùũ-n wa. Sɛnɛ, Yiri Fu na á minin nyɛɛnaan bɔ, ǹ nə́ Lawa wɔ gii lɛ da.

Zaã1 2:20

Kasɛn wɔ paǹ li, Krita Yiri Fu mɛn kɔ ka la, bɛ lɛ n toɛ ka tumaa á sonbore doɛ̃.

Zaã1 2:27

Sɛnɛ, Krita na á ná a Yiri kaa kasɛn la. A Yiri bɛ́ ka nɛ, ka laadoo ba min a daraa ganaa wa. A Yiri lɛ din nə ka darɛɛ màn tumaa ganaa. A bɛ́ ka darɛɛ màn mɛn ganaa, sonbore ne, soɛ bie wa. Bɛ lɛ a lɛa, ka a daraa lɛ lɛ si, ka goã kun ka Krita nɛ.

Zaã1 5:7

Siére sɔɔ na a tan:

Zude 1:20

Sɛnɛ, maa giaáran lɛn, kasɛn nə ga wo-nyɛɛn li kaa goleemali sonbore kɛ gɔ́ɔ̃ nɛ. Ka Lawa nyankɔ ka Yiri Fu pàã nɛ.

Sii-nyaan 2:11

Too bɛ́ min mɛn lon, Yiri Fu bɛ́ boo mɛn pii Lawa a sɔmɔn manɛ, a n too kɔ doɛ̃ a bɛ ma! Min mɛn bɛ́ re gɔ̀lɔ̀ biɛ, gɛ̀ paabaa ǹ wɔ a re doe bɛ ganaa wa.