Zaã a sɛ́wɔ 14:20 - LAWA A BOO SONBORE 2011

²⁰ Bɛ lɛ a pinaa kəni, ka á re doɛ̃ mà masɛ á kun ka maa Díi ni, ka dɔn tá kun ka masɛ nɛ, ma dɔ á kun ka ka dɔn nɛ.

LAWA A BOO SONBORE

²⁰ Bɛ lɛ a pinaa kəni, ka á re doɛ̃ mà masɛ á kun ka maa Díi ni, ka dɔn tá kun ka masɛ nɛ, ma dɔ á kun ka ka dɔn nɛ.

Zaã a sɛ́wɔ 14:20 ပူးပေါင်းရင်းမြစ်များ

Zaã a sɛ́wɔ 10:38

Sɛnɛ, bɛ̀ ma tá bɛn nyɛɛ, haalɛ ta ka ba re golee masɛ li wa, ka waa bɛa zɛnaa ǹ siin lɛn sɛn la, màn mɛn bɛ́ toɛ, ka dɔ̃ taãn-taãnɛ, mà maa Díi tá kun ka ma nɛ, ka masɛ dɔ bɛ́ kun ka maa Díi-n lɔn.»

Zaã a sɛ́wɔ 14:10

N ba wɛɛ la mà ma á kun ka maa Díi ni, mà maa Díi dɔ á kun ka masɛ-n wa? Ma bɛ́ boon mɛnɛn pii ka nɛ, ma bie ǹ pii ma din mìi gialaa wa dɛ! Maa Díi mɛn bɛ́ kun ka masɛ nɛ, a din na a nya ǹ dín nyɛɛ.

Zaã a sɛ́wɔ 14:11

Ka waa masɛ la, masɛ n kun ka maa Díi ni, maa Díi dɔ n kun ka masɛ nɛ. Bɛ̀ ka a wɛɛ masɛ a boo la wa, zɛnaa ǹ siin kɛn lɛn sɛn taman yii, ka waa la mà Lawa á kun ka masɛ nɛ.

Zaã a sɛ́wɔ 16:23

Bɛ̀ bɛa pinaa dɔ, ka a re nɔ̀n diɛ masɛ la ka sii kɔ́n nɛ doo wa. Man taãn pii ka nɛ: Bɛ̀ ka màn mɛn nyankɔ maa Díi lon ka masɛ tɔ nɛ, á re bɛ koe ka la.

Zaã a sɛ́wɔ 16:26

Bɛa pinaa, ka á re màn nyankoe ka ma tɔ nɛ; sɛnɛ, ma bie pii ka nɛ má ma á re maa Díi nyankoe kaa lɛa wa,

Zaã a sɛ́wɔ 17:11

Kɛ kio, masɛ a re goɛ̃ kanaa kɛ-n doo wa; ǹsɛn tá re goɛ̃ kanaa lɛ nɛ, sɛnɛ, man woe n din li. Maa Díi Sonbore, n din pàã mɛn kɔ masɛ la, ǹ tamaa ka bɛ lɛ nɛ, màn mɛn bɛ́ toɛ, ǹ dɔn nə goã goon ka wɔsɛn bɛ́ goon lɔn.

Zaã a sɛ́wɔ 17:26

Má n tɔ nyaa ǹ nɛ, ma á die wusii ma nyaa ǹ nɛ doo, màn mɛn bɛ́ toɛ, n masɛ narɛ lɔn, bɛa kɔn-narɛɛ kɛ lɛ goã ǹ dɔn lon, masɛ dɔ́ goã kunun ǹ ni.»

Zaã a sɛ́wɔ 17:7

ǹ tá doɛ̃ sisia, mà n màn mɛn tumaa kɔ masɛ la, mà a n boe n din ni.

Zaã a sɛ́wɔ 6:56

Bɛ̀ min mɛn masɛ gɔ̀nɔn siĩ sɔ̃, á ma mà mi, man goɛ̃ kun ka bɛa dɛnaa nɛ, bɛa dɛnaa dɔ n goɛ̃ kun ka masɛ nɛ.

Rɔmu minin 16:7

Ma á fòo diɛ Andronikisi laanka Zuniasi ni, ma din tɔrɔ minin manɛ, wɔ́ kòso dɔ zɛnaa kun. Lawa a dia dí-a wole sonboren manɛ, ǹsɛn dinin nə́ Dɛnaa lɛ wɔn baa masɛ nyɛɛnɛ.

Rɔmu minin 8:1

Sisia kəni, min mɛnɛn bɛ́ kaa-n kun ka Yezu *Krita nɛ, dɔlɔ ba bɛn mìi-n doo wa.

Korɛnti1 1:30

Sɛnɛ, Lawa na á wɔ bíi, á wɔ kaa kun ka Yezu Krita nɛ. A din na á n baa sii-doɛ̃ lɛa, peperebaa nɛ, *yoreenbaa lɛa ka kirisibaa nɛ, wɔ nɛ.

Korɛnti2 12:2

A lɛ̀ fulusii n ke, má min goon dɔ̃, a n *Krita a min lɛa, a n sii-nyaa lɛa hinlaa, a n taãn lɛa hinlaa, ma a bɛ doɛ̃ wa, sɛnɛ, Lawa dinsɔɔ̃ n doɛ̃. Ǹ nə́ bɛa giĩ lɛ saa ǹ nə́ woo ne, yǎa lon gɔ́ɔ̃ giala-nyɔmɔɔ nɛ.

Korɛnti2 13:5

Ka n dinin zɔɔ̃, ka n taasɛ ka ga a ganaa, bɛ̀ ka á goleemali gɔ́ɔ̃ nɛ. Ka á doɛ̃ mà Yezu Krita tá ka bii sɛn, ta mà lɔn? Yǎa tan, bɛ̀ ka a boe la ka a goleemali a siin zɛnɛɛ wa.

Korɛnti2 5:17

Bɛ̀ min golee Krita li, ǹ dɛnaa na á màn dii baa: a màn zizibaa nya, á ke, a n màn dii lɛa.

Korɛnti2 5:19

A giala, Lawa n min tumaa kiɛ kun ka a din ni Krita pàã ganaa. A ba giɛ minbuiinin sã ǹ siin kɛn ganaa wa. A din na á minin kaa kun ka a din ni ǹ boo kɛ kɔ wɔsɛn la, mà wɔ pɛ.

Galaasi minin 2:20

Ma yii bɛ́ koo ke, masɛ din yii bie koo doo wa, Krita yii n koo ma nɛ. A giala, maa tá kanaa ke kanna, ma yii n koo golee Lawa a Nɛgiĩ li gɔ́ɔ̃ nɛ. Asɛ lɛ na á ma narɛ, á n din nyin kɔ maa lɛa.

Efɛɛzi minin 2:10

A giala, mà Lawa din na á wɔ yɔrɔ bɔ, á wɔ zɛnaa wɔa tá kun ka Yezu Krita-n kɛ gɔ́ɔ̃ nɛ, mà wɔ boo la wɔ nya ǹ dí sonboren nya. Lawa din na á saa lɛlɛ, á bɛa nya ǹ dín kɛn lɛn yɔrɔ bɔ, ń giɛ wɔ tá ǹ siin zɛnɛɛ.

Kolɔɔsi minin 1:19

A na á kɔɔ̃n kɔ Lawa din ganaa, á Lawabaa ǹ sii tumaa lɛ-piɛ̃ wɔ a Nɛgiĩ lɛ nɛ,

Kolɔɔsi minin 1:27

Bɛa sii-durii kɛ lɛ a bǐɛ̃ a golebaa laanka a gugurubaa n doe tɔrɔ tumaa ganaa, Lawa na á ga li mà a bɛ lɛ nyaa a din a minin kɛn manɛ. Bɛa sii-durii lɛ n ka kɛ nɛ: Krita n ka gɔ́ɔ̃ nɛ, bɛ n foo-doa lɛa, mà ka á re kaa wɔ gii yii Lawa a gugurubaa kɛ nɛ.

Kolɔɔsi minin 2:9

Sɛnɛ Krita lɛ sɛ n màn dadaran laanka a goledɛnan kɛn tumaa mìi la. Lawa a Lawabaa din tumaa na á kaa kun, á minbuiin baa asɛ nɛ, á giã a nɛ ka a lɛ-piɛ̃maa nɛ. Kasɛn dɔn kaa-kun ka Krita-n lɛ barka nɛ, ka Lawa a sii tumaa lɛ-piɛ̃ yɛ.

Zaã1 4:12

Min kɔ́n yii tɔn Lawa yɛ wa. Sɛnɛ, bɛ̀ wɔ á kɔn narɛ, Lawa n goɛ̃ kun wɔ nɛ, a minin narɛ ǹ sii dɔ nə n zɛnɛɛ wɔ nɛ a giala yii li.