Zaã a sɛ́wɔ 14:12 - LAWA A BOO SONBORE 2011

¹² Man taãn pii ka nɛ, bɛ̀ min mɛn nə́ golee masɛ li, ma bɛ́ siin mɛnɛn zɛnɛɛ, ǹ dɛnaa dɔ á die bɛn miãn zɛnɛɛ. A tá re mànan dinin zɛnɛɛ ǹ la bɛn manɛ, a giala, masɛ n woe maa Díi li.

LAWA A BOO SONBORE

¹² Man taãn pii ka nɛ, bɛ̀ min mɛn nə́ golee masɛ li, ma bɛ́ siin mɛnɛn zɛnɛɛ, ǹ dɛnaa dɔ á die bɛn miãn zɛnɛɛ. A tá re mànan dinin zɛnɛɛ ǹ la bɛn manɛ, a giala, masɛ n woe maa Díi li.

Zaã a sɛ́wɔ 14:12 ပူးပေါင်းရင်းမြစ်များ

Matiə 21:21

Yezu tɔ́n pɛ ǹ nɛ: – Man pii ka nɛ, sonbore: Bɛ̀ golee Lawa li yɛ ka lon ǹ mɛn pinaa, bɛ̀ ka n gɔ́ɔ̃ baa paa wa, masɛ màn mɛn zɛnaa bɛa gɔ́rɔ da kɛ nɛ, ka a re goɛ̃ bɛ li wa. Haalɛ ta ka n ka pɛ kele kɛ nɛ: «Yoo n nə n bɔ kànaa, n wo n dɔ yìsi mu gole li», a nə n zɛnɛɛ.

Marki 11:13

A bɛ́ tiãlɛa, á gɔ́rɔ da goon yɛ, luu ná a ganaa. Á woo ga a ganaa, mà kɔntan, mà asɛ á die nɛ yii la. A bɛ́ á woo á dɔ da lɛ li, á luu dinsɔɔ̃ yɛ a ganaa, a giala, a nɛ kɔ biikoo bie wa.

Marki 16:17

Masɛ a goleemali wolen bɛ́ re n doɛ̃ sii a kɔnbɔn mɛnɛn li, bɛn man ka kɛn nɛ: Ǹ tá re nɔ̀ɔnɔn lui ǹ nə ǹ bɔ minin ganaa ka masɛ tɔ nɛ. Ǹ tá re bɔlɔ soreen pii.

Zaã a sɛ́wɔ 14:28

Ma bɛ́ má pɛ ka nɛ máa man woe, ma wusoo man bɔyaa ma da ka li, ka bɛ́ ka ma. Bɛ̀ ka tá ma narɛ, ka tá re n nyɛnyɛɛ masɛ a wo maa Díi li lɛ taman yii, a giala, maa Díi á gole á la masɛ nɛ.

Zaã a sɛ́wɔ 16:7

Bɛ din tumaa kio, man taãn pii ka nɛ: Maa woo á soɛ ka ganaa. A giala, bɛ̀ ma woo wa, Dɔmalɛ Wole lɛ a die ka li wa. Sɛnɛ, bɛ̀ má woo, ma á die diɛ ka la.

Zaã a sɛ́wɔ 4:37

Bɛ lɛ gɔ́ɔ̃ nɛ, ka bɛ́ suusu mɛn diɛ taãn nɛ: «Min goon nə diɛ, ǹ miã kɔsɔ n yawɛɛ.»

Zaã a sɛ́wɔ 5:20

A giala, Díi á Nɛgiĩ lɛ narɛ, a tá a nya ǹ dí tumaa dɔ nyɛɛ nɛ. Á die dí dadara kɔsɔn dɔn nyɛɛ nɛ doo a nya, yǎa a kaãbaa diɛ ka ganaa.

Zaã a sɛ́wɔ 7:33

Yezu tɔ́n pɛ: «Masɛ n kun ka nɛ biikoo boɛɛn gɔ́ɔ̃ nɛ, bɛ kio, min mɛn ma dia, ma á die wusii ma wo bɛ li.

Zaã a sɛ́wɔ 7:39

(Yezu na á pɛ miɛ̃, á goã boo diɛ Lawa a Yiri Fu wɔ gɔn la, a goleemali wolen bɛ́ re ǹ mɛn yii. Sonbore, bɛa biikoo li, bɛ̀ Lawa a Yiri Fu tɔn nə n kɔ ǹ la wa, a giala, bɛ á zɛnɛɛ, bɛ̀ Lawa tɔn gugurubaa kɔ Yezu la bɔrɔ wa.)

Nya ǹ dín 10:46

Sonbore, maǹ nə́ goã bɛa minin kɛn lɛn lɛ miɛ boo diɛ ka bɔlɔ kɔsɔn nɛ, ǹ nə́ Lawa a golebaa boo diɛ nɛ. Piɛrɛ wusoo á n lɛ bũ á pɛ:

Nya ǹ dín 16:18

Á bɛa sii kɛ lɛ zɛnaa lɛawaa damata gɔ́ɔ̃ nɛ. Pooli bɛ́ á nɔmaa, á n bɔyaa á pɛ nɔ̀ɔnɔn lɛn manɛ: «Man pii ka nɛ ka Yezu *Krita tɔ nɛ, ka n bɔ lɔ kɛ ganaa.» A din bǎã-n gɔrɔ, nɔ̀ɔnɔn lɛn nə́ n bɔ a ganaa.

Nya ǹ dín 19:12

Bɛ lɛ gɔ́ɔ̃ nɛ, minin man nə́ goã giɛ, patara laanka mɔnaa lɛkoron mɛnɛn nə n lɔ Pooli gɔ̀nɔn ganaa, ǹ bɛn goa ǹ nə ǹ da busulən ganaa. Bɛa busulən lɛn dɔn man nə́ goã kaka koe, nɔ̀ɔn baraa dɛnan nɔ̀ɔnɔn nə́ goã n boe ǹ ganaa.

Nya ǹ dín 2:33

Lawa saa á da gugurubaa ǹ bǎã nɛ a din gusin. A Díi nə n lɛ kɔ la ka Yiri Fu mɛn nɛ, á bɛ kɔ la á dia wɔ la. Ka yii bɛ́ sii mɛn tumaa ganaa, ka nə ǹ mɛn tumaa dɔ miɛ, a din Yiri Fu lɛ a dí ni.

Nya ǹ dín 2:41

Min gigiã golee a boo li, ǹ nə́ batɛmu da ǹ ganaa. Bɛa pinaa kɛ lɛ nɛ, minbuiin duu sɔɔ (3 000) kɛ miã yɛ, ǹ nə́ kaa kun Lawa a zaman lɛ nɛ.

Nya ǹ dín 4:16

«Wɔ ǹ die wàa zɛnɛɛ minin kɛn manɛ? Sonbore, a n foaãnɛ Zeruzalɛmu min tumaa yɔrɔ-a, mà man nə́ kaãbaa ǹ sii gole zɛnaa, wɔsɛn nə́ wɔ ba boe la wɔ màn mɛn liere kɔ wa.

Nya ǹ dín 4:33

Dia dí-a wolen lɛn man nə́ goã siéren biɛ ka ǹ da ǹ boon ne, ka kaãbaa ǹ siin ni, ǹ nə́ nyɛɛ mà Yezu n Dɛnaa lɛ lɛa, a yii kaa á n bɔ geren bii. Lawa a bǐɛ̃baa gole kɛ na á goã barka we ǹ tumaa nɛ.

Nya ǹ dín 4:4

Sɛnɛ, minin mɛnɛn nə n too kɔ boo laakalaa lɛ li, bɛn gigiã golee Lawa li. Lawa a zaman lɛ tumaa woo dɔ min duu sooro (5 000) kɛ miã.

Nya ǹ dín 5:15

Minin man nə́ goã ǹ busulən naɛ piìn la hinlaa kataran la, bɛ̀ ǹ soo ǹ ne zii la, màn mɛn bɛ́ toɛ, bɛ̀ Piɛrɛ á kiɛ̃, ta a wúlu dinsɔɔ̃ nɛ, bɛ kaa ǹ mɛn ganaa.

Nya ǹ dín 6:7

Bɛ kio, Lawa a boo lɛ a pɛ goã woe nyɛɛnɛ, màn na á goã miɛ kialandɛnan lɛn li taãn-taãn Zeruzalɛmu kiwi lɛ nɛ. Lawa a Kion wúlu-bɔle gigiã dɔ́ lɛ kɔ ǹ nə́ golee Lawa li.

Nya ǹ dín 8:7

Sonbore, nɔ̀ɔn babaraa gigiã na á goã n boe nɔ̀ɔndɛnan ganaa, bɛ̀ ǹ nə́ n lɛ dii parsiini. Bɔlɔka gigiã laanka siməə wole gigiã dɔ a busu nya.

Nya ǹ dín 9:34

Piɛrɛ pɛ nɛ: «Enee ganaa, Yezu *Krita nə n busu nyɛɛ. N din yoo n nə n katara saa.» A din bǎã-n gɔrɔ, giĩ lɛ yoo á golee.

Nya ǹ dín 9:40

Piɛrɛ pɛ mà min tumaa soo. A din nə́ mɛ a musin la, á Lawa nyankɔ. Bɛ kio á n yɔrɔ dia gere lɛ la, á pɛ: «Tabita, yoo lon.» Lɔ lɛ nə́ n yii bũ, á bɛ́ á Piɛrɛ yɛ lɔn gɔrɔ, á yoo á giã a giala la.

Rɔmu minin 15:19

ka kaãbaa ǹ sii dadaran barka nɛ, ka Yiri Fu pàã barka nɛ. Bɛ lɛ na á toa, a kũ Zeruzalɛmu kiwi ganaa a wo Ilirii gána yaa, má Krita a Boo Tii Kɔɔ̃n lɛ pɛ paǹ din tumaa ganaa.